Abalawĩ 26:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Kandi nasyayira ahʼerĩĩkala hage omo katĩkatĩ kenyũ, nʼomutima wage siendisyabagana.

Abalawĩ 26:11 Iomraidhean Croise

2 Samwelĩ 7:7

Ehosĩ nabiriyigendera nʼabana bosĩ ba Ĩsraelĩ, ko nanabũgĩre kĩnywa oko muguma gʼoko bihanda bya Ĩsraelĩ, oyo nahana eribya omũlĩsya wʼabandu bage Ĩsraelĩ, nyiti, Busana nakĩ sĩmwetambĩmbĩra enyũmba yʼeMĩerezĩ kwehĩ?

1 Abami 6:13

Nage nasyĩkala omo katĩkatĩ kʼabana ba Ĩsraelĩ, ĩsĩndĩendĩsyasĩganĩa bandu bage Abaĩsraelĩ.

1 Abami 8:13

Kwenene nabĩrĩkũhĩmbĩra enyũmba yʼerĩĩkalamo, ahʼerĩĩkala busana nawe kera na kera.

1 Abami 8:27

Nĩkwa kwenene Nyamuhanga asyĩkala oko kihugo kwehĩ? Lebaya, elubula, nʼekyanya kyʼebyanya sibyangatoka erikutolera; nʼenyũmba eyĩ nabĩrĩhĩmba ni nge kwʼaho kwilaba!

Esyonyimbo 106:40

Kyaleka Omwami Mukulu iniahitana oko bandu buwe; Mwakwa bo nye.

Esyonyimbo 76:2

Eka wuwe ye Yerũsalema, Ĩkere eSĩonĩ.

Esyonyimbo 78:59

Omugulu Nyamuhanga alangirakyo mwahitana, Neryo mwagana bandu buwe bo kutsibu.

Erĩlũayo 25:8

Kandi banyĩkokoteraye ahabũyĩrĩre, inabana erĩĩkala omo katĩkatĩ kabo.

Erĩlũayo 29:45

Kandi nasyĩkala omo katĩkatĩ kʼabana ba Ĩsraelĩ, nasyabya Nyamuhanga wabo.

Erĩlũayo 29:46

Nabo basyaminya ko nyiri Mwami Mukulu Nyamuhanga wabo, oyo walũsayabo omo kihugo kyʼeMĩsĩrĩ, inatoka erĩĩkala omo katĩkatĩ kabo. Indi Mwami Mukulu, Nyamuhanga wabo.

Yeremĩa 14:21

Sũtũkwe obusu, busana nʼerĩna lyawe. Suhemule ekĩtũmbĩ kyʼolukengerwa lwawe. Wibuke, sũtwe endagano yawe haguma netu.

Ekiriro 2:7

Omukama abirigana ekiherero kiwe, Abĩrĩkwa ahabũyĩrĩre huwe ho nye. Abĩrĩhĩra esyombĩmbo syʼebikali byago Omo byala byʼenzĩgũ. Babiriyira olukanda omo nyũmba yʼOmwami Mukulu, Ngʼomo kiro kikulu kyahĩrawa.

Yoelĩ 2:27

Nenyũ mwasyaminya ko ndi omo katĩkatĩ ka Ĩsraelĩ, ngoko nyiri Mwami Mukulu Nyamuhanga wenyũ, isihali gundi; nʼabandu bage sibendisyahemulwa kera na kera.

Abalawĩ 20:23

Kandi simulendere omo mitsye yʼekĩhanda ekyo ngabinga embere syenyũ; kusangwa mobakola emyatsi yosĩ eyĩ, kyaleka ĩnakwa bo nye.

Abalawĩ 26:15

kandi mwamagana emigambo yage, nʼebĩrĩmũ byenyũ bĩkakwa ebilayiro byage byʼesyonye, muti, simwekola ebihano byage byosĩ, nĩkwa mũkatwa endagano yage;

Abalawĩ 26:43

Nabo basyasĩganĩa ekihugo, nakyo kyasyatsemera esyo Sabato syakyo, omugulu kikabya mulala bateho. Nabo, basyaliha olubanza lwʼebibi byabo, kusangwa bagana ebilayiro byage, nʼomutima wabo mwakwa emigambo yage yo nye.

Abalawĩ 26:44

Nomo ebyo byangabya bitya, omugulu bali omo kihugo kyʼesyonzĩgũ syabo, sindiendisyaganabo, kutse erĩbakwa nye erĩheryabo kũndũ, erĩĩta endagano yage haguma nabo; kusangwa indi Mwami Mukulu Nyamuhanga wabo.

Zekarĩa 11:8

Neryo monĩta abalĩsya basatu omo mukera muguma; kusangwa omutima wage mwaluha busana nabo, nʼomutima wabo nago mwaluha busana nage.

AbanyaEfeso 2:22

Busana nʼerimatikana na Kristo, nenyũ nibya mũkahĩmbawa eribya obwĩkalo bwa Nyamuhanga busana nʼOmũlĩmũ Abũyĩrĩre.

Eryibuka Ebihano 32:19

Kandi Omwami Mukulu mwalangira, mwaponabo Busana nʼerĩhĩtanĩbwa nʼabagala buwe nʼabali buwe.

Yosũa 22:19

Nĩkwa ekihugo ekyo mwasĩgalaya kyamabya kibi, neryo musokere omo kihugo kyʼerĩsĩgalya kyʼOmwami Mukulu, aho eHema yʼOmwami Mukulu yĩkere, mwĩmaye erĩsĩgalya omo katĩkatĩ ketu; nĩkwa simuhone oko Mwami Mukulu, kutse simuhone ũkwʼĩtwe erĩyĩhĩmbĩra ekiherero ekite kiherero kyʼOmwami Mukulu Nyamuhanga wetu.

Yosũa 22:31

Na Fĩnehasĩ omugala wʼomũhererĩ Eleazarĩ mwabwira bana ba Rũbenĩ, nʼabana ba Gadĩ, nʼabana ba Manase, ati, Mũnabwĩre tũnasĩ ko Mwami Mukulu ali omo katĩkatĩ ketu, kusangwa sĩmwetahalya oko Mwami Mukulu. Lino mwabĩrĩlamya abana ba Ĩsraelĩ omo byala byʼOmwami Mukulu.

Eribisurirwa 21:3

Kandi monowa omulenge akalũa oko kĩtũmbĩ kyʼobwami ati, Lebaya! eHema ya Nyamuhanga iri omo katĩkatĩ kʼabandu! Naye asyĩkala haguma nabo, basyabya bandu buwe. Kandi Nyamuhanga ĩyowene asyabya haguma nabo, nʼeribya Nyamuhanga wabo.

Eribisurirwa 7:15

Busana nʼekyo bakahangana embere syʼekĩtũmbĩ kyʼobwami kya Nyamuhanga, kandi bakamukolera omo musibo nʼomo kiro omo Hekalũ yiwe. Nʼoyo wĩkere oko kĩtũmbĩ kyʼobwami asyĩkala omo katĩkatĩ kabo.