Abalawĩ 24:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Uhane abana ba Ĩsraelĩ, bakuletere amagũta wʼezeĩtũnĩ agowene awagoyĩre busana nʼetala, erireka etala iyaka emigulu yosĩ.

Abalawĩ 24:2 Iomraidhean Croise

2 Emyatsi yʼEmigulu 13:11

Nabo bakahĩsĩraya Omwami Mukulu obuli tũtũtũ amahere wʼerĩokererya nʼobukwa obukakumba ndeke; kandi bakategekanaya amandu wʼerĩkanganĩa oko mesa ĩbuyĩrĩre; nʼomutagala wʼetala yʼesyamagetsi haguma nʼesyotala syasyo, eriaka obuli ĩgolo-golo; kusangwa ĩtwe tũkategaya omũbĩrĩ wʼOmwami Mukulu Nyamuhanga wetu; nĩkwa ĩnywe mwabĩrĩmũsĩganĩa.

Esyonyimbo 119:105

Ekĩnywa kyawe ni tala yʼerinyisondola, Ni kyakakala busana nʼenzira yage.

Esyonyimbo 119:130

Erĩkũmbũla lyʼerĩkangĩrĩrya lyawe rikaleta ekyakakala, Kandi rikaleta amenge busana nʼabatasĩkĩ.

Erĩlũayo 39:37

nʼomutagala wʼetala owakangĩre, nʼesyotala syago; esyotala esyʼeritondeka aho wasyo, nʼebindu byosĩ byasyo, nʼamagũta busana nʼetala.

Erĩlũayo 40:24

Neryo mwahĩra omutagala wʼetala omo Hema yʼerĩhĩndanamo, ahisiria oko mesa, oko ndambi yʼahʼerĩĩkala omo Hema erĩlolya elutambi lwʼeyĩkwa.

Emĩsyo 6:23

Kusangwa eritegeka ni tala; nʼebihano ni kyakakala; Nʼerikunga lyʼerĩkangĩrĩrya ni nzira yʼengebe.

Ĩsaya 11:2

Omũlĩmũ wʼOmwami Mukulu asyamwĩkalako, Omũlĩmũ wʼamenge nʼeriminya, Omũlĩmũ wʼerihana nʼowʼamaka, Omũlĩmũ wʼeriminya nʼowʼeriubaha lyʼOmwami Mukulu.

Ĩsaya 8:20

Okwʼĩkangĩrĩrya nʼokwʼĩtũlago! Bamatĩndabũga ngʼekĩnywa ekĩ, ni kusangwa sibawite eryibuka.

Abalawĩ 24:1

Neryo Omwami Mukulu mwabũga na Musa, ati,

Abalawĩ 24:3

Eyĩhya oko lukimba olũkasũkũlĩraya, omo Hema yʼerĩhĩndanamo, Harũnĩ asyateyayo erĩtsũka erĩgolo-golo erĩhĩka omo ngyakya embere syʼOmwami Mukulu emigulu yosĩ; asyabya mugambo wʼebiro byosĩ omo syondengo syenyũ syosĩ.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Matayo 5:16

Muleke ekyakakala kyenyũ kĩkoleraye kitya embere syʼabandu, balangire emĩbĩrĩ yenyũ mibuya, bapipe Tata wenyũ oyuli elubula.

Luka 1:79

Erĩkolerya oko bandu abĩkere omo mwĩrĩmya nʼomo kyũtũtũ kyʼoluholo, Erisondola ebisando byetu omo nzira yʼobuholo.

Luka 12:35

Mubye imunambite, ĩmũnasĩkĩre, mwakaye esyotala syenyũ.

Yoane 1:4

Ekĩnywa ekyo kyabya nʼengebe, nʼengebe eyĩ moyabya kyakakala kyʼabandu.

Yoane 1:9

Ekyo kyabya kyakakala kyʼekwenene ekĩkahĩka omo kihugo, nʼerĩkolerya obuli mundu.

Yoane 5:35

Yoane abya tala eyikaka nʼerĩkolerya, nenyũ mwabya mwanzĩre eritsema katambĩ omo kyakakala kiwe.

Yoane 8:12

Kandi Yesu mwaswabũga nabo ati, Ingye indi kyakakala kyʼekihugo. Oyukanyikwama siendisyalendera omo mwĩrĩmya, nĩkwa asyabya nʼekyakakala kyʼengebe.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

2 AbanyaKorinto 4:6

Kusangwa Nyamuhanga oyo wabũga ati, Ekyakakala kĩkoleraye omo mwĩrĩmya, ni iye abĩrĩkolerya omo mitima yetu nʼerituha ekyakakala kyʼeriminya olukengerwa lwa Nyamuhanga oluli omo bũsũ bwa Kristo.