Abalawĩ 26:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ nage, nasyabakolera ekĩ nibya; nyiti nasyabahĩra kwʼerĩũbahĩrĩrya lũba-lũba, nʼendwala yʼekĩkũba nʼekĩhũhanĩ, ebikandisyabuga ameso wenyũ, nʼerireka ebĩrimu byenyũ ibyabulirayo; kandi mwasyabiba esyombuto syenyũ syo busa, kusangwa esyonzĩgũ syenyũ syasyalyasyo.

Abalawĩ 26:16 Iomraidhean Croise

1 Abami 8:37

Enzala yamabya omo kihugo, mwamabya nʼobũkonĩ bwʼakasũsũ, mwamabya endwala yʼebyalya kutse embuhu, esyongĩke, kutse obũngũkũ; nʼesyonzĩgũ syabo syamagoterabo omo kihugo kyʼemĩyĩ yabo; kutse ekĩhũnzo kyahi, kutse hamabya endwala;

Yobũ 18:11

Erĩũbahya lyasyamũbahya oko mbande syosĩ, Nʼerĩmwendererya oko buli ibasula liwe.

Yobũ 20:25

Omusali akakulawa, nʼerĩlũa omo mu­gongo wuwe; Ega, obusongera obũhenĩrye bũkalũa omo ndulu yiwe; Erĩũbahya limuliko.

Yobũ 31:8

Neryo nyibibe, nʼogundi alyebyo; Ega, emyaka yʼeririma lyage ikulawe.

Esyonyimbo 109:6

Uyisoge omundu mubi eritswera enzĩgũ yage, Kandi omuguma oko nzĩgũ siwe amuhandikirire.

Esyonyimbo 73:19

Bakaherĩbawa neryo-neryo; Bakatogotĩbawa omo buba!

Esyonyimbo 78:33

Kyaleka iniabuga ebiro byabo ngʼomuka, Kandi mwabuga emyaka yabo omwʼihera.

Erĩlũayo 15:26

Neryo mwabwirabo ati, Mwamahulikirira omulenge wʼOmwami Mukulu Nyamuhanga wenyũ nʼomũhwa, kandi mwamakola ekitunganene omo meso wuwe, nʼeritega amatwĩ oko bihano biwe, nʼeribika emigambo yiwe yosĩ, sindiendĩsyabahĩra kwʼesyondwala nʼenguma, esyo nahĩra oko Banya Mĩsĩrĩ; kusangwa indi Mwami Mukulu oyũkakũlamaya.

Emĩsyo 3:33

Eritakira lyʼOmwami Mukulu liri omo nyũmba yʼababi; Nĩkwa akatsumula obwĩkalo bwʼabatunganene.

Ĩsaya 10:4

Basyũnama omo katĩkatĩ kʼabandu bʼomũlĩkĩ basa, kutse eriwa omo katĩkatĩ kʼabandu babĩrĩkwa. Busana nʼebĩ byosĩ erihitana liwe sĩryetalũaho, nʼebyala biwe bĩkĩnayĩsũmbĩre.

Ĩsaya 62:8

Omwami Mukulu abĩrĩlahĩrya omo byala biwe byʼamali nʼomo kuboko kwʼamaka wuwe, ati, Kwenene sindiendisyaswaha engano yawe, eribya kalyo busana nʼesyonzĩgũ syawe, kandi abʼehandi sĩbendĩsyaswapũlya ebĩnyũ byawe bihya-bihya, ebyo wabirikumbira.

Ĩsaya 7:2

Kandi omugulu babwira ekĩtũnga kya Dawĩdĩ, bati, eSũrĩa yabirilagana na Efũraĩmũ. Neryo omutima wa Ahazĩ mwatitimana, nʼomutima wʼabandu buwe ngʼemiti yʼomũsĩtũ kwʼikatitimana omwʼihunga.

Yeremĩa 12:13

Babiribiba engano, babirigesa emisaki-saki. Babĩrĩyagalya nĩkwa sibetabana endũndĩ. Nĩkwa muhemuke busana nʼebĩgũma byenyũ byʼobugese busana nʼerihitana litsibu lyʼOmwami Mukulu.

Yeremĩa 15:3

Omwami Mukulu ati, Nage nasyahĩra kubo kwʼemĩsĩndo ĩnĩ yʼerĩkwa, omũyalĩ wʼerĩĩta, nʼesyombwa syʼeritulanga, nʼesyonyonyũ syʼomo kyanya, nʼesyonyama syʼekihugo erirya nʼerĩherya.

Yeremĩa 15:8

Abakwakalĩ babo babirikanyifira embere syage kwilaba emisege yʼomo ngetsi. Nasyaleta omwĩtĩ uku nyĩnya wʼomũlwana, oyũkaheraya omwʼitungi, nasyamuletera lũba obũlĩge nʼerisweka.

Yeremĩa 20:4

Kusangwa Omwami Mukulu ati, Lebaya, ngandikuyira mo kyʼerĩkũbahya, nʼoko bĩra bawe bosĩ. Nʼomugulu ukalangira, basyawa omo mũyalĩ wʼesyonzĩgũ syabo. Litya nasyahĩra eYũda yosĩ omo byala byʼOmwami wʼeBabelĩ, naye asyatwalabo mo banyegwa eBabelĩ, nʼerĩĩtabo omo mũyalĩ.

Yeremĩa 5:17

Nabo basyalya erigesa lyawe, nʼobundu bwawe, basyalya abagala bawe nʼabali bawe. Basyalya ebĩhyo byawe nʼebihangulo byawe. Basyalya emĩrĩkĩ yʼebĩnyũ byawe nʼemiti yʼemĩtĩnĩ yawe. Basyatererya ahisi omo mũyalĩ emĩyĩ yawe eyikongotere eyo ukayiketera.

Ezekĩelĩ 24:23

Nʼebitambara byenyũ byasyabya oko mitwe yenyũ, nʼebiryato byenyũ oko bisando byenyũ. Simwendisyalira kutse erĩsũsũmana. Nĩkwa mwasyabonda omo bibi byenyũ, kandi mwasyasĩmbanĩa.

Ezekĩelĩ 33:10

Nĩkwa uwe mugala wʼomundu, Ubwire ekihanda kya Ĩsraelĩ uti, Mũkabũga muti, Amalolo wetu nʼebibi byetu biri ũkwʼĩtwe, neryo tukoloberera mubyo. Twasyabyaho tuti kwehĩ?

Amosĩ 5:11

Busana nʼekyo mũkalĩhĩsaya engemu yʼengano; mwabĩrĩhĩmba amanyũmba wʼamabwe awabatsĩre nĩkwa sĩmwendĩsyĩkala mugo; mwabirihera amalima wʼebĩnyũ wʼerĩtsemesya, nĩkwa sĩmwendĩsyapũlya ebĩnyũ byago.

Mĩka 6:15

Wasyabiba, nĩkwa siwendisyagesa; wasyalyatira emĩzeĩtũnĩ erikamayo, nĩkwa sĩwendĩsyayĩhakabya amagũta ayo, kandi wasyakama ebĩnyũ, nĩkwa sĩwendĩsyapũlya ebĩnyũ.

Hagaĩ 1:6

Mwabiribiba bingi, mwabirigesa bike; mukalya nĩkwa sihali ekyangũgũtya; mũkapũlaya, nĩkwa sihali ekyangahumwa; mukambala, esyongimba, nĩkwa sihali oyũkahũha ndeke; nʼoyukakolera oluhembo akabana obũhĩngĩ erĩhĩrabo omo ngunza ĩtobokĩre.

Zekarĩa 14:12

Neryo ekĩ nĩ kĩhũnzo ekyo Mwami Mukulu asyaswĩryamo ebihanda byosĩ ebyabiriyalwa nʼeYerũsalema: emĩnyokũ yʼemibiri yabo yasyahonda omugulu bakinahangene oko bisando byabo, nʼameso wabo asyahonda omo bĩkũlũ byago, nʼolulimi lwabo lwasyahonda omo buno bwabo.

Malakĩ 2:3

Lebaya, nasyabayira abana benyũ, kandi nasyahakabya ebise omo mũsũ wenyũ, bye biro byʼobuhere bwenyũ, nenyũ mwasyalũsĩbwaho haguma nabyo.

Eryibuka Ebihano 28:51

kandi kyasyalya enhyana hyʼebihangulo byenyũ nʼembuto yʼekitaka kyenyũ erĩhĩka aho mwasyahererĩbwa; kandi sĩkyendĩsyabasĩgĩra emyaka yʼengano, nʼebĩnyũ bihya-bihya, kutse amagũta, nʼebikakanyirira byʼesyonde syenyũ, kutse ehirere hyʼesyombũlĩ syenyũ, erĩhĩka aho basyabahererya.

Eryibuka Ebihano 32:25

Eyĩhya omũyalĩ asyabasĩga bũmbũtete, Nʼomo manyũmba erĩũbahya; Asyaherya omũlwana nʼomumbesa ababiri bosĩ, Oyukonga haguma nʼomundu wʼesyombwĩ.

AbaEbrania 10:31

Ni kindu kyʼerĩũbahya eriwa omo byala bya Nyamuhanga oyuliho.

Abatswerĩ 6:11

Nʼomũlaĩka wʼOmwami Mukulu mwasa, mwĩkala omo ndĩna yʼomuti wʼomũterebĩntĩ owabya eOfra, owabya lubibi lwa Yoasĩ Omũbĩezerĩ; nʼomugala wuwe Gĩdeonĩ abya akahũmba engano omo kikamiro kyʼebĩnyũ, busana nʼerĩbĩsayo oko Bamĩdĩanĩ.

1 Samwelĩ 2:33

Nĩkwa, sindiendĩsyalũsya obuli mundu wawe oko kiherero kyage, ameso wawe akasyaluha busana nʼeririra, nʼomutima wawe iniagalwa. Kandi abakabutawa omo nyũmba yawe basyaholera omo musuko wabo.