Abalawĩ 26:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ neryo nasyabaha embũla oko birimo byayo, nʼekitaka kyasyalasya emĩlasĩrya yakyo, nʼemiti yʼomwʼirima yasyabuta ebĩgũma byayo.

Abalawĩ 26:4 Iomraidhean Croise

1 Abami 17:1

Neryo Elĩya Omũtĩsĩbe ogʼoko babunga bʼeGĩleadĩ, mwabwira Ahabũ ati, Ngoko Mwami Mukulu Nyamuhanga wʼeĨsraelĩ aneho, Oyo nyimene embere siwe, sihendisyabya ekimi kutse embũla oko mĩtũta eyĩ, butsira oko kĩnywa kyage.

Yobũ 5:10

Oyukaha ekihugo kyʼembũla, Nʼerituma magetsi omo malima;

Esyonyimbo 104:13

Ukatuma embũla oko bitwa eyĩkalũa elubula, Nʼekihugo kikabana eritsumula lyawe ndeke.

Esyonyimbo 67:6

Ekitaka kyabĩrĩerya esyombuto syakyo; Nyamuhanga, Nyamuhanga wetu, abiritutsumula;

Esyonyimbo 67:7

Nyamuhanga abiritutsumula; Abandu bosĩ ehosĩ, bamũsĩkaye.

Esyonyimbo 68:9

Uwe Nyamuhanga, mowawĩsya embũla nene, Mowasũbya omuboga wʼekitaka kyawe ekĩkũlĩre.

Esyonyimbo 85:12

Omwami Mukulu asyatuha omugaso, Nʼekitaka kyetu kyasyerya ebyalya bingi.

Esyonyimbo 85:13

Ekitunganene kyasyalaba embere syʼOmukama, Nʼerihala enzira busana naye.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Yeremĩa 14:22

Omo katĩkatĩ kʼesyosanamu syʼebihanda hane esikaleta embũla kwehĩ? Kutse amatũkũ anganatoka erireta embũla kwehĩ? Si nina we Mwami Mukulu, Nyamuhanga wetu kwehĩ? Neryo tũkahĩra amaha wetu ukʼuwe, kusangwa ni we oyo wabirikola emyatsi eyĩ yosĩ.

Ezekĩelĩ 36:30

Kandi nasyakanyĩrĩrya ebĩgũma byʼemiti, nʼerĩkanyĩrĩrya esyombuto syʼeririma, imutaswabana esĩsonĩ syʼenzala omo katĩkatĩ kʼebihanda.

Yoelĩ 2:22

Ĩnywe, esyonyama syʼomolĩ, simubahe; kusangwa amalĩsĩryo gʼomo mbwarara akalasa, kusangwa omuti abĩrĩhetya ebĩgũma byago, omuti wʼomũtĩnĩ nʼomũlĩkĩ wʼebĩnyũ yabĩrĩhetya ebĩgũma byayo.

Abalawĩ 25:19

Nʼekitaka kyasyalasya ebĩgũma byakyo, nenyũ mwasyalya nʼerĩũgũta, nʼerĩĩkala mukyo mo buholo.

Abalawĩ 25:21

Nasyabahamulira omũyĩsa wage oko mwaka wʼendatu, nago asyabalasĩrya ebĩgũma busana nʼemyaka ĩsatu.

Zekarĩa 8:12

Kusangwa hasyabya obuholo busana nʼembuto, omũlĩkĩ wʼebĩnyũ asyahetya ebĩgũma byago, nʼekitaka kyasyalasya akalyo kakyo, nʼekyanya kyasyawĩsya ekimi kyakyo; nage nasyaleka abasĩgalira bʼabandu aba erirya omwandu wʼemyatsi eyĩ yosĩ.

Matayo 5:45

imwatoka eribya bagala ba Tata wenyũ oyuli elubula. Kusangwa, akahũlũkaya eryuba liwe oko babi nʼoko babuya, kandi akatuma embũla oko batunganene nʼoko batatunganene.

Emibiri 14:17

Nĩkwa mwatayireka bute balangĩrĩ buwe, iniakakola ebibuya nʼeribaha embũla eyĩkalũa elubula, nʼeribaha ebirimo ebĩkeraya ebyalya, nʼerĩũsũlya emitima yenyũ mwʼobutseme.

Eryibuka Ebihano 11:13

Neryo mwasyabya mwamahulikirira ebihano byage nʼomũhwa ebyo ngabahana mũnabwĩre, erianza Omwami Mukulu Nyamuhanga wenyũ, nʼerimukolera nʼomutima wenyũ gosĩ nʼekĩrĩmũ kyenyũ kyosĩ,

Eryibuka Ebihano 11:14

nasyĩna embũla busana nʼekihugo kyenyũ oko kirimo kyayo, embũla yʼembere, nʼembũla yʼenyũma, imwatoka erigesa amagese wenyũ, nʼebĩnyũ byenyũ bihya-bihya, nʼamagũta wenyũ.

Eryibuka Ebihano 28:12

Omwami Mukulu asyabakingulira olubula obubiko buwe bowene, eribaha embũla yʼekihugo kyawe omo kirimo kyayo, nʼeritsumula omũbĩrĩ gosĩ wʼebyala byenyũ; kandi mwasyabweka ebihanda bingi, nĩkwa ĩnywe simusyeyibweka.

Yakobo 5:7

Neryo balĩkyetu, muyibombeke erĩhĩka oko kiro kyʼeriasa lyʼomukama. Mũlebaye ngoko mũlĩmĩ akayibombeka, eririnda eriera lyʼebĩgũma byʼenzwere nene byʼekitaka, iniakayibombeka erĩhĩka oko kiro embũla yʼerĩmbere nʼeyʼerĩnyũma ikawa.

Eribisurirwa 11:6

Aba bawite obũtokĩ bwʼerĩrĩba ekyanya, embũla initasyawa oko mugulu ogo bakatũla omwatsi wa Nyamuhanga. Kandi bawite ehamũlĩ oko magetsi erihindulago mo musasi, kandi bawite ehamũlĩ yʼerĩĩta ekihugo omo mĩsĩndo yosĩ yʼesyondwala oko migulu yosĩ banzĩre.