Abalawĩ 26:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nage nasyabasĩkya nasyabaha ebĩgũma, nʼerĩbakanyĩrĩrya, nʼerĩhanganĩa endagano yage haguma nenyũ.

Abalawĩ 26:9 Iomraidhean Croise

Enzũko 1:28

Neryo Nyamuhanga mwatsumulabo, neryo Nyamuhanga mwabwirabo ati, Mubute mukanyirire, mũsũlaye ekihugo, mũgondayekyo; mutabale oko mahere wʼomo ngetsi nʼoko nyonyũ syʼomo kyanya, mutabalire obuli kindu ekiriho, ekikalendera oko kihugo.

Enzũko 17:20

Nĩkwa busana na Ĩsĩmaelĩ, nabĩrĩkowa, lebaya, nabirimutsumula, nasyamũkanyĩrĩrya nʼerimutomekera kutsibu. Asyabuta abakama erĩkũmĩ nʼababiri, kandi nasyamuyira mo kihanda kinene.

Enzũko 22:17

Omwʼitsumula ngandisyakutsumula, nʼomwʼikanya nasyakanyĩrĩrya abana bawe ngʼesyongũnũnũ esiri omo kyanya, kandi ngʼemisege yʼoko mũsĩke wʼengetsi. Kandi abana bawe basyasĩgalya olũkyo lwʼesyonzĩgũ syabo.

Enzũko 26:4

Nage nasyakanyĩrĩrya abana bawe ngʼesyongũnũnũ syʼelubula, kandi nasyaha oko bana bawe ebihugo byosĩ ebĩ. Kandi busana nʼabana bawe ebihanda byosĩ byʼekihugo byasyatsumulwa.

Enzũko 28:14

Kandi abana bawe basyabya ngʼolũtũtũ lwʼekitaka, neryo wasyabwayira omo kihugo kyʼeyĩkwa nʼomo kyʼendata, nʼomo butambi bwʼendata nʼomo bundi butambi bwʼeyĩkwa, nʼomwisi wawe nʼomo bana bawe, ebihanda byosĩ byʼekihugo byasyatsumulwa.

Enzũko 28:3

Nyamuhanga Omũtokĩ Wʼebyosĩ akutsumule nʼerĩkũkanyĩa, nʼerikutomekera, iwabya ndeko yʼabandu.

Enzũko 48:4

Kandi mwambwira ati, Lebaya, nasyakuha abana, nʼerĩkũkanyĩrĩrya, kandi nasyakuyira mo bihanda bingi byʼabandu, kandi nasyaha abana bawe ekihugo ekĩ enyũma syawe mo mwandu wa kera na kera.

Enzũko 6:18

Nĩkwa nasyĩmanĩa endagano yage haguma nawe. Nawe wasyingira omo bwato, uwe, nʼabagala bawe, nʼomũkalĩ wawe, nʼabakalĩ bʼabagala bawe.

1 Abami 3:8

Nʼomugombe wawe ali omo katĩkatĩ kʼabandu bawe abo wayisoga, abandu bangi abatetoka eriganzwa, kutse eriganzika busana nʼobungi bwabo.

2 Abami 13:23

Nĩkwa Omwami Mukulu mwaganyirabo, mwakwĩrabo olukogo, kandi mwakeberabo busana nʼendagano yiwe haguma na Abrahamũ, na Ĩsaka, na Yakobo, ĩsĩanzĩre erĩheryabo, kutse erigusabo erĩlũa embere siwe erĩhĩka na lino.

Nehemĩa 2:20

Neryo monasũbĩryabo, nʼeribwirabo nyiti, Nyamuhanga wʼelubula, iye asyatũtokesya; busana nʼekyo ĩtwe bagombe buwe twasyahangana nʼerihĩmba; nĩkwa ĩnywe simuwite, erĩgabo kutse erĩbanza, kutse ekĩbũkyo, eYerũsalema.

Nehemĩa 9:23

Mowakanyĩsĩsya abana babo ngʼesyongũnũnũ syʼomo kyanya, mowaletabo omo kihugo ekyo wabwira abotata wabo, uti basyingiramo nʼerĩsĩgalyakyo.

Esyonyimbo 107:38

Kandi mwatsumulabo, nabo mobabya nʼabana bangi, Kandi mwataleka ebihangulo byabo ibyakeha.

Esyonyimbo 89:3

Wabĩrĩbũga uti, Nabirilagana nʼomundu oyo nayisoga; Nabirilaga omugombe wage Dawĩdĩ, nyiti,

Erĩlũayo 1:7

Nʼabana ba Ĩsraelĩ mobabuta-bũtanĩa, mobakanya kutsibu, nʼerikanyirira, mobabya nʼamaka kutsibu; kandi mobabuga-bugana omo kihugo ekyo.

Erĩlũayo 2:25

Neryo Nyamuhanga mwalangira abana ba Ĩsraelĩ, kandi mwibukabo.

Erĩlũayo 6:4

Kandi nabirihanda endagano yage haguma nabo, erihabo ekihugo kyʼeKanana, ekihugo kyʼobubunga bwabo, ekyo babungiramo.

Ĩsaya 55:3

Mutege amatwĩ wenyũ, mwase kwĩngye. Muhulikirire, mutoke eribyaho. Nage nasyayira endagano ya kera na kera haguma nenyũ, ngʼeriganyira literegula eryalagawa uku Dawĩdĩ.

Yeremĩa 23:3

Kandi ĩngye nasyahĩndanĩa amasĩgalira wʼekihangulo kyage omo bihugo byosĩ eyo nahigirabo, nʼeriswaletabo omo lũlĩsĩryo lwabo. Nabo basyabuta nʼerikanya.

Yeremĩa 23:4

Omwami Mukulu ati, Nasyahĩra kusyo kwʼabalĩsya, abakandĩsyalĩsyasyo. Nasyo sisiendisyubaha kandi, kutse erĩkwa engitsi, isisyendisyabulako nʼenguma.

Yeremĩa 33:3

Unyibirikire, nage ngandĩkũsũbĩrya, nʼerĩkũkangya emyatsi mikulu mikulu, nʼeyĩkalĩre, eyo gũtasĩ.

Ezekĩelĩ 16:62

Litya nasyahanda endagano yage nawe, nawe wasyaminya ko ndi Mwami Mukulu,

Ezekĩelĩ 36:9

Kusangwa, lebaya, indi busana nenyũ, nasyabakebera, nenyũ mwasyalimirwa nʼeribibwa.

Abalawĩ 26:15

kandi mwamagana emigambo yage, nʼebĩrĩmũ byenyũ bĩkakwa ebilayiro byage byʼesyonye, muti, simwekola ebihano byage byosĩ, nĩkwa mũkatwa endagano yage;

Luka 1:72

Erĩkangya eriganyira liwe oko botata wetu, Nʼeribuka endagane yiwe ĩbũyĩrĩre.

Eryibuka Ebihano 28:11

Kandi Omwami Mukulu asyabakanyĩrya ebibuya, omo bana bʼemibiri yenyũ, nʼomo lubuto lwʼebihangulo byenyũ, nʼomo mbuto yʼekitaka kyenyũ, omo kihugo ekyo Mwami Mukulu alahĩrĩraya abotata-kulu wenyũ eribahakyo.

Eryibuka Ebihano 28:4

Mwasyabya nʼomũyĩsa omo bana bʼomubiri wenyũ, nʼembuto yʼekitaka kyenyũ, nʼolubuto lwʼesyonyama syenyũ, nʼerikanya lyʼesyonde syenyũ, nʼehyana hyʼesyombũlĩ syenyũ.

Eryibuka Ebihano 7:13

Kandi asyabanza, kandi asyabatsumula, nʼerĩbakanyĩrĩrya; kandi asyatsumula eributa lyenyũ nibya, nʼebyalya byʼekitaka kyenyũ, engano yenyũ, nʼebĩnyũ byenyũ bihya-bihya, nʼamagũta wenyũ, nʼerĩkanyĩa esyonde syenyũ nʼehyana hyʼebihangulo byenyũ, omo kihugo ekyo alahĩrĩraya abotata-kulu wenyũ eribahakyo.

AbaEbrania 8:9

Eyĩ siyendisyasosa endagane eyo nayira nʼabotata wabo. Oko kiro ekyo nawatabo oko byala nʼerisondolabo omo kihugo kyʼeMĩsĩrĩ. Nĩkwa mobatakwama endagane eyo nahĩra kubo, Neryo Omwami Mukulu ati, Nage namaponabo.