Abalawĩ 26:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nasyalendera omo katĩkatĩ kenyũ nʼeribya Nyamuhanga wenyũ, nenyũ mwasyabya bandu bage.

Abalawĩ 26:12 Iomraidhean Croise

Enzũko 17:7

Neryo nasyahanganĩa endagano yage omo katĩkatĩ kage nawe nʼoko bana bawe enyũma syawe oko syondengo syabo busana nʼendagano ya kera na kera, eribya Nyamuhanga ukʼuwe nʼoko bana bawe enyũma wawe.

Enzũko 17:8

Kandi nasyakuha, nʼoko bana bawe enyũma wawe, ekihugo ekyo wabirirenderamo mo mubunga, ekihugo kyosĩ kyʼeKanana, eribya bũsokĩ bwawe bwa kera na kera, nage nasyabya Nyamuhanga wabo.

Enzũko 3:8

Neryo mobowa omulenge wʼOmwami Mukulu Nyamuhanga akalendera omwʼirima omo malengera. Omundu oyo nʼomũkalĩ wuwe mobayĩbĩsa oko bũsũ bwʼOmwami Mukulu Nyamuhanga omo katĩkatĩ kʼemiti yʼeririma.

Enzũko 5:22

Neryo Enoka mwalendera haguma na Nyamuhanga enyũma wʼeributa Metũsela emyaka magana asatu, neryo mwabuta abagala nʼabali.

Enzũko 5:24

Neryo Enoka mwabya akalendera haguma na Nyamuhanga, neryo mwataswabya eno, kusangwa Nyamuhanga mwamutwala.

Enzũko 6:9

Aya wa masako wʼesyondengo sya Noa. Noa abya mundu utunganene, ĩnĩahĩkene omo syondengo siwe. Noa mwabya akalendera haguma na Nyamuhanga.

2 Samwelĩ 7:7

Ehosĩ nabiriyigendera nʼabana bosĩ ba Ĩsraelĩ, ko nanabũgĩre kĩnywa oko muguma gʼoko bihanda bya Ĩsraelĩ, oyo nahana eribya omũlĩsya wʼabandu bage Ĩsraelĩ, nyiti, Busana nakĩ sĩmwetambĩmbĩra enyũmba yʼeMĩerezĩ kwehĩ?

Esyonyimbo 50:7

Ĩnywe bandu bage, mowe, nage nga­ndĩbũga; Nasyakuhandikirira, uwe Ĩsraelĩ. Ĩngye indi Nyamuhanga, Nyamuhanga wawe.

Erĩlũayo 29:45

Kandi nasyĩkala omo katĩkatĩ kʼabana ba Ĩsraelĩ, nasyabya Nyamuhanga wabo.

Erĩlũayo 29:46

Nabo basyaminya ko nyiri Mwami Mukulu Nyamuhanga wabo, oyo walũsayabo omo kihugo kyʼeMĩsĩrĩ, inatoka erĩĩkala omo katĩkatĩ kabo. Indi Mwami Mukulu, Nyamuhanga wabo.

Erĩlũayo 3:6

Kandi mwabũga ati, Ĩngye indi Nyamuhanga wa tata wawe, Nyamuhanga wa Abrahamũ, Nyamuhanga wa Ĩsaka, na Nyamuhanga wa Yakobo. Neryo Musa mwabĩsa ũbũsũ buwe; kusangwa mubaha erilola uku Nyamuhanga.

Erĩlũayo 6:7

Nage nasyabĩmya eribya bandu bage, nage nasyabya Nyamuhanga wenyũ; nenyũ mwasyaminya ko ndi Mwami Mukulu Nyamuhanga wenyũ, oyũkabalũsaya erĩlũa oko miheke yʼAbanya Mĩsĩrĩ.

Ĩsaya 12:2

Lebaya, Nyamuhanga ni mulamo wage. Ngandiyiketera ye, Sindiendisyubaha, kusangwa Omwami Mukulu ye Nyamuhanga, Ni maka wage nʼolwimbo lwage, Naye abiribya mulamo wage.

Ĩsaya 41:10

Sigubahe, kusangwa indi haguma nawe. Susamalire handi nʼerisweka, kusangwa indi Nyamuhanga wawe. Ngandikuha amaka, kwenene ngandĩkũwatĩkya, kwenene ngandikuwatirira omo byala byʼamali byʼeritunganene lyage.

Yeremĩa 11:4

erilagana eryo nahana abotata wenyũ ekiro nalũsayabo omo kihugo kyʼeMĩsĩrĩ, omo ngwekwe yʼomuliro wʼekyuma, nyiti, Mukenge omulenge wage, mukolego, ngʼebyosĩ ngabahana. Ko mwasyabya bandu bage mutya, nage nasyabya Nyamuhanga wenyũ.

Yeremĩa 30:22

Nenyũ mwasyabya bandu bage, nage inabya Nyamuhanga wenyũ.

Yeremĩa 31:33

Omwami Mukulu ati, Nĩkwa endagane yeyĩ, eyo nasyayira nʼekĩtũnga kya Ĩsraelĩ enyũma wʼebiro ebyo. Nasyahĩra omugambo wage omwisi syabo, nʼomo mutima wabo nasyasakago. Nage nasyabya Nyamuhanga wabo, nabo basyabya bandu bage.

Yeremĩa 32:38

Nabo basyabya bandu bage, nage nasyabya Nyamuhanga wabo.

Yeremĩa 7:23

Nĩkwa omwatsi muguma ogo nahanabo nyiti, Muhulikirire omulenge wage, nage nasyabya Nyamuhanga wenyũ, nenyũ mwasyabya bandu bage. Kandi mwasyaiendera omo nzira syosĩ esyo ngabahamulira, imwatoka eribana obutseme.

Ezekĩelĩ 11:20

batoke erirendera nʼemigambo yage, nʼeribika ebihano byage, nʼerikolabyo. Neryo basyabya bandu bage, nage nasyabya Nyamuhanga wabo.

Ezekĩelĩ 36:38

Ngʼekihangulo busana nʼerihonga, ngʼekihangulo eYerũsalema omo biro bikulu biwe ebyahĩrawa, litya emĩyĩ eyaherĩbawa yasyũsũlĩbwa nʼesyondeko syʼabandu. Neryo basyaminya ko ndi Mwami Mukulu.

Yoelĩ 2:27

Nenyũ mwasyaminya ko ndi omo katĩkatĩ ka Ĩsraelĩ, ngoko nyiri Mwami Mukulu Nyamuhanga wenyũ, isihali gundi; nʼabandu bage sibendisyahemulwa kera na kera.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Emiganzo 5:3

Mũhũlũkaye abosĩ abʼobulume nʼabʼobũkalĩ, ekyaswa kyʼekilaliriro ho mwasyahĩrabo; ĩsĩbatsandaya ekilaliriro kyabo aho nyĩkere omo katĩkatĩ kabo.

Matayo 22:32

Ĩngye indi Nyamuhanga wa Abrahamũ, na Nyamuhanga wa Ĩsaka, na Nyamuhanga wa Yakobo. Nyamuhanga si Nyamuhanga wʼabaholĩ, nĩkwa ni Nyamuhanga wʼabaliho.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

Eryibuka Ebihano 23:14

Kusangwa Omwami Mukulu Nyamuhanga wenyũ akalendera omo kilaliriro kyenyũ, erĩbalamya, nʼerĩkĩnda esyonzĩgũ syenyũ embere syenyũ; kikatuma ekilaliriro kyenyũ kitolere ikyabya kĩbũyĩrĩre, iniatalangira kindu ekĩtĩsĩrĩre kuwe, akasyabũnũkala akabalũako.

Eryibuka Ebihano 23:15

Sĩmũsyesũbaya omukobe oko mukama wuwe oyo wasagira ukʼuwe erĩlũa oko mukama wuwe.

AbaEbrania 11:16

Nĩkwa lino, bakwĩre olukando lwʼekihugo kyowene ukwʼaho, ekihugo kyʼelubula. Kikaleka Nyamuhanga ĩnĩatakwa esĩsonĩ eriahulwa mo Nyamuhanga wabo; kusangwa abĩrĩkokoteryabo omũyĩ.

Eribisurirwa 2:1

Usake oko mũlaĩka wʼekanĩsa yʼeEfeso uti: Oyũhambĩre esyongũnũnũ sirinda omo byala biwe byʼamali, nʼoyukalendera omo katĩkatĩ kʼemitagala irinda yʼesyamagetsi, akabũga ebĩnywa ebĩ ati,

Eribisurirwa 21:7

Oyũkakĩnda nasyamuha emyatsi eyĩ: Nasyabya Nyamuhanga wuwe, naye asyabya mugala wage.