Abalawĩ 3:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo obuhere obo bwamabya ini buhere bʼobuholo; bwamabya ini bwʼende, enume kutse eyʼobũkalĩ, asyahera eyite ko bulema embere syʼOmwami Mukulu.

Abalawĩ 3:1 Iomraidhean Croise

1 Emyatsi yʼEmigulu 21:26

Neryo Dawĩdĩ mwahĩmbaho ekiherero busana nʼOmwami Mukulu, kandi mwahonga amahere wʼerĩokererya nʼamahere wʼobuholo, mwalakira Omwami Mukulu; naye mwamũsũbĩrya erĩlũa elubula omo muliro oko kiherero kyʼobuhere bwʼerĩokererya.

Erĩlũayo 20:24

Wasyanyikwikira ekiherero kyʼekitaka kandi wasyaherera kukyo obuhere bwʼerĩokererya, nʼobuhere bwawe bʼobuholo, nʼesyombũlĩ syawe, nʼesyonde syawe kukyo; ehosĩ nasyĩbũkya erĩna lyage nasyakũhĩkako nʼerikutsumula.

Erĩlũayo 24:5

Neryo mwatuma abalwana ba Ĩsraelĩ, abahera amahere wʼerĩokererya, nʼerihera amahere wʼobuholo awʼesyonde oko Mwami Mukulu.

Erĩlũayo 29:28

Neryo byasyabya busana na Harũnĩ nʼabagala buwe ngʼerĩgabo lyabo kera na kera lĩkalũa oko bana ba Ĩsraelĩ; kusangwa ni buhere bwʼerisumba; kandi bwasyabya buhere bwʼerisumba; erĩlũa oko bana ba Ĩsraelĩ oko mahere wabo, wa mahere gʼobuholo, obo ni buhere bwʼerisumba busana nʼOmwami Mukulu.

Emĩsyo 7:14

Amahongo wʼamahere wʼobuholo ali haguma nage; Mũnabwĩre nabiririha erĩlahĩrya lyage.

Ezekĩelĩ 43:27

Neryo omugulu bamabĩberererya ebiro, kyasyabya oko kiro kyʼomunani nʼenyũma wʼaho, abahererĩ basyahera amahere wenyũ wʼerĩokererya oko kiherero, nʼamahere wenyũ wʼobuholo. Nage nasyabalĩga, Omukama Iye Omwami Mukulu atya.

Ezekĩelĩ 45:15

nʼembũlĩ nguma yʼekihangulo omo magana abiri aho sĩkapũlĩraya amagetsi ewa Ĩsraelĩ, busana nʼobuhere bwʼeyĩsyano, na busana nʼobuhere bwʼerĩokererya, na busana nʼamahere wʼobuholo eririhirabo, Omukama Iye Omwami Mukulu atya.

Abalawĩ 1:10

Kandi obuhere buwe bwamabya ini bʼomo kihangulo, omo mbũlĩ, kutse omo mbene-hene, busana nʼobuhere bwʼerĩokererya iniahera embangale eyite ko bulema.

Abalawĩ 1:3

Obuhere buwe bwamabya ini buhere bwʼerĩokererya bwʼende, asyahera enume eyite ko bulema; asyaherayo oko lũkyo lwʼeHema yʼerĩhĩndanamo, iniatoka erĩrĩgwa embere syʼOmwami Mukulu.

Abalawĩ 17:5

Kyangaleka abana ba Ĩsraelĩ ibatoka erireta esyohongo syabo esyo babya bakakerera omolĩ, kandi ibatoka eriretabyo oko Mwami Mukulu, oko lũkyo lwʼeHema yʼerĩhĩndanamo, oko mũhererĩ, nʼerikerabyo busana nʼesyohongo syʼamahere wʼobuholo oko Mwami Mukulu.

Abalawĩ 3:6

Kandi obuhere buwe busana nʼerihera amahere wʼobuholo busana nʼOmwami Mukulu bwamabya bwʼekĩhyo kyʼesyombũlĩ; embangale, kutse eyʼobũkalĩ, asyahera eyite ko bulema.

Abalawĩ 9:18

Neryo mwĩta enume yʼende nʼembangale, ehongo yʼamahere wʼobuholo, eyabya busana nʼabandu; neryo abagala ba Harũnĩ mobamuletera omusasi, neryo mwatsatsangago oko kiherero erĩtĩmbyago ehosĩ.

Abalawĩ 9:4

kandi enume yʼende nʼembangale busana nʼamahere wʼobuholo, erihongerasyo embere syʼOmwami Mukulu; kandi obuhere bwʼeyĩsyano yʼengano obũtũlũngene nʼamagũta; kusangwa mũnabwĩre Omwami Mukulu akandibahulukira.

Amosĩ 5:22

Nomo mwanganyiherera amahere wenyũ wʼerĩokererya, nʼamahere wenyũ wʼengano, sĩndĩendĩsyalĩgago; kandi sĩndĩendĩsyalebya amahere wʼobuholo wʼesyonyama syenyũ sĩnenehĩre.

Malakĩ 1:14

Nĩkwa omũtebya atakirawe, oyuwite enume omo kihangulo kiwe, ĩnĩakalahĩrayayo, nĩkwa akahongera Omukama enyama eyiri kʼobulema; kusangwa indi Mwami Mukulu. Omwami Mukulu Wʼemilondo atya, nʼerĩna lyage ni ryʼerĩũbahya omo bihanda.

Malakĩ 1:8

Nĩkwa omugulu mukahera esyondĩmatĩme busana nʼobuhere, si kibi kwehĩ? Nʼomugulu mukahonga ebirema nʼesilwere, si kibi kwehĩ? Mutahasyo omũtabalĩ wenyũ; asyabatsemera kwehĩ? Kutse anasyabalĩgĩra ndeke kwehĩ? Omwami Mukulu Wʼemilondo atya.

Emiganzo 15:8

Nʼomugulu ũkakokotaya enume yʼende mo buhere bwʼerĩokererya, kutse obuhere bwʼerikera erĩberererya erĩlahĩrya, kutse busana nʼamahere wʼobuholo oko Mwami Mukulu,

Emiganzo 6:14

Asyahongera Omwami Mukulu yʼehongo yiwe: akabangale kaguma, ekyana kyʼembũlĩ kyʼomwaka muguma ekite ko kĩtĩngũ busana nʼobuhere bwʼerĩokererya, nʼakatsugutsi kaguma kʼembũlĩ kʼomwaka muguma akate ko kĩtĩngũ busana nʼobuhere bwʼebibi, nʼembangale nguma eyite ko kĩtĩngũ eribya buhere bʼobuholo,

Emiganzo 7:17

na busana nʼobuhere bwʼamahere wʼobuholo, esyonume syʼesyonde ĩbĩrĩ, nʼesyombangale ĩtanu, nʼesyombaya ĩtanu, nʼehibangale hitanu ehyʼomwaka muguma. Ebĩ byabya hongo ya Nasonĩ mugala wa Amĩnadabũ.

Emiganzo 7:59

kandi busana nʼobuhere bwʼamahere wʼobuholo, esyonume ĩbĩrĩ syʼesyonde, nʼesyombangale ĩtanu, nʼesyombaya ĩtanu, nʼehibangale hitanu hyʼembũlĩ hyʼomwaka muguma. Eyĩ yabya hongo ya Gamalĩelĩ mugala wa Pedasũrĩ.

Eryibuka Ebihano 12:27

Kandi mwasyahonga amahere wenyũ wʼerĩokererya, esĩswĩ nʼomusasi, oko ki­herero kyʼOmwami Mukulu Nyamuha­nga wenyũ; nʼomusasi wʼamahere wenyũ asyũtũlĩrwa oko kiherero kyʼOmwami Mukulu Nyamuhanga wenyũ; nenyũ mwasyalya esĩswĩ esyo.

AbanyaKolosai 1:20

Neryo Nyamuhanga mwayisoha ati Kristo asanganaye emyatsi yosĩ ukwʼiye, emyatsi yosĩ omo lubula, nʼeyiri oko kihugo. Kristo mũta omusasi wuwe oko musalaba erituletera Obuholo.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

1 Yoane 1:3

Tũkabatũlĩra nibya ekyo twalangira nʼekyo towa, neryo mutoke eribya buguma netu; kandi Obuguma bwetu buli haguma na Tata, nʼomugala wuwe Yesu Kristo.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

Abatswerĩ 21:4

Neryo omo ngyakya, abandu mobatsinduka, mobahĩmbayo ekiherero, mobahonga amahere wʼerĩokererya nʼamahere wʼobuholo.