Abalawĩ 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ omũhererĩ oyo wabĩrĩhakabĩbwa amagũta amahalya okwʼiletera bandu olubanza, neryo aherere Omwami Mukulu busana nʼebibi biwe ebyo abirikola, enume yʼende eyite ko bulema busana nʼobuhere bwʼebibi.

Abalawĩ 4:3 Iomraidhean Croise

2 Emyatsi yʼEmigulu 29:21

Neryo mobaleta esyonume sirinda syʼesyonde, nʼesyombangale sirinda nʼebyana byʼesyombũlĩ birinda, nʼesyombaya sirinda, eribya buhere bwʼebibi busana nʼobwami na busana nʼahabũyĩrĩre, na busana nʼAbayũda. Neryo mwahana abahererĩ bagala ba Harũnĩ baheresyo oko kiherero kyʼOmwami Mukulu.

Ezera 8:35

Neryo abanyegawa, abalũa eyo bahũngĩrawa, mobahongera Nyamuhanga wa Ĩsraelĩ amahere wʼerĩokererya, esyonume erĩkũmĩ nʼesĩbĩrĩ (12) busana nʼAbaĩsraelĩ bosĩ, nʼesyombangale makũmĩ mwenda nʼendatu (96), nʼebyana byʼesyombũlĩ makũmĩ alinda nʼebirinda (77), nʼesyombaya erĩkũmĩ nʼesĩbĩrĩ (12) busana nʼobuhere bwʼamalolo; ebyosĩ ebĩ byabya buhere bwʼerĩokererya oko Mwami Mukulu.

Erĩlũayo 29:14

Nĩkwa esĩswĩ, syʼenume yʼende, nʼekĩhũ kyayo, nʼebise byayo, wasyahĩsĩrĩryabyo ekyaswa kyʼekilaliriro; ni buhere bwʼebibi.

Erĩlũayo 29:21

Kandi wasyĩmya oko musasi owali oko kiherero, nʼoko magũta wʼerĩhakabya, nʼeritsatsangago uku Harũnĩ, nʼoko syongimba siwe, nʼoko bagala buwe, nʼoko syongimba syʼabagala buwe; naye asyabya ĩnĩahĩwĩre, nʼesyongimba siwe, nʼabagala buwe, nʼesyongimba syʼabagala buwe haguma naye.

Erĩlũayo 29:7

Neryo wasyĩmya amagũta wʼerĩhakabya, nʼerĩũtago oko mutwe wuwe, nʼerĩmũhakabya.

Erĩlũayo 30:10

Na Harũnĩ asyayira omusangano oko mahembe engendo nguma oko buli mwaka; omo musasi wʼobuhere bwʼerĩlũsya amalolo bwʼeririha engendo nguma oko mwaka, engendo nguma asyayira omusangano busana nabo omo katĩkatĩ kʼesyondengo syenyũ syosĩ. Kĩbũyĩrĩre kutsibu busana nʼOmwami Mukulu.

Ezekĩelĩ 40:39

Nʼomo bũsekũ bʼolũkyo habya esyomesa ĩbĩrĩ oko luhande olũ, nʼesyomesa ĩbĩrĩ oko luhande lulya esyʼerikererako obuhere bwʼerĩokererya nʼobuhere bwʼebibi, nʼobuhere bwʼolubanza.

Ezekĩelĩ 43:19

Mwasyaha abahererĩ Abalawĩ abali oko bana ba Zadokĩ, abakayĩtũnda hakũhĩ nage, erinyikolera, enume ndere yʼende busana nʼobuhere bwʼebibi, Omukama Iye Omwami Mukulu atya.

Ezekĩelĩ 44:27

Nʼoko kiro akingira ahabũyĩrĩre, omo kibuga kyʼomwisi, erikola omo habũyĩrĩre, asyahera obuhere buwe bwʼebibi, Omukama Iye Omwami Mukulu atya.

Abalawĩ 1:10

Kandi obuhere buwe bwamabya ini bʼomo kihangulo, omo mbũlĩ, kutse omo mbene-hene, busana nʼobuhere bwʼerĩokererya iniahera embangale eyite ko bulema.

Abalawĩ 1:3

Obuhere buwe bwamabya ini buhere bwʼerĩokererya bwʼende, asyahera enume eyite ko bulema; asyaherayo oko lũkyo lwʼeHema yʼerĩhĩndanamo, iniatoka erĩrĩgwa embere syʼOmwami Mukulu.

Abalawĩ 16:11

Neryo Harũnĩ asyaleta enume yʼende yʼobuhere bwʼebibi busana naye, kandi asyayirihira embanulo busana nʼekĩtũnga kiwe, neryo asyakera enume eyo yʼobuhere bwʼebibi, busana naye.

Abalawĩ 16:3

Harũnĩ asyingira ahabũyĩrĩre nʼebindu ebĩ: enume ndere busana nʼobuhere bwʼebibi, nʼembangale busana nʼobuhere bwʼerĩokererya.

Abalawĩ 16:5

Neryo asyĩmya oko ndeko yʼabagala ba Ĩsraelĩ esyombaya ĩbĩrĩ busana nʼobuhere bwʼebibi, nʼembangale nguma busana nʼobuhere bwʼerĩokererya.

Abalawĩ 16:6

Kandi Harũnĩ asyaleta enume yʼende yʼobuhere bwʼebibi, eyiri busana naye, iniayirihira embanulo nʼekĩtũnga kiwe.

Abalawĩ 4:14

omugulu ekibi ekyo babirikola kyamaminyikala, endeko yasyahera enume yʼende busana nʼobuhere bwʼebibi nʼeriretayo embere wʼeHema yʼerĩhĩndanamo.

Abalawĩ 4:23

ekibi kiwe, ekyo abirikola amamĩnyĩsĩbwakyo asyaleta embene busana nʼobuhere buwe, embaya eyite ko bulema.

Abalawĩ 4:28

ekibi kiwe ekyo abirikola, amamĩnyĩsĩbwakyo, neryo asyaleta embene yʼobũkalĩ busana nʼobuhere buwe, eyite ko bulema, busana nʼebibi biwe alyakola.

Abalawĩ 4:5

Nʼomũhererĩ oyo wabĩrĩhakabĩbwa amagũta asyĩmya oko musasi wʼenume eyo, nʼeriretago omo Hema yʼerĩhĩndanamo;

Abalawĩ 5:6

Neryo asyaleta obuhere bwʼerĩhalya oko Mwami Mukulu busana nʼebibi biwe ebyo abĩrĩhalyamo, embene yʼobũkalĩ omo kĩhyo, ekyana kyʼembũlĩ kutse kyʼembene, busana nʼobuhere bwʼebibi.

Abalawĩ 6:18

Obuli mulume omo katĩkatĩ kʼabana ba Harũnĩ basyalya kubo ngʼerĩgabo liwe kera na kera omo syondengo syenyũ syosĩ, omo mahere wʼOmwami Mukulu awabiriyirwa omo muliro; obuli mundu oyũkatũla kubyo asyahigulwa.

Abalawĩ 8:12

Neryo mũta amagũta wʼerĩhakabya oko mutwe wa Harũnĩ, mwamũhakabya, erimuhigula.

Abalawĩ 9:2

neryo mwabũga na Harũnĩ, ati, Ĩmaya enume yʼekyana kyʼende busana nʼobuhere bwʼebibi, nʼembangale busana nʼobuhere bwʼerĩokererya, eyite ko bulema, muhereresyo embere syʼOmwami Mukulu.

Abalawĩ 9:3

Neryo wasyabũga nʼabandu ba Ĩsraelĩ uti, Mwĩmaye embaya busana nʼobuhere bwʼebibi nʼekyana kyʼende nʼekyana kyʼembũlĩ, ebibiri byosĩ byʼomwaka muguma, ebite ko bulema, busana nʼobuhere bwʼerĩokererya;

Emiganzo 16:22

Nĩkwa Musa na Harũnĩ mobawa oko mũsũ wabo, bati, Uwe Nyamuhanga, Nyamuhanga wʼebĩrĩmũ byʼemibiri yosĩ, omundu muguma amahalya, wasyahitana oko ndeko yosĩ kwehĩ?

Emiganzo 8:8

Neryo bĩmaye enume yʼende, nʼobuhere bwayo bwʼengano, eyĩsyano yʼenzelele eyĩtũlũngene nʼamagũta; kandi wasyĩmya enume yʼakabiri yʼende busana nʼobuhere bwʼebibi.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbaEbrania 5:3

Neryo litolere iniahera amahere busana nʼebibi biwe ngoko akaherera ebibi byʼabandu.

AbaEbrania 9:12

Yesu mwatingira Ahabũyĩrĩre Kutsibu nʼomusasi wʼesyombene nʼowʼebyana byʼesyonde, nĩkwa mwingira engendo nguma nyisa nʼomusasi wuwe ĩyowene-wene, iniakabana erilama lya kera na kera busana netu.