Abalawĩ 4:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Nʼakandi amaleta ekyana kyʼembũlĩ ngʼobuhere buwe busana nʼobuhere bwʼebibi, asyaleta etsugutsi eyite ko bulema.

Abalawĩ 4:32 Iomraidhean Croise

Erĩlũayo 12:3

Mũbũge nʼendeko yosĩ ya Ĩsraelĩ muti, Oko kiro kyʼerĩkũmĩ oko mukera ono, obuli mundu asyayitwalira ekyana kyʼembũlĩ, ngʼenyũmba yʼabotata wabo, ekyana kyʼembũlĩ oko buli nyũmba;

Erĩlũayo 12:5

Ekyana kyenyũ kyʼembũlĩ kyasyabya butsira bulema, embangale eyʼomwaka muguma; mwasyĩmyayo omo mbũlĩ kutse omo syombenehene;

Ĩsaya 53:7

Mwanũbĩbwa, nʼerĩagalĩranĩbwa, nĩkwa mwatakũmbũla obuno buwe. Ngʼekyana kyʼembũlĩ ekikatwalawa okwʼikerwa, kandi ngʼembũlĩ kwʼikabya bũkũtũ embere syʼabatwĩ bʼobweya bwayo, naye mwatabũga ekĩnywa nʼekiguma.

Abalawĩ 1:3

Obuhere buwe bwamabya ini buhere bwʼerĩokererya bwʼende, asyahera enume eyite ko bulema; asyaherayo oko lũkyo lwʼeHema yʼerĩhĩndanamo, iniatoka erĩrĩgwa embere syʼOmwami Mukulu.

Abalawĩ 4:28

ekibi kiwe ekyo abirikola, amamĩnyĩsĩbwakyo, neryo asyaleta embene yʼobũkalĩ busana nʼobuhere buwe, eyite ko bulema, busana nʼebibi biwe alyakola.

Abalawĩ 5:6

Neryo asyaleta obuhere bwʼerĩhalya oko Mwami Mukulu busana nʼebibi biwe ebyo abĩrĩhalyamo, embene yʼobũkalĩ omo kĩhyo, ekyana kyʼembũlĩ kutse kyʼembene, busana nʼobuhere bwʼebibi.

Luka 1:35

Nʼomũlaĩka mwamũsũbĩrya ati, Omũlĩmũ Abũyĩrĩre asyakũhĩkako, nʼobũtokĩ bʼOwendata Kutsibu bwasyakũsũkũlĩrya; busana nʼomwatsi oyo, omwana abũyĩrĩre oyo wasyabuta asyahulwa mo Mugala wa Nyamuhanga.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 1:36

Neryo mwalangira Yesu akalaba, neryo mwabũga ati, Lebaya, Ekyana kyʼEmbũlĩ kya Nyamuhanga!

AbanyaEfeso 5:27

Ati, iniatoka eriyiretera ekanĩsa omo bubuya bwayo, isiyiwite ekĩtĩngũ kutse omũkũnyo kutse ekindi kiri ngʼekyo; nĩkwa ati, ibye ĩbũyĩrĩre butsira bulema.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

1 Petero 2:22

Ngoko kĩsakĩre kiti, Mwatakola ekibi, kutse amatebo mwatabanika omo mĩnywa yiwe.

1 Petero 2:24

Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.

Eribisurirwa 5:6

Neryo monalangira Ekyana kyʼEmbũlĩ ekimene omo katĩkatĩ kʼekĩtũmbĩ kyʼobwami nʼerĩtĩmbwako nʼebĩhangĩkĩre bini ebiriho nʼabakulu. Ekyana kyʼEmbũlĩ ekyo kyabya nga kyabĩrĩĩtwa. Kandi kyabya kiwite amahembe alinda nʼameso alinda, awali Mĩrĩmũ irinda ya Nyamuhanga, eyatumawa omo kihugo kyosĩ.