Abalawĩ 7:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Nĩkwa omundu oyukalya okwʼĩswĩ yʼehongo yʼamahere wʼobuholo wʼOmwami Mukulu, oyũtĩsĩrĩre, omundu oyo asyahigwa oko bandu buwe.

Abalawĩ 7:20 Iomraidhean Croise

Enzũko 17:14

Omulume oyutabwene omo mubiri wʼengoba, omundu oyo iniahigwa erĩlũsĩbwa oko bandu buwe, abiriketa endagano yage.

Erĩlũayo 30:33

Oyukasyenga awasosene nago, kutse oyũkahĩra nʼakake oko wʼehandi, asyahigwa oko bandu buwe.

Erĩlũayo 30:38

Nʼomundu oyo wasyakokotya obusosene nʼobo ati, akakumba kubo, asyahigwa erĩlũa oko bandu buwe.

Ezekĩelĩ 33:25

Neryo, ubwirebo, uti, Omukama Iye Omwami Mukulu ati, Mukalya esĩswĩ haguma nʼomusasi, musumbe ameso wenyũ oko syosanamu syenyũ omugulu mũkũta omusasi. Neryo muti mwasyasĩgalya ekihugo kwehĩ?

Abalawĩ 18:29

Kusangwa omundu wahi oyukakola ekiguma kyʼesyonye esĩ, abandu abakakolasyo basyahigwa omo bandu babo.

Abalawĩ 19:8

Nĩkwa obuli mundu oyukalyayo asyaheka ebibi biwe, kusangwa abĩrĩtsandya ekindu kĩbũyĩrĩre kyʼOmwami Mukulu; nʼomundu oyo asyahigwa omo bandu buwe.

Abalawĩ 20:3

Nage nasyahĩnĩrya omundu oyo yʼobũsũ bwage, nage nasyamũlũsya omo bandu buwe; kusangwa abiriha abana buwe uku Molekĩ, erĩtsandya ahʼerĩĩkala hage, nʼerĩtsandya erĩna lyage lĩbũyĩrĩre.

Abalawĩ 23:29

Kusangwa hamabya mundu oyũtendĩyĩkehya oko kiro ekyo, asyalũsibwa oko bandu buwe.

Abalawĩ 7:19

Nʼeyĩswĩ eyĩkatũla oko kindu kĩtĩsĩrĩre sisyeribawa; yasyahĩsĩrĩrĩbwa omo muliro. Kandi busana nʼeyindi ĩswĩ obuli mundu oyo werĩre asyalya kuyo.

Abalawĩ 7:25

Kusangwa Omundundi oyukalya ebĩsabũ byʼenyama eyo abandu bakaherera mo buhere bũlyokĩbawa oko muliro busana nʼOmwami Mukulu, omundu oyukalyabyo asyahigwa oko bandu buwe.

Abalawĩ 7:27

Kandi omundu gʼũkwʼĩnywe oyukalya omusasi, omundu oyo asyahigwa oko bandu buwe.

Emiganzo 19:13

Omundundi oyũkatũla oko kĩnda kyʼomundu ũholĩre, amatindayerya, akatasandaya ahʼerĩĩkala hʼOmwami Mukulu; nʼomundu oyo asyatahulwa oko Baĩsraelĩ; kusangwa amagetsi wʼobũtsandĩrya mwatatsatsangwa kwiye, asyabya mũtsandĩrya; obũtsandĩrya buwe bukinamuliko.

1 AbanyaKorinto 11:28

Nĩkwa omundu ayitswere, neryo alye oko bundu obo nʼerĩpũlya oko lũtehĩ.

1 Samwelĩ 20:26

Nĩkwa Saũlo mwatabũgakĩ ekiro ekyo; kusangwa aganĩraya ati, Awite ekyo akwĩre, sĩerĩre; kwenene sĩerĩre.