Abalawĩ 4:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Kwʼasyakola atya nʼenume; ngoko akola nʼenume yʼobuhere bwʼebibi, kwʼasyakola ekĩ kyʼatya. Nʼomũhererĩ asyabanirabo embanulo, nabo basyabuyirwa.

Abalawĩ 4:20 Iomraidhean Croise

Erĩlũayo 32:30

Neryo engyakya wʼaho, Musa mwabũga nʼabandu ati, Mwabĩrĩhalya erĩlolo lĩnene; na lino ngahetukira ahali Omwami Mukulu; kwamũhwa nasyayira embanulo busana nʼebibi byenyũ.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Abalawĩ 1:4

Kandi asyahĩra ebyala biwe oko mutwe wʼobuhere bwʼerĩokererya; ibwatoka erĩrĩgwa eribya mbanulo busana naye.

Abalawĩ 12:8

Amalindatoka eribana ekyana kyʼembũlĩ, neryo ĩnĩmya ehitungula hibiri, kutse ehĩrĩkũkũ hibiri hirere, akaguma kʼobuhere bwʼerĩokererya, nʼakandi busana nʼobuhere bwʼebibi; nʼomũhererĩ asyamũsanganĩa omo mbanulo, naye asyera.

Abalawĩ 14:18

nʼawakasaka oko magũta awali omo byala byʼomũhererĩ asyahĩrago oko mutwe wʼoyũkerĩbawa; nʼomũhererĩ asyamũsanganĩa omo mbanulo embere syʼOmwami Mukulu.

Abalawĩ 15:15

nʼomũhererĩ asyaherahyo, akaguma busana nʼobuhere bwʼebibi, nʼakandi busana nʼobuhere bwʼerĩokererya; nʼomũhererĩ asyamũsanganĩa omo mbanulo embere syʼOmwami Mukulu busana nʼekinyaro.

Abalawĩ 19:22

Nʼomũhererĩ asyamũsanganĩa omo mbanulo nʼembangale yʼobuhere bwʼolubanza embere syʼOmwami Mukulu busana nʼekibi kiwe ekyo alyakola; nʼekibi ekyo asyabuyirwakyo.

Abalawĩ 4:21

Kandi asyahekera enume eyo yʼekyaswa kyʼekilaliriro, nʼerĩhĩsĩrĩryayo ngoko ahĩsĩrĩraya enume yʼerĩmbere; ni buhere bwʼekibi busana nʼendeko.

Abalawĩ 4:26

Kandi asyahĩsĩrya ebĩsabũ byayo byosĩ oko kiherero, ngʼebĩsabũ byʼehongo yʼamabere wʼobuholo; nʼomũhererĩ asyamũsanganĩa omo mbanulo busana nʼebibi biwe, naye iniabuyirwa.

Abalawĩ 4:35

Kandi asyalũsyaho ebĩsabũ byayo byosĩ ngʼebĩsabũ byʼekyana kyʼembũlĩ ebĩkalũsĩbawa omwʼĩsĩnza lyʼamahere wʼobuholo; nʼomũhererĩ asyahĩsĩryabyo omo mũkĩ oko kiherero ngʼamahere wʼOmwami Mukulu awalĩokĩbawa oko muliro. Nʼomũhererĩ asyamũsanganĩa omo mbanulo ngʼebibi biwe abirikola, naye asyabuyirwa.

Abalawĩ 4:8

nʼebĩsabũ byosĩ byʼenume eyo yʼobuhere bwʼebibi asyalũsya byoko; nʼebĩsabũ ebĩswĩkĩre ebila byʼomo nda nʼebĩsabũ byosĩ ebyo ebiri endata oko bila byʼomo nda,

Abalawĩ 5:10

Neryo asyahera akʼakabiri busana nʼobuhere bwʼerĩokererya, ngʼebilayiro; nʼomũhererĩ asyamũsanganĩa omo mbanulo busana nʼebibi biwe ebyo abirikola, naye asyabuyirwa.

Abalawĩ 5:13

Nʼomũhererĩ asyamũsanganĩa busana nʼekibi kiwe ekyo abirikola omo myatsi yosĩ eyĩ, naye asyabuyirwa; nʼebiryasaka byasyabya byʼomũhererĩ, ngʼobuhere bwʼeyĩsyano yʼengano.

Abalawĩ 5:16

Neryo asyaliha busana nʼekyo alĩahalayamo omo kindu kĩbũyĩrĩre ekyo, kandi asyatomeka ekitswe kiguma kyʼomo bitanu kukyo, nʼerihakyo oko mũhererĩ; nʼomũhererĩ asyamũsanganĩa omo mbangale yʼobuhere bwʼolubanza, naye asyabuyirwa.

Abalawĩ 5:18

Naye asyaletera omũhererĩ yʼembangale eyite ko bulema, ĩkalũa omo kĩhyo, ngʼeriganza eryo asyamusohera, busana nʼobuhere bwʼolubanza. Neryo omũhererĩ asyamũsanganĩa busana nʼomwatsi ogo abĩrĩhalyamo butsira eriyiririra isyabya asĩgo, naye asyabuyirwa.

Abalawĩ 5:6

Neryo asyaleta obuhere bwʼerĩhalya oko Mwami Mukulu busana nʼebibi biwe ebyo abĩrĩhalyamo, embene yʼobũkalĩ omo kĩhyo, ekyana kyʼembũlĩ kutse kyʼembene, busana nʼobuhere bwʼebibi.

Abalawĩ 6:7

nʼomũhererĩ asyamũsanganĩa omo mbanulo oko Mwami Mukulu; naye asyabuyirwa busana nʼomwatsi wahi akakola owakaleka iniabya kʼolubanza.

Emiganzo 15:25

Nʼomũhererĩ asyakola embanulo busana nʼendeko yosĩ yʼabana ba Ĩsraelĩ, nabo basyabuyirwa; kusangwa lyabya ĩlolo, nabo babirireta ehongo yabo, obuhere obukayirawa omo muliro oko Mwami Mukulu, nʼobuhere bwabo bwʼebibi embere syʼOmwami Mukulu, busana nʼerĩlolo lyabo.

Emiganzo 15:28

Nʼomũhererĩ asyakolera omundu oyũ yʼembanulo oyukatala omugulu akahalaya butaminya emuliro syʼOmwami Mukulu, erimulihira embanulo, naye atoke eribuyirwa.

AbanyaRoma 5:11

Neryo kandi kwilaba aho, tukatsema uku Nyamuhanga busana nʼomukama wetu Yesu Kristo, oyo wabĩrĩtũsanganĩa na Nyamuhanga.

AbanyaGalatia 3:13

Kristo abĩrĩtũtongolya okwʼitakirwa lyʼEmigambo, iniabiritakirwa omo mwanya wetu, kusangwa kĩsakĩre kiti, Obuli mundu oyũhanĩkĩrwe oko muti abye mutakirwa.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 2:17

Kyaleka Yesu iniayirwa ngʼabalĩkyabo omo myatsi yosĩ, kandi iniatoka eribya omũhererĩ mukulu oko bahererĩ bosĩ oyukaganyira, nʼoyuteregula omo mũbĩrĩ wa Nyamuhanga, ebibi byʼabandu bibuyirawe.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,