Abalawĩ 7:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Kandi mwasyaha omũhererĩ ekihinga kyʼamali busana nʼobuhere bwʼerisumba erĩlũa oko hongo yʼamahere gʼobuholo.

Abalawĩ 7:32 Iomraidhean Croise

Erĩlũayo 29:27

Neryo wasyahigula ekĩkũba kyʼobuhere bwʼerĩhũnga-hũngya, nʼekihinga kyʼobuhere bwʼerisumba ekĩkahũnga-hũngĩbawa, nʼekikasumbawa ekyʼembangale yʼerihigulwa, oko byabya busana na Harũnĩ, nʼekyo kikabya busana nʼabagala buwe.

Abalawĩ 10:14

Nĩkwa ekĩkũba kyʼerĩhũnga-hũngya nʼekihinga kyʼerisumba wasyalirabyo omo mwanya owerĩre, uwe nʼabagala bawe, nʼabali bawe; kusangwa byabirihabwa ngʼerĩgabo lyawe, nʼerĩgabo lyʼabagala bawe, mo hongo syʼamahere wʼobuholo wʼabana ba Ĩsraelĩ.

Abalawĩ 7:33

Oyukahera omusasi wʼamahere wʼobuholo nʼebĩsabũ omo katĩkatĩ kʼabagala ba Harũnĩ, neryo ekihinga kyʼamali kyasyabya ĩgabo liwe.

Abalawĩ 7:34

Kusangwa ekĩkũba kyʼerĩsũkĩbwa nʼekihinga kyʼerisumba nabĩrĩmyabyo oko bana ba Ĩsraelĩ mo hongo yʼamahere wabo wʼobuholo, nabirihabyo uku Harũnĩ omũhererĩ, nʼoko bagala buwe ngʼerĩgabo lyabo erĩlũa oko bana ba Ĩsraelĩ busana nʼemigulu yosĩ.

Abalawĩ 9:21

Nĩkwa Harũnĩ mwahũnga-hũngya ebĩkũba ebyo nʼekihinga kyʼamali busana nʼobuhere bwʼerĩhũnga-hũngya embere syʼOmwami Mukulu; ngoko Musa ahana.

Emiganzo 5:9

Nʼobuli buhere bwʼerĩhũnga-hũngya bwʼebindu byosĩ bĩbũyĩrĩre byʼabana ba Ĩsraelĩ, ebyo bakaha omũhererĩ, byasyabya biwe.

Emiganzo 6:20

Neryo omũhererĩ asyahũngahũngyabyo eribya buhere bwʼerĩhũngahũngya embere syʼOmwami Mukulu. Ebĩ bĩbũyĩrĩre busana nʼomũhererĩ, haguma nʼolukanga lwʼerĩhũnga-hũngya nʼekihinga kyʼerisumba; nʼenyũma wʼaho Omũnazĩrĩ iniatoka erĩpũlya ebĩnyũ.

Eryibuka Ebihano 18:3

Kandi erĩ ryasyabya erĩgabo lyabo lĩkalũa oko bandu, oko bakahera obuhere, yamabya ende kutse embũlĩ, basyaha omũhererĩ yʼekiboko nʼamatema abiri, nʼekĩhũ.

1 Samwelĩ 9:24

Nʼomũhũkĩ mwĩmya ekihinga nʼebyalya haguma nakyo, mwahĩrabyo embere sya Saũlo. Neryo Samwelĩ mwabũga, ati, Lebaya, ebyabikawa byebĩ! Ũhĩrebyo embere syawe ulye; kusangwa byabikawa busana nawe oko mugulu ahulawa, kusangwa na bũga, nyiti, Nabiribirikira bandu. Neryo Saũlo mwalya haguma na Samwelĩ ekiro ekyo.