Abalawĩ 24:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Asyateya ndeke esyotala oko mutagala owene wʼesyamagetsi embere syʼOmwami Mukulu emigulu yosĩ.

Abalawĩ 24:4 Iomraidhean Croise

1 Abami 7:49

nʼebĩhambĩrĩrĩ byʼesyotala syʼesyamagetsi ebitanu oko luhande lwʼamali, nʼebitanu oko malembe, embere syʼahabũyĩrĩre kutsibu; nʼomusanga wʼesyotala, nʼebĩhomombyo, byʼesyamagetsi;

1 Emyatsi yʼEmigulu 28:15

nʼobũlĩto bwʼesyamagetsi busana nʼebĩhambĩrĩrĩ byʼesyotala syʼesyamagetsi nʼesyotala syabyo syʼesyamagetsi, haguma nʼobũlĩto bwʼobuli kĩhambĩrĩrĩ kyʼesyotala nʼesyotala syakyo; nʼobũlĩto bwʼekĩtsĩpa busana nʼebĩhambĩrĩrĩ byʼesyotala byʼekĩtsĩpa, haguma nʼobũlĩto bwʼobuli kĩhambĩrĩrĩ kyʼesyotala nʼesyotala syakyo ngʼomũbĩrĩ wʼobuli kĩhambĩrĩrĩ kyʼetala.

2 Emyatsi yʼEmigulu 29:7

Kandi babirikinga esyonyũyĩ syʼekĩsekũ, nʼerĩrĩmya esyotala, kandi sĩbetahĩsya obukwa kutse erihera amahere wʼerĩokererya ahabũyĩrĩre busana na Nyamuhanga wa Ĩsraelĩ.

Erĩlũayo 31:8

nʼemesa nʼesyonyungu syayo, nʼomutagala wʼetala haguma nʼesyonyungu syago syosĩ, nʼekiherero kyʼobukwa,

Erĩlũayo 39:37

nʼomutagala wʼetala owakangĩre, nʼesyotala syago; esyotala esyʼeritondeka aho wasyo, nʼebindu byosĩ byasyo, nʼamagũta busana nʼetala.

Yeremĩa 52:19

Nʼesyondehĩ, nʼebĩbĩrĩryo byʼomuliro, nʼebibindi, nʼesyonyungu, nʼemitagala yʼesyotala, nʼemyũko, nʼeminaga, eyabya yʼesyamagetsi esĩtũkwĩre nʼebyabya byʼekĩtsĩpa ekĩtũkwĩre, omukulu wʼabateya mwahekabyo.

Abalawĩ 24:3

Eyĩhya oko lukimba olũkasũkũlĩraya, omo Hema yʼerĩhĩndanamo, Harũnĩ asyateyayo erĩtsũka erĩgolo-golo erĩhĩka omo ngyakya embere syʼOmwami Mukulu emigulu yosĩ; asyabya mugambo wʼebiro byosĩ omo syondengo syenyũ syosĩ.

Emiganzo 3:31

Neryo emĩbĩrĩ yabo yabya yʼerĩsandũkũ eryo nʼemesa, nʼomutagala wʼesyotala nʼebiherero, nʼebindu byʼahabũyĩrĩre ebyo bakakolamo, nʼolukimba olũkasũkũlĩraya, nʼomũbĩrĩ wago gosĩ.

Emiganzo 4:9

Kandi basyĩmya olukimba lʼomũnĩkĩ, nʼeriswika omutagala wʼetala, nʼesyotala syakyo, nʼebĩkalĩmaya etala byasyo, nʼebibindi byʼebĩrĩmĩryo, nʼamatambya gosĩ wʼamagũta, ebyo bakakolerako.

Emiganzo 8:2

Ũbũge na Harũnĩ, umubwire uti, Omugulu ũkakaya esyotala, esyotala sirinda syasyakolerya emuliro wʼekĩhambĩrĩrĩ kyasyo.

AbaEbrania 9:2

Kusangwa mobahanganĩa eHema yʼeyĩhya eyirimo omutagala owakahamba esyotala, nʼemesa, nʼamandu abũyĩrĩre; hano ho hahulawa mo Habũyĩrĩre.

Eribisurirwa 1:20

Nĩkwa omwatsi wʼerĩkũmbo lyʼesyongũnũnũ sirinda esyo Wamalangira omo byala byage byʼamali, nʼemitagala irinda yʼesyamagetsi: esyongũnũnũ sirinda ni bamalaĩka bʼesyokanĩsa sirinda, nʼemitagala irinda nĩ kanĩsa sirinda.

Eribisurirwa 11:4

Abalangĩrĩ babiri aba ni miti ĩbĩrĩ yʼeMĩzeĩtũnĩ, kandi ni tala ĩbĩrĩ abimene embere syʼOmukama wʼekihugo.

Eribisurirwa 2:5

Wibuke aho watogera! Ubindule omutima, uleke ebibi byawe, Ukole ngoko wabya ukakola erĩmbere. Bite bitya, nasyakũhĩkako, ĩnalũsya omutagala wawe wʼaho wago, wamatindabindula omutima wawe nʼerireka ebibi byawe.