Abalawĩ 7:30 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁰ Ebyala biwe byasyaleta amahere oko Mwami Mukulu awakokĩbawa omo muliro. Ebĩsabũ haguma nʼekĩkũba asyaletabyo, ekĩkũba kitoke eriretwa eribya buhere bwʼerĩsũka-sũkĩbwa embere syʼOmwami Mukulu.

Abalawĩ 7:30 Iomraidhean Croise

Esyonyimbo 110:3

Abandu bawe basyayiha ukʼuwe ekiro wasyalwa nʼesyonzĩgũ syawe. Oko bitwa bĩbũyĩrĩre, ngʼekimi kyʼengyakya-ngyakya, Abalwana bawe basyakũhĩkako.

Abalawĩ 10:14

Nĩkwa ekĩkũba kyʼerĩhũnga-hũngya nʼekihinga kyʼerisumba wasyalirabyo omo mwanya owerĩre, uwe nʼabagala bawe, nʼabali bawe; kusangwa byabirihabwa ngʼerĩgabo lyawe, nʼerĩgabo lyʼabagala bawe, mo hongo syʼamahere wʼobuholo wʼabana ba Ĩsraelĩ.

Abalawĩ 10:15

Basyaleta ekihinga kyʼerisumba nʼekĩkũba kyʼerĩhũnga-hũngya haguma nʼamahere awakokĩbawa omo muliro oko magabo wʼebĩsabũ, eriretabyo busana nʼobuhere bwʼerĩhũnga-hũngya embere syʼOmwami Mukulu; kandi lyasyabya ĩgabo lyawe, nʼabagala bawe haguma, ebiro byosĩ; ngoko Mwami Mukulu abirihana.

Abalawĩ 3:14

Neryo asyaleta kuyo obuhere buwe, ngʼobuhere obũkokĩbawa oko muliro busana nʼOmwami Mukulu; ebĩsabũ ebikaswika ebila byʼomo nda, nʼebĩsabũ byosĩ ebiri endata oko bila omo nda,

Abalawĩ 3:9

Kandi asyahera eyʼeriherera lyʼamahere wʼobuholo, asyaleta ngʼobuhere obũkokĩbawa oko muliro busana nʼOmwami Mukulu, asyaleta ebĩsabũ byayo, nʼomukira wʼebĩsabũ erĩlũsyago hakũhĩ nʼerĩkũha lyʼomugongo; nʼebĩsabũ ebĩswĩkĩre ebyʼomo nda, nʼebĩsabũ byosĩ ebiri endata oko bila byʼomo nda.

Abalawĩ 8:27

Neryo mwahĩra ebyosĩ omo byala bya Harũnĩ, nʼomo byala byʼabagala buwe, neryo mwaletabyo ngʼobuhere bwʼerĩhũnga-hũngya embere syʼOmwami Mukulu.

Abalawĩ 8:29

Neryo Musa mwĩmya ekĩkũba ekyo, mwahũnga-hũngyakyo busana nʼobuhere bwʼerĩhũnga-hũngya embere syʼOmwami Mukulu; lyabya ĩgabo lya Musa oko mbangale yʼerihigula; ngoko Mwami Mukulu ahana Musa.

Abalawĩ 9:20

mobahĩra ebihande byʼebĩsabũ byʼoko bĩkũba; neryo mwahĩsĩrĩrya ebĩsabũ byʼomo mũkĩ oko kiherero mo buhere.

Abalawĩ 9:21

Nĩkwa Harũnĩ mwahũnga-hũngya ebĩkũba ebyo nʼekihinga kyʼamali busana nʼobuhere bwʼerĩhũnga-hũngya embere syʼOmwami Mukulu; ngoko Musa ahana.

Emiganzo 6:20

Neryo omũhererĩ asyahũngahũngyabyo eribya buhere bwʼerĩhũngahũngya embere syʼOmwami Mukulu. Ebĩ bĩbũyĩrĩre busana nʼomũhererĩ, haguma nʼolukanga lwʼerĩhũnga-hũngya nʼekihinga kyʼerisumba; nʼenyũma wʼaho Omũnazĩrĩ iniatoka erĩpũlya ebĩnyũ.

Emiganzo 8:11

Na Harũnĩ asyahanganĩa Abalawĩ embere syʼOmwami Mukulu eribya buhere bwʼerĩhũnga-hũngya busana nʼabana ba Ĩsraelĩ, ibatoka erikola omũbĩrĩ wʼOmwami Mukulu.

Yoane 10:18

Sihali mundu oyukanyisagulayo, nĩkwa ngasigayo omo hamũlĩ yage. Nyiwite ehamũlĩ yʼerisigayo, kandi ngwite ehamũlĩ yʼerĩswĩmyayo. Tata wage abirinyihana ati nyikole nyitya.

2 AbanyaKorinto 8:12

Nĩkwa mwamabya nʼomũhwa wʼerĩhĩtya, Nyamuhanga akalĩga ebyo mundu awite, butsira ebyo atawite.

Eryibuka Ebihano 18:3

Kandi erĩ ryasyabya erĩgabo lyabo lĩkalũa oko bandu, oko bakahera obuhere, yamabya ende kutse embũlĩ, basyaha omũhererĩ yʼekiboko nʼamatema abiri, nʼekĩhũ.