Abalawĩ 26:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼerĩhũmba lyenyũ lyasyahĩka oko mugulu wʼerigesa ebĩnyũ, nʼerioha lyʼebĩnyũ lyasyahĩka oko mugulu wʼeribiba; nenyũ mwasyalya akalyo kenyũ nʼerĩũgũta, nʼerĩĩkala omo kihugo kyenyũ nʼobuholo.

Abalawĩ 26:5 Iomraidhean Croise

Esyonyimbo 144:13

Esyombĩso syetu syũsũle nʼemihanda yosĩ yʼakalyo; Nʼesyombũlĩ omo malĩsĩryo wetu, sibute ehyana elfu ĩkũmĩ!

Esyonyimbo 90:1

Omwami Mukulu wabiribya aho tũkĩkala Omo syondengo syosĩ.

Erĩlũayo 16:8

Neryo Musa mwabũga ati, Omwami Mukulu akandibaha esĩswĩ syʼerirya omwʼĩgolo-golo, nʼomo ngyakya obundu bunene; kusangwa Omwami Mukulu akowa emiyitongo yenyũ, siyiri busana netu, nĩkwa iri busana nʼOmwami Mukulu.

Emĩsyo 1:33

Nĩkwa oyũkanyowa asyĩkala ndeke, Kandi asyabya buholo butsira eriubaha lyʼebibi.

Emĩsyo 18:10

Erĩna lyʼOmwami Mukulu nĩ nyũmba yĩsũngũlĩkĩre ikongotere; Omutunganene akatibita muyo iniabana Obuholo.

Ĩsaya 1:19

Mwamalĩga nʼerĩowa, mwasyalya ebibuya byʼekihugo.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Yeremĩa 23:6

Omo biro biwe Yũda asyalamĩbwa, na Ĩsraelĩ asyĩkala buholo. Nʼerĩ nĩ rĩna liwe; lyo lĩna asyahulwamo, Omwami Mukulu yo litunganene lyetu.

Hosea 2:18

Nʼoko kiro ekyo nasyayira endagano busana nabo haguma nʼesyonyama syʼomolĩ, na haguma nʼesyonyonyũ syʼekyanya, na haguma nʼebindu ebikakululuka byʼekitaka; kandi nasyalũsya obuta, nʼomũyalĩ, nʼamalwa erĩlũa omo kihugo, kandi nasyagotseryabo ahisi nʼobuholo.

Hosea 2:20

Nasyakũsĩmolya omo butalegula; neryo nawe wasyaminya Omwami Mukulu.

Yoelĩ 2:19

Neryo Omwami Mukulu asyasũbĩrya nʼeribwira abandu buwe ati, Lebaya, nasyabatumira engano, nʼebĩnyũ bihya-bihya, nʼamagũta, nenyũ mwasyũgũta mubyo; isindiendisyaswabayira kandi mo kĩtsũmĩ omo katĩkatĩ kʼebihanda.

Yoelĩ 2:22

Ĩnywe, esyonyama syʼomolĩ, simubahe; kusangwa amalĩsĩryo gʼomo mbwarara akalasa, kusangwa omuti abĩrĩhetya ebĩgũma byago, omuti wʼomũtĩnĩ nʼomũlĩkĩ wʼebĩnyũ yabĩrĩhetya ebĩgũma byayo.

Yoelĩ 2:26

Nenyũ mwasyabya nʼebingi byʼerirya nʼerĩũgũta, mwasyapipa erĩna lyʼOmwami Mukulu Nyamuhanga wenyũ, oyo wabirikola ebyʼeriswekera busana nenyũ; neryo abandu bage sibendisyahemulwa kera na kera.

Amosĩ 9:13

Omwami Mukulu akabũga ati, Lebaya, ebiro bikasa omugulu Omũlĩmĩ asyahĩka oko mũgesĩ nʼoyukakama ebĩgũma byʼebĩnyũ asyatanga oyukahera embuto; nʼebitwa byasyatogongya ebĩnyũ bĩsĩhĩre, nʼehitwa hyosĩ hyasyasendekerera.

Matayo 23:37

Uwe Yerũsalema, Yerũsalema! Ũkĩta abamĩnyererĩ, nʼerĩĩta omo mabwe abakwenda abo Nyamuhanga akatuma ukʼuwe! Engendo singahi nabya nyanzĩre erĩhĩndanĩa abana bawe bo haguma, ngʼerĩbũtĩ ko lĩkahĩndanaya ehĩpyege hyalyo omo bĩpũpa byalyo. Nĩkwa momutanza!

Emibiri 14:17

Nĩkwa mwatayireka bute balangĩrĩ buwe, iniakakola ebibuya nʼeribaha embũla eyĩkalũa elubula, nʼeribaha ebirimo ebĩkeraya ebyalya, nʼerĩũsũlya emitima yenyũ mwʼobutseme.

Eryibuka Ebihano 11:15

Kandi ngandisyaha ebiti mo bũlĩsĩryo bwenyũ busana nʼebihangulo byenyũ, neryo mwasyalya ĩmũgũta.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.

1 Petero 1:5

Emĩyĩsa eyo ni busana nenyũ abakateyĩbawa omo maka wa Nyamuhanga busana nʼerĩkĩrĩrya lyenyũ, imukalindirira erilama eryo likandisyabĩsũlwa oko mugulu wʼenyũma-nyũma.