Abalawĩ 3:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Kandi asyahera eyʼeriherera lyʼamahere wʼobuholo, asyaleta ngʼobuhere obũkokĩbawa oko muliro busana nʼOmwami Mukulu, asyaleta ebĩsabũ byayo, nʼomukira wʼebĩsabũ erĩlũsyago hakũhĩ nʼerĩkũha lyʼomugongo; nʼebĩsabũ ebĩswĩkĩre ebyʼomo nda, nʼebĩsabũ byosĩ ebiri endata oko bila byʼomo nda.

Abalawĩ 3:9 Iomraidhean Croise

2 Samwelĩ 6:17

Neryo mobĩngĩrya erĩsandũko lyʼOmwami Mukulu, mobasingikalyo omo mwanya walyo omo katĩkatĩ kʼerĩhema eryo Dawĩdĩ abambiralyo; kandi Dawĩdĩ mwahonga amahere wʼerĩokererya nʼamahere wʼobuholo embere syʼOmwami Mukulu.

1 Abami 3:15

Neryo Solomono mwabuka; neryo, lebaya, lyabya ilota, neryo mwahĩka eYerũsalema mwahangana embere syʼerĩsandũko lyʼerilagana lyʼOmwami Mukulu, kandi mwahera amahere wʼerĩokererya, mwahera nʼamahere wʼobuholo, kandi mwayira erirya ĩnene busana nʼabagombe buwe bosĩ.

1 Abami 8:63

Na Solomono mwahera ehongo yʼamahere wʼobuholo, esyo aherera Omwami Mukulu, esyonume syʼesyonde elfu makũmĩ abiri nʼĩbĩrĩ (22,000), nʼesyombũlĩ elfu erĩgana nʼamakũmĩ abiri (120,000). Neryo omwami nʼabana bosĩ bʼeĨsraelĩ mobahigula batya enyũmba yʼOmwami Mukulu.

1 Abami 8:64

Oko kiro ekyo kisa-kisa omwami mwahigula ekibuga kyʼomo katĩkatĩ ekyabya embere syʼenyũmba yʼOmukama Mukulu; kusangwa aho mwahera obuhere bwʼerĩokererya, nʼobuhere bwʼeyĩsyano, nʼamagũta wʼamahere wʼobuholo, kusangwa ekiherero kyʼomulinga ekyabya embere syʼOmwami Mukulu kyabya kyike ĩsĩkĩhĩkene busana nʼeriangirira obuhere bwʼerĩokererya, nʼobuhere bwʼeyĩsyano, nʼamagũta wʼamahere wʼobuholo.

1 Emyatsi yʼEmigulu 16:1

Neryo mobaleta erĩsandũko lya Nyamuhanga, mobahĩralyo omo katĩkatĩ kʼeHema eyo Dawĩdĩ ahanda busana nalyo; neryo mobahonga amahere wʼerĩokererya nʼamahere wʼobuholo embere sya Nyamuhanga.

Erĩlũayo 29:22

Nibya wasyĩmya ebĩsabũ byʼembangale, nʼomukira wʼebĩsabũ, nʼebĩsabũ ebikaswika ebiri omo nda, nʼendulu yʼoko bulepe, nʼesyombĩko, ĩbĩrĩ, nʼebĩsabũ ebiri kusyo, nʼekihinga kyʼamali kusangwa ni mbangale yʼerihigulwa,

Emĩsyo 23:26

Mugala wage, Umba omutima wawe; Nʼameso wawe atsemere esyonzira syage.

Ĩsaya 53:10

Nĩkwa molyatsemesya Omwami Mukulu erĩmũhũnza. Abĩrĩmwagalya. Amayiyira eribya buhere bwʼolubanza, asyalola oko bana buwe, asyatomekera ebiro biwe, nʼeritsemesya libuya lyʼOmwami Mukulu lyasyagasa omo byala biwe,

Abalawĩ 17:5

Kyangaleka abana ba Ĩsraelĩ ibatoka erireta esyohongo syabo esyo babya bakakerera omolĩ, kandi ibatoka eriretabyo oko Mwami Mukulu, oko lũkyo lwʼeHema yʼerĩhĩndanamo, oko mũhererĩ, nʼerikerabyo busana nʼesyohongo syʼamahere wʼobuholo oko Mwami Mukulu.

Abalawĩ 7:3

Kandi asyaherera kubo ebĩsabũ byabo byosĩ; nʼomukira wʼebĩsabũ, nʼebĩsabũ ebĩswĩkĩre ebila byʼomo nda,

Abalawĩ 8:25

Neryo mwĩmya ebĩsabũ, nʼomukira wʼebĩsabũ, nʼebĩsabũ byosĩ ebyabya oko bila byʼomo nda nʼendulu yʼoko bulepe, nʼesyombĩko ĩbĩrĩ, nʼebĩsabũ byasyo, nʼekihinga kyʼamali;

Abalawĩ 9:19

Nĩkwa ebĩsabũ byʼenume yʼende nʼebyʼembangale, nʼomukira wʼebĩsabũ, nʼebĩsabũ ebĩswĩkĩre ebila, nʼesyombĩko, nʼendulu yʼoko bulepe

Emiganzo 7:88

nʼesyonume syʼesyonde syosĩ busana nʼobuhere bwʼamahere wʼobuholo esyonume makũmĩ abiri nʼesĩnĩ (24), nʼesyombangale makũmĩ ndatu (60), nʼesyombaya makũmĩ ndatu (60), nʼehibangale hyʼomwaka muguma makũmĩ ndatu (60). Eyĩ ni hongo yʼerisolola busana nʼekiherero kyabĩhakabĩbwa amagũta.

1 Samwelĩ 10:8

Kandi wasyandagala embere syage eGĩlgalĩ; neryo lebaya, nasyakwandagalirako, erihera amahere wʼerĩokererya, nʼerikera esyohongo syʼamahere wʼobuholo. Wasyalinda ebiro birinda, nʼerĩhĩka aho nasyakũhĩkĩrako, nʼerĩkũkangya ekyo wasyakola.