Abalawĩ 7:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Aho bakakerera obuhere bwʼerĩokererya ha nʼaho basyakerera obuhere bwʼolubanza, asyatsatsanga omusasi wabo oko kiherero erĩtĩmbya ehosĩ.

Abalawĩ 7:2 Iomraidhean Croise

Ĩsaya 52:15

neryo asyasĩsĩrya ebihanda bingi. Abami basyamũkũmbĩra amuno wabo. Kusangwa ebyo bate babwirwa basyalangirabyo, nʼebyo bate bowa basyaminyabyo.

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Ezekĩelĩ 40:39

Nʼomo bũsekũ bʼolũkyo habya esyomesa ĩbĩrĩ oko luhande olũ, nʼesyomesa ĩbĩrĩ oko luhande lulya esyʼerikererako obuhere bwʼerĩokererya nʼobuhere bwʼebibi, nʼobuhere bwʼolubanza.

Abalawĩ 1:11

Asyakererayo oko ndambi yʼekiherero eyikalola elutambi lwʼendata embere syʼOmwami Mukulu; kandi abahererĩ, abagala ba Harũnĩ, basyatsatsanga omusasi wayo oko kiherero erĩtĩmbyago ehosĩ.

Abalawĩ 1:3

Obuhere buwe bwamabya ini buhere bwʼerĩokererya bwʼende, asyahera enume eyite ko bulema; asyaherayo oko lũkyo lwʼeHema yʼerĩhĩndanamo, iniatoka erĩrĩgwa embere syʼOmwami Mukulu.

Abalawĩ 1:5

Naye asyĩta enume eyo embere syʼOmwami Mukulu; nʼabagala ba Harũnĩ, abahererĩ basyaleta omusasi hakũhĩ, nʼeritsatsangago oko kiherero erĩtĩmbyago ehosĩ aho oko lũkyo lwʼeHema yʼerĩhĩndanamo.

Abalawĩ 14:13

Neryo asyakera akabangale aho bakakerera obuhere bwʼebibi nʼobuhere bwʼerĩokererya, ahabũyĩrĩre; kusangwa ngoko buhere bwʼebibi ni bʼomũhererĩ, obuhere bwʼolubanza ko bune butya, bũbũyĩrĩre kutsibu.

Abalawĩ 3:2

Kandi asyahĩra ebyala biwe oko mutwe wʼobuhere buwe, nʼerĩĩtĩrayo oko lũkyo lwʼeHema yʼerĩhĩndanamo; nʼabahererĩ, abagala ba Harũnĩ basyatsatsanga omusasi oko kiherero erĩtĩmbyago ehosĩ.

Abalawĩ 3:8

naye asyahĩra ebyala biwe oko mutwe wʼobuhere buwe nʼerĩĩtĩrayo embere syʼeHema yʼerĩhĩndanamo; nʼabagala ba Harũnĩ basyatsatsanga omusasi wayo oko kiherero erĩtĩmbyago ehosĩ.

Abalawĩ 4:24

Neryo asyahĩra ebyala biwe oko mutwe wʼembene, nʼerikererayo aho bakakerera obuhere bwʼerĩokererya embere syʼOmwami Mukulu; ni buhere bwʼebibi.

Abalawĩ 4:29

Neryo asyahĩra ebyala biwe oko mutwe wʼobuhere bwʼebibi nʼerikera obuhere bwʼebibi aho bakakerera obuhere bwʼerĩokererya.

Abalawĩ 4:33

Kandi asyahĩra ebyala biwe oko mutwe wʼobuhere bwʼebibi, nʼerikerayo busana nʼobuhere bwʼebibi aho bakakerera obuhere bwʼerĩokererya.

Abalawĩ 5:16

Neryo asyaliha busana nʼekyo alĩahalayamo omo kindu kĩbũyĩrĩre ekyo, kandi asyatomeka ekitswe kiguma kyʼomo bitanu kukyo, nʼerihakyo oko mũhererĩ; nʼomũhererĩ asyamũsanganĩa omo mbangale yʼobuhere bwʼolubanza, naye asyabuyirwa.

Abalawĩ 5:7

Neryo amatindatoka eribana ekyana kyʼembũlĩ, asyaletera Omwami Mukulu obuhere buwe bwʼolubanza busana nʼekyo abĩrĩhalyamo, ehitungula hibiri, kutse ehyana hibiri hyʼehĩrĩkũkũ; akaguma busana nʼobuhere bwʼebibi, nʼakandi busana nʼobuhere bwʼerĩokererya.

Abalawĩ 5:9

Kandi asyatsatsanga omusasi wʼobuhere bwʼebibi oko ndambi yʼekiherero; nʼomusasi owalyasĩgala asyasandũlĩryago omo ndĩna yʼekiherero; ni buhere bwʼebibi.

Abalawĩ 6:25

Ubwire Harũnĩ nʼabagala buwe, uti, Ekĩ ni kihano kyʼobuhere bwʼebibi; omo mwanya aho obuhere bwʼerĩokererya bũkĩtĩrawa obuhere bwʼebibi bwasyokererĩbwa embere syʼOmwami Mukulu; nĩ bũbũyĩrĩre kutsibu.

Abalawĩ 6:7

nʼomũhererĩ asyamũsanganĩa omo mbanulo oko Mwami Mukulu; naye asyabuyirwa busana nʼomwatsi wahi akakola owakaleka iniabya kʼolubanza.

Emiganzo 6:12

Kandi asyahigulira Omwami Mukulu yʼebiro biwe eribya Mũnazĩrĩ, kandi asyaleta akabangale, ekyana kyʼembũlĩ kyʼomwaka muguma busana nʼobuhere bwʼolubanza; nĩkwa ebiro byʼerĩmbere byasyabya busa, kusangwa eriyisolola liwe lyatsandĩbawa.

AbaEbrania 11:28

Busana nʼerĩkĩrĩrya, Musa mwahĩra Erikiruka, kandi mwategeka erĩhakabya lyʼomusasi oko syongyo, omũlaĩka wʼoluholo siasyetũla oko himbere hyabo.

AbaEbrania 12:24

Kandi mwabĩrĩhĩka uku Yesu omũsanganĩa wʼerilagana lihya-lihya, nʼoko musasi owʼerĩlagalĩrya, owakakanganaya omwatsi owene kwilaba erĩtũlago lyʼomwatsi gʼomusasi wa Abele.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.