Abalawĩ 6:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ nʼomũhererĩ asyamũsanganĩa omo mbanulo oko Mwami Mukulu; naye asyabuyirwa busana nʼomwatsi wahi akakola owakaleka iniabya kʼolubanza.

Abalawĩ 6:7 Iomraidhean Croise

Erĩlũayo 34:7

oyukabikira obwenge bwʼolwanzo oko bandu maelfu, oyukabuyira obubi, nʼamalolo, nʼebibi; oyutendisyabya butasuyira ababi, erĩhĩra ebibi byʼabĩse oko bana, nʼoko bitsikulu babo, erĩhĩka oko lulengo lwʼakasatu nʼolwʼakani.

Ĩsaya 1:18

Omwami Mukulu ati, Mwase lino, tũkanaye haguma. Nomo ebibi byenyũ byangabya ngʼengula, byasyabya byeru ngʼenzururu. Nomo byangabya ngʼomunyama, byasyabya ngʼobweya bwʼesyombũlĩ.

Ezekĩelĩ 33:19

Nĩkwa omugulu omundu mubi akabinduka erireka ebibi biwe, akakola erĩbanza lyʼekwenene, nʼebitunganene, asyabyaho busana nabyo.

Abalawĩ 2:1

Neryo omugulu omundu akaherera Omwami Mukulu obuhere bwʼerĩhĩtya lyʼeyĩsyano, obuhere buwe bwasyabya bwʼeyĩsano yʼenzelele; asyũtũlĩra kuyo kwʼamagũta, nʼerĩhĩra kuyo kwʼoũbanĩ.

Abalawĩ 4:20

Kwʼasyakola atya nʼenume; ngoko akola nʼenume yʼobuhere bwʼebibi, kwʼasyakola ekĩ kyʼatya. Nʼomũhererĩ asyabanirabo embanulo, nabo basyabuyirwa.

Abalawĩ 4:26

Kandi asyahĩsĩrya ebĩsabũ byayo byosĩ oko kiherero, ngʼebĩsabũ byʼehongo yʼamabere wʼobuholo; nʼomũhererĩ asyamũsanganĩa omo mbanulo busana nʼebibi biwe, naye iniabuyirwa.

Abalawĩ 4:31

Kandi asyalũsyaho ebĩsabũ byayo byosĩ ngoko bĩsabũ byalũsĩbawaho oko hongo yʼamahere wʼobuholo; nʼomũhererĩ asyahĩsĩrĩryabyo oko kiherero busana nʼekikumbo kĩsĩhĩre busana nʼOmwami Mukulu; nʼomũhererĩ asyamũsanganĩa omo mbanulo busana naye, naye asyabuyirwa.

Abalawĩ 5:10

Neryo asyahera akʼakabiri busana nʼobuhere bwʼerĩokererya, ngʼebilayiro; nʼomũhererĩ asyamũsanganĩa omo mbanulo busana nʼebibi biwe ebyo abirikola, naye asyabuyirwa.

Abalawĩ 5:13

Nʼomũhererĩ asyamũsanganĩa busana nʼekibi kiwe ekyo abirikola omo myatsi yosĩ eyĩ, naye asyabuyirwa; nʼebiryasaka byasyabya byʼomũhererĩ, ngʼobuhere bwʼeyĩsyano yʼengano.

Abalawĩ 5:18

Naye asyaletera omũhererĩ yʼembangale eyite ko bulema, ĩkalũa omo kĩhyo, ngʼeriganza eryo asyamusohera, busana nʼobuhere bwʼolubanza. Neryo omũhererĩ asyamũsanganĩa busana nʼomwatsi ogo abĩrĩhalyamo butsira eriyiririra isyabya asĩgo, naye asyabuyirwa.

Abalawĩ 6:8

Kandi Omwami Mukulu mwabũga na Musa ati,

Abalawĩ 7:2

Aho bakakerera obuhere bwʼerĩokererya ha nʼaho basyakerera obuhere bwʼolubanza, asyatsatsanga omusasi wabo oko kiherero erĩtĩmbya ehosĩ.

Mĩka 7:18

Nindi yo Nyamuhanga nga we, oyukabuyira ebibi, nʼerikiruka okwʼihona lyʼamasĩgalira wʼabandu buwe kwehĩ? Sialibika erihitana liwe kera na kera, kusangwa akatsemera obubuya bʼolwanzo.

Matayo 12:31

Neryo ngababwira nyiti abandu bangabuyira obuli bibi nʼobuli bĩtsũmĩ, nĩkwa oyukatsuma Omũlĩmũ Abũyĩrĩre siendisyabuyirwa.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

1 Yoane 1:9

Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu nʼerĩtwerya kwʼekitatunganene kyetu kyosĩ.