Abalawĩ 4:34 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁴ Nʼomũhererĩ asyĩmya oko musasi wʼobuhere bwʼebibi omo munwe wuwe nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gosĩ omo ndĩna yʼekiherero.

Abalawĩ 4:34 Iomraidhean Croise

Ĩsaya 42:21

Mokyatsemesya Omwami Mukulu busana nʼeritunganene riwe, erĩhamya emigambo yiwe, nʼeriyirayo mo yʼolukengerwa.

Abalawĩ 4:18

Kandi omũhererĩ asyahĩra omusasi gʼoko mahembe wʼekiherero ekiri embere syʼOmwami Mukulu, ekiri omwisi wʼeHema yʼerĩhĩndanamo; nʼomusasi gosĩ asyũtago omo ndĩna yʼekiherero kyʼobuhere bwʼerĩokererya ekiri oko lũkyo lwʼeHema yʼerĩhĩndanamo.

Abalawĩ 4:25

Nʼomũhererĩ asyĩmya oko musasi wʼobuhere obo bwʼebibi omo munwe wuwe, nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gʼomo ndĩna yʼekiherero kyʼobuhere bwʼerĩokererya.

Abalawĩ 4:30

Nʼomũhererĩ asyĩmya oko musasi wayo omo munwe wuwe, nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gosĩ omo ndĩna yʼekiherero.

Abalawĩ 4:7

Nʼomũhererĩ asyahĩra omusasi gʼoko mahembe wʼekiherero kyʼobukwa obũsĩhĩre embere syʼOmwami Mukulu, ekiri omo Hema yʼerĩhĩndanamo; nʼomusasi gosĩ wʼenume eyo asyũtago oko ndĩna yʼekiherero kyʼobuhere bwʼerĩokererya, ekiri oko lũkyo lwʼeHema yʼerĩhĩndanamo;

Yoane 17:19

Kandi ngayiha ukʼuwe busana nabo, ibatoka eribya bawe kwenene.

AbanyaRoma 10:4

Kusangwa Kristo abĩrĩberererya Emigambo, naye akatũngananaya obuli mundu Oyũkĩkĩrĩraya.

AbanyaRoma 8:1

Neryo sihali eritswerwa oko bawatene na Kristo Yesu.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbaEbrania 10:29

Nʼoyukapona Omugala wa Nyamuhanga, nʼerilangira omusasi wʼendagane owamuhigula ngʼekindu buyira, atolere erisuyirwa kutsibu kwʼaho. Nʼoyukatsuma Omũlĩmũ wʼolukogo, uti omundu oyo siatolere erisuyirwa erĩkalĩre kutsibu kwʼaho kwehĩ?

AbaEbrania 2:10

Kusangwa lyabya litolere busana na Nyamuhanga, oyo wahangika ebindu byosĩ nʼoyũkategaya ebindu byosĩ, eriyira Yesu mo mundu oyũhĩkene busana nʼeriagalwa liwe. Neryo Yesu oyo wakokotaya erilama lyabo, atoke erireta abana bangi erisangira olukengerwa luwe.

1 Petero 2:24

Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.