Abalawĩ 6:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Naye asyaletera omũhererĩ yʼobuhere buwe bwʼerĩlolya, busana nʼOmwami Mukulu, embangale eyite ko bulema eyĩkalũa omo kĩhyo, ngʼeriganza lyawe, lyʼobũgũlĩ bwayo, busana nʼobuhere bwʼerĩhalya,

Abalawĩ 6:6 Iomraidhean Croise

Ezera 10:19

Neryo mobalahĩrya omo byala byabo bati basyahiga abakalĩ babo; neryo kusangwa babya nʼomusango, mobahanula embangale yʼekihangulo busana nʼerĩhalya lyabo.

Nehemĩa 10:35

Kandi batoke erireta Obuyilula bwʼekitaka kyetu, Obuyilula bwʼebĩgũma byosĩ byʼemĩsĩndo yosĩ yʼemiti obuli mwaka, oko nyũmba yʼOmwami Mukulu.

Ezekĩelĩ 40:46

Nĩkwa ekyumba ekĩkalolaya elutambi lwʼendata kiri busana nʼabahererĩ abakategaya ekiherero. Abo ni bagala ba Zadokĩ, oyuli oko bagala ba Lawĩ abakasegera hakũhĩ nʼOmwami Mukulu erimukolera.

Abalawĩ 14:12

Nʼomũhererĩ asyĩmya akaguma kʼoko hibangale, nʼerihako busana nʼobuhere bwʼolubanza, nʼekibindi kyʼamagũta, nʼerĩhũnga-hũngyabyo busana nʼobuhere bwʼerĩhũnga-hũngya embere syʼOmwami Mukulu.

Abalawĩ 5:15

Omundu nomo angabyandi akahalya, butsira eriyiririra, omo myatsi ĩbũyĩrĩre yʼOmwami Mukulu; neryo asyaletera Omwami Mukulu yʼobuhere bwʼolubanza, embangale eyite ko bulema ĩkalũa omo kĩhyo, ngʼeriganza lyawe omo bĩtsĩpa byʼesekelĩ, omo lulengero lwʼesekelĩ yʼahabũyĩrĩre, busana nʼobuhere bwʼolubanza.

Abalawĩ 5:18

Naye asyaletera omũhererĩ yʼembangale eyite ko bulema, ĩkalũa omo kĩhyo, ngʼeriganza eryo asyamusohera, busana nʼobuhere bwʼolubanza. Neryo omũhererĩ asyamũsanganĩa busana nʼomwatsi ogo abĩrĩhalyamo butsira eriyiririra isyabya asĩgo, naye asyabuyirwa.

Abalawĩ 5:7

Neryo amatindatoka eribana ekyana kyʼembũlĩ, asyaletera Omwami Mukulu obuhere buwe bwʼolubanza busana nʼekyo abĩrĩhalyamo, ehitungula hibiri, kutse ehyana hibiri hyʼehĩrĩkũkũ; akaguma busana nʼobuhere bwʼebibi, nʼakandi busana nʼobuhere bwʼerĩokererya.