Abalawĩ 4:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Kandi omũhererĩ asyahĩra omusasi gʼoko mahembe wʼekiherero ekiri embere syʼOmwami Mukulu, ekiri omwisi wʼeHema yʼerĩhĩndanamo; nʼomusasi gosĩ asyũtago omo ndĩna yʼekiherero kyʼobuhere bwʼerĩokererya ekiri oko lũkyo lwʼeHema yʼerĩhĩndanamo.

Abalawĩ 4:18 Iomraidhean Croise

2 Emyatsi yʼEmigulu 29:22

Neryo mobakera esyonume esyo syʼesyonde, nʼabahererĩ mobĩmya omusasi, mobatsatsangago oko kiherero; mobakera esyombangale, nʼeritsatsanga omusasi oko kiherero; kandi mobakera ebyana byʼesyombũlĩ, mobatsatsanga omusasi oko kiherero.

Erĩlũayo 29:12

Wasyĩmya omusasi wʼenume yʼende, omo munwe wawe, nʼerĩhĩrago oko mahembe wʼekiherero; kandi wasyũta omusasi gosĩ omo ndĩna yʼeiherero.

Erĩlũayo 30:10

Na Harũnĩ asyayira omusangano oko mahembe engendo nguma oko buli mwaka; omo musasi wʼobuhere bwʼerĩlũsya amalolo bwʼeririha engendo nguma oko mwaka, engendo nguma asyayira omusangano busana nabo omo katĩkatĩ kʼesyondengo syenyũ syosĩ. Kĩbũyĩrĩre kutsibu busana nʼOmwami Mukulu.

Abalawĩ 4:25

Nʼomũhererĩ asyĩmya oko musasi wʼobuhere obo bwʼebibi omo munwe wuwe, nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gʼomo ndĩna yʼekiherero kyʼobuhere bwʼerĩokererya.

Abalawĩ 4:30

Nʼomũhererĩ asyĩmya oko musasi wayo omo munwe wuwe, nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gosĩ omo ndĩna yʼekiherero.

Abalawĩ 4:34

Nʼomũhererĩ asyĩmya oko musasi wʼobuhere bwʼebibi omo munwe wuwe nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gosĩ omo ndĩna yʼekiherero.

Abalawĩ 4:7

Nʼomũhererĩ asyahĩra omusasi gʼoko mahembe wʼekiherero kyʼobukwa obũsĩhĩre embere syʼOmwami Mukulu, ekiri omo Hema yʼerĩhĩndanamo; nʼomusasi gosĩ wʼenume eyo asyũtago oko ndĩna yʼekiherero kyʼobuhere bwʼerĩokererya, ekiri oko lũkyo lwʼeHema yʼerĩhĩndanamo;

Abalawĩ 5:9

Kandi asyatsatsanga omusasi wʼobuhere bwʼebibi oko ndambi yʼekiherero; nʼomusasi owalyasĩgala asyasandũlĩryago omo ndĩna yʼekiherero; ni buhere bwʼebibi.

Abalawĩ 6:30

Nĩkwa obuhere bwʼebibi obuwite omusasi owakaletawa omo Hema yʼerĩhĩndanamo eririha embanulo omo mwanya wʼahabũyĩrĩre isibwalibawa, bwasyahĩsĩrĩrĩbwa omo muliro.

Abalawĩ 8:15

Neryo Musa mwĩtayo; kandi Musa mwĩmya omusasi, mwahĩrago oko mahembe wʼekiherero nʼerĩtĩmbyago ehosĩ omo munwe wuwe, mwahotsya ekiherero. Neryo mũta omusasi gʼomo ndĩna yʼekiherero, nʼerĩhotsyakyo, nʼeririha embanulo busana nakyo.

Abalawĩ 9:9

Nʼabagala ba Harũnĩ mobamuletera omusasi; naye mwatũlya omunwe wuwe gʼomo musasi, mwahĩrago oko mahembe wʼekiherero, neryo mũta ogundi musasi gʼomo ndĩna yʼekiherero.