Abalawĩ 3:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Nʼomũhererĩ asyokereryabyo oko kiherero; ni kalyo kʼobuhere obũkokĩbawa oko muliro busana nʼekikumbo kĩsĩhĩre; ebĩsabũ byosĩ ni byʼOmwami Mukulu.

Abalawĩ 3:16 Iomraidhean Croise

Enzũko 4:4

Nĩkwa Abele, mwaleta ebyana byʼerĩmbere byʼesyombũlĩ syʼekĩhyo kiwe nʼebĩsabũ byasyo. Neryo Omwami Mukulu mwasĩma Abele nʼobuhere buwe.

2 Emyatsi yʼEmigulu 29:35

Nibya amahere wʼerĩokererya abya mangi, haguma nʼebĩsabũ byʼamahere wʼobuholo, na haguma nʼamahere wʼerĩpũlya busana nʼobuli buhere bwʼerĩokererya. Nʼomũbĩrĩ wʼenyũmba yʼOmwami Mukulu mwatondekwa atya.

2 Emyatsi yʼEmigulu 7:7

Kandi Solomono mwahigula ekibuga omo katĩkatĩ aho habya embere wʼenyũmba yʼOmwami Mukulu; kusangwa aho aherera mahere wʼerĩokererya, nʼamagũta wʼamahere wʼobuholo, kusangwa ekiherero kyʼomulinga ekyo Solomono akokotaya mokitatoka eritolera amahere wʼerĩokererya, nʼamahere wʼeyĩsyano nʼamagũta.

Erĩlũayo 29:13

Kandi wasyĩmya ebĩsabũ byosĩ ebiri omo nda yayo, nʼendulu eyiri oko bulepe, nʼesyombago ĩbĩrĩ, nʼebĩsabũ ebiri kusyo nʼerĩhĩsĩrĩryabyo oko kiherero.

Erĩlũayo 29:22

Nibya wasyĩmya ebĩsabũ byʼembangale, nʼomukira wʼebĩsabũ, nʼebĩsabũ ebikaswika ebiri omo nda, nʼendulu yʼoko bulepe, nʼesyombĩko, ĩbĩrĩ, nʼebĩsabũ ebiri kusyo, nʼekihinga kyʼamali kusangwa ni mbangale yʼerihigulwa,

Ĩsaya 53:10

Nĩkwa molyatsemesya Omwami Mukulu erĩmũhũnza. Abĩrĩmwagalya. Amayiyira eribya buhere bwʼolubanza, asyalola oko bana buwe, asyatomekera ebiro biwe, nʼeritsemesya libuya lyʼOmwami Mukulu lyasyagasa omo byala biwe,

Ezekĩelĩ 44:15

Nĩkwa abahererĩ Abalawĩ, abagala ba Zadokĩ, abategaya ahabũyĩrĩre hage omugulu abana ba Ĩsraelĩ banyitswako, basyanyisegerako erinyikolera. Basyahangana embere syage erinyiherera ebĩsabũ nʼomusasi, Omukama Iye Omwami Mukulu atya.

Abalawĩ 17:6

Nʼomũhererĩ asyatsatsangira omusasi oko kiherero kyʼOmwami Mukulu oko lũkyo lwʼeHema yʼerĩhĩndanamo, nʼerĩokererya ebĩsabũ busana nʼekikumbo kĩsĩhĩre busana nʼOmwami Mukulu.

Abalawĩ 4:26

Kandi asyahĩsĩrya ebĩsabũ byayo byosĩ oko kiherero, ngʼebĩsabũ byʼehongo yʼamabere wʼobuholo; nʼomũhererĩ asyamũsanganĩa omo mbanulo busana nʼebibi biwe, naye iniabuyirwa.

Abalawĩ 4:31

Kandi asyalũsyaho ebĩsabũ byayo byosĩ ngoko bĩsabũ byalũsĩbawaho oko hongo yʼamahere wʼobuholo; nʼomũhererĩ asyahĩsĩrĩryabyo oko kiherero busana nʼekikumbo kĩsĩhĩre busana nʼOmwami Mukulu; nʼomũhererĩ asyamũsanganĩa omo mbanulo busana naye, naye asyabuyirwa.

Abalawĩ 8:25

Neryo mwĩmya ebĩsabũ, nʼomukira wʼebĩsabũ, nʼebĩsabũ byosĩ ebyabya oko bila byʼomo nda nʼendulu yʼoko bulepe, nʼesyombĩko ĩbĩrĩ, nʼebĩsabũ byasyo, nʼekihinga kyʼamali;

Abalawĩ 9:24

Nʼomuliro mwahuluka embere syʼOmwami Mukulu, mwakĩrĩrya obuhere bwʼerĩokererya nʼebitswe byʼebĩsabũ oko kiherero; nʼomugulu abandu bosĩ balangirago, mobasumba emirenge mobawira oko mũsũ wabo.

Matayo 22:37

Neryo Yesu mwamubwira ati, Wanze Omukama Nyamuhanga wawe nʼomutima wawe gosĩ, nʼekĩrĩmũ kyawe kyosĩ nʼobũlengekanĩa bwawe bosĩ.