Abalawĩ 5:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo amatindatoka eribana ekyana kyʼembũlĩ, asyaletera Omwami Mukulu obuhere buwe bwʼolubanza busana nʼekyo abĩrĩhalyamo, ehitungula hibiri, kutse ehyana hibiri hyʼehĩrĩkũkũ; akaguma busana nʼobuhere bwʼebibi, nʼakandi busana nʼobuhere bwʼerĩokererya.

Abalawĩ 5:7 Iomraidhean Croise

Abalawĩ 12:6

Neryo ebiro byʼeriera liwe byasyabya byabĩhĩkana, busana nʼomugala, kutse busana na mwali, asyaletera omũhererĩ ekyana kyʼembũlĩ kyʼomwaka muguma busana nʼobuhere bwʼerĩokererya, nʼakalĩkũkũ kalere, kutse akatungula, busana nʼobuhere bwʼebibi oko lũkyo lwʼeHema yʼerĩhĩndanamo.

Abalawĩ 12:8

Amalindatoka eribana ekyana kyʼembũlĩ, neryo ĩnĩmya ehitungula hibiri, kutse ehĩrĩkũkũ hibiri hirere, akaguma kʼobuhere bwʼerĩokererya, nʼakandi busana nʼobuhere bwʼebibi; nʼomũhererĩ asyamũsanganĩa omo mbanulo, naye asyera.

Abalawĩ 14:30

Kandi asyahera akaguma kʼehitungula, kutse kʼehĩrĩkũkũ hirere ngoko angatoka eribanako.

Abalawĩ 14:31

Asyahera ngoko angatoka eribanako, akaguma busana nʼobuhere bwʼebibi, nʼakandi busana nʼobuhere bwʼerĩokererya, haguma nʼobuhere bwʼeyĩsyano yʼengano. Nʼomũhererĩ asyasanganĩa oyũkasyerĩbawa omo mbanulo embere syʼOmwami Mukulu.

Abalawĩ 15:30

Nʼomũhererĩ asyahera akaguma busana nʼobuhere bwʼebibi, nʼakandi busana nʼobuhere bwʼerĩokererya, nʼomũhererĩ asyamũsanganĩa omo mbanulo embere syʼOmwami Mukulu busana nʼobũtsandĩrya buwe.

Abalawĩ 16:5

Neryo asyĩmya oko ndeko yʼabagala ba Ĩsraelĩ esyombaya ĩbĩrĩ busana nʼobuhere bwʼebibi, nʼembangale nguma busana nʼobuhere bwʼerĩokererya.

Abalawĩ 27:8

Nĩkwa amabya mwera kwilaba enzwere yawe, neryo wasyamũhĩra embere syʼomũhererĩ, nʼomũhererĩ asyamũhĩra kwʼenzwere: ngʼobũtokĩ bʼoyo walahĩraya ko buli.

Abalawĩ 5:11

Kandi amatindatoka eribana ehitungula hibiri, kutse ehyana hyʼehĩrĩkũkũ hibiri, neryo asyaleta obuhere buwe busana nʼekyo abĩrĩhalyamo, ekiguma kyʼomwʼĩkũmĩ ekitiri kyʼeyĩsyano yʼenzelele busana nʼobuhere bwʼebibi; syasyehĩra kubo kwʼamagũta, kutse syasyehĩra kubo kʼoũbanĩ; kusangwa ni buhere bwʼebibi.

Abalawĩ 7:1

Ekihano kyʼobuhere bwʼolubanza kyekĩ: kĩbũyĩrĩre kutsibu.

Abalawĩ 9:3

Neryo wasyabũga nʼabandu ba Ĩsraelĩ uti, Mwĩmaye embaya busana nʼobuhere bwʼebibi nʼekyana kyʼende nʼekyana kyʼembũlĩ, ebibiri byosĩ byʼomwaka muguma, ebite ko bulema, busana nʼobuhere bwʼerĩokererya;

Emiganzo 5:6

Ũbũge nʼabana ba Ĩsraelĩ uti, Omugulu omulume kutse omũkalĩ akakola erĩlolo lyahi eryo abandu bakakola, erĩhalya oko Mwami Mukulu, nʼomundu oyo iniabiribya kʼomusango;

Emiganzo 6:10

Nʼoko kiro kyʼomunani asyaletera omũhererĩ yʼehitungula hibiri, kutse ehĩrĩkũkũ hibiri hirere-hirere, oko lũkyo lwʼeHema yʼerĩhĩndanamo.

Emiganzo 6:11

Nʼomũhererĩ asyahera akaguma busana nʼobuhere bwʼebibi, nʼakandi busana nʼobuhere bwʼerĩokererya, nʼerimukolera embanulo busana nʼebibi biwe busana nʼomũholĩ. Kandi asyahigula omutwe wuwe ekiro ekyo kisakisa.

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.

Matayo 21:12

Neryo Yesu mwaya omo Hekalũ mwahigirabo eyĩhya abosĩ abagula, nʼabagũlĩraya omo Hekalũ, kandi mwakubula ehimesa hyʼabahĩnganaya esyofranka nʼebĩtũmbĩ byʼabagũlaya ehĩrĩkũkũ.

Matayo 3:16

Neryo Yesu abere abĩbatĩsĩbwa, mwalũa omo magetsi. Neryo olubula molwakingukala busana naye, neryo mwalangira Omũlĩmũ wa Nyamuhanga akandagala ngʼakalĩkũkũ, nʼerĩmwĩkĩrako.

Luka 2:24

Kandi mobayayo busana nʼerihera obuhere ngoko Migambo yʼomukama ĩkabũga iti, Ehitungula hibiri, kutse ehyana hyʼehĩrĩkũkũ hibiri.

2 AbanyaKorinto 8:12

Nĩkwa mwamabya nʼomũhwa wʼerĩhĩtya, Nyamuhanga akalĩga ebyo mundu awite, butsira ebyo atawite.