Abalawĩ 26:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Nomo ebyo byangabya bitya, omugulu bali omo kihugo kyʼesyonzĩgũ syabo, sindiendisyaganabo, kutse erĩbakwa nye erĩheryabo kũndũ, erĩĩta endagano yage haguma nabo; kusangwa indi Mwami Mukulu Nyamuhanga wabo.

Abalawĩ 26:44 Iomraidhean Croise

Enzũko 17:7

Neryo nasyahanganĩa endagano yage omo katĩkatĩ kage nawe nʼoko bana bawe enyũma syawe oko syondengo syabo busana nʼendagano ya kera na kera, eribya Nyamuhanga ukʼuwe nʼoko bana bawe enyũma wawe.

2 Abami 13:23

Nĩkwa Omwami Mukulu mwaganyirabo, mwakwĩrabo olukogo, kandi mwakeberabo busana nʼendagano yiwe haguma na Abrahamũ, na Ĩsaka, na Yakobo, ĩsĩanzĩre erĩheryabo, kutse erigusabo erĩlũa embere siwe erĩhĩka na lino.

Nehemĩa 9:17

Mobagana erihulikirira, kandi mobatetibuka emĩbĩrĩ yʼeriswekera yawe eyo wakola omo katĩkatĩ kabo, nĩkwa mobakala, nʼomwʼihona lyabo mobayĩhĩrĩra omukulu bati basube omo bukobe bwabo eMĩsĩrĩ. Nĩkwa uwe uli Nyamuhanga wʼeribuyira, owʼeriganyira nʼowʼolukogo, sulihitana lũba, uwite obubuya bwʼolwanzo lunene, kandi mutetasĩganĩabo.

Nehemĩa 9:31

Nĩkwa omwʼiganyira lyawe ringi mutabugabo, kutse erĩsĩgabo; kusangwa uli Nyamuhanga wʼolukogo nʼeriganyira.

Esyonyimbo 103:13

Ngoko ĩse wʼabana akaganyirabo, Litya Omwami Mukulu akaganyira abandu abakamubaha.

Esyonyimbo 89:33

Nĩkwa sindiendĩsyũmbya erianza Dawĩdĩ, Kutse eribula erĩberererya endagane yage busana naye.

Esyonyimbo 94:14

Omwami Mukulu siendisyagana abandu buwe, Sĩendĩsyasĩganĩa ekihanda kiwe.

Yeremĩa 14:21

Sũtũkwe obusu, busana nʼerĩna lyawe. Suhemule ekĩtũmbĩ kyʼolukengerwa lwawe. Wibuke, sũtwe endagano yawe haguma netu.

Yeremĩa 24:5

Omwami Mukulu Nyamuhanga wa Ĩsraelĩ ati, Ngʼemĩtĩnĩ yowene eyĩ, ko nasyaswalebya nyitya abanyegawa bʼeYũda, ngʼababuya, abo nahiga hano eriya omo kihugo kyʼAbakaldea.

Yeremĩa 30:11

Omwami Mukulu ati, Ĩngye indi haguma nawe erĩkũlamya, kusangwa nasyaherya kutsibu ebihanda byosĩ eyo nakupanza-panzira, nĩkwa uwe sindiendĩsyakũherya kutsibu, nĩkwa na nasyakukunga omo lĩbanza litunganene, sindiendisyakuleka butsira erikusuyira.

Yeremĩa 31:20

Efũraĩmũ ni mwana wage mwanze kwehĩ? Iye ni mwana wʼerĩtsemesya kwehĩ? Kusangwa emigulu yosĩ ngamuhayira, nyikinamwibuka kutsibu. Kusangwa omutima wage akamũkwa olukando. Omwami Mukulu ati, Kwenene nasyamuganyira.

Yeremĩa 33:26

neryo nasyagana abana ba Yakobo, nʼabana ba Dawĩdĩ omugombe wage, nʼerĩtendĩmya abana babo eritabalira abana ba Abrahamũ, Ĩsaka na Yakobo. Nĩkwa nasyasũbya omũyĩsa wabo, kandi nasyaganyirabo.

Ezekĩelĩ 16:60

Nĩkwa nasyibuka endagano yage haguma nawe oko biro byʼobũlwana bwawe, kandi nasyahanda endagano yage ya kera na kera haguma nawe.

Abalawĩ 26:11

Kandi nasyayira ahʼerĩĩkala hage omo katĩkatĩ kenyũ, nʼomutima wage siendisyabagana.

AbanyaRoma 11:2

Nyamuhanga sialitagana abandu buwe, abo abiriyisoga kera. Ũnasĩ ngoko Amasako akabũga busana na Elĩa kwehĩ? Elĩa ahandĩkĩrĩraya Abaĩsraelĩ bʼuku Nyamuhanga ati,

AbanyaRoma 11:26

Neryo Abaĩsraelĩ bosĩ basyalamĩbwa, ngoko kĩsakĩre kiti, Omũlamya asyalũa eSĩonĩ, Asyalũsya amalolo oko bana ba Yakobo.

Abatswerĩ 2:1

Nʼomũlaĩka wʼOmwami Mukulu mwahetuka akalũa eGĩlgalĩ erĩhĩka eBokĩmũ. Neryo mwabũga ati, Monaba-hetũkya erĩlũa eMĩsĩrĩ, nʼeribaleta omo kihugo ekyo nalahĩrĩraya abotata-kulu wenyũ; monabũga nyiti, Sĩndĩendĩsyatwa endagano yage nenyũ kera na kera.