Abalawĩ 23:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Ubwire abana ba Ĩsraelĩ, uti, Ebiro bikulu byʼOmwami Mukulu, ebyo mwasyatũlago eribya mahĩndano abuyĩrĩre, Ebĩ ni biro bikulu byage ebyahwĩrwe.

Abalawĩ 23:2 Iomraidhean Croise

2 Abami 10:20

Na Yehũ mwabũga ati, Mubirikire erĩhĩndana lĩbũyĩrĩre busana na Baalĩ. Neryo mobatũlaganĩago.

1 Emyatsi yʼEmigulu 23:31

nʼerihonga amahere gosĩ wʼerĩokererya busana nʼOmwami Mukulu omo syoSabato, nʼomo mikera mihya-mihya, nʼoko biro bikulu ebyahamulawa, omo miganzo ko yahamulawa busana nabyo, emigulu yosĩ embere syʼOmwami Mukulu;

2 Emyatsi yʼEmigulu 2:3

Na Solomono mwatumira uku Hĩramũ omwami wʼeTĩro, ati, Ngoko wakolera tata wage Dawĩdĩ, nʼerimutumira emĩerezĩ eyʼerĩmũhĩmbĩra enyũmba yʼerĩĩkalamo, nage kʼunyikole utya.

2 Emyatsi yʼEmigulu 30:5

Neryo mobahanganĩa omugambo erĩtũlaganĩalyo omo Ĩsraelĩ yosĩ erĩtsũka eBerĩ-seba nʼerĩhĩka eDanĩ, base eriyira Erikiruka busana nʼOmwami Mukulu, Nyamuhanga wa Ĩsraelĩ, eYerũsalema; kusangwa abangi mobatabya bakayiralyo ngoko kyabya kĩsakĩre.

Ezera 3:5

Nʼenyũma wʼaho mohabya obuhere bwʼerĩokererya bwʼemigulu yosĩ, nʼamahere wʼemikera mihya-mihya, nʼebiro bikulu byosĩ ebyahamulawa byʼOmwami Mukulu ebyahigulawa, nʼakandi obuhere bʼobuli mundu oyo wanza mwahĩtya olũsũnzo lwʼolwanzo oko Mwami Mukulu.

Esyonyimbo 81:3

Mubuhe esyongubi oko mukera muhya-muhya, Mubuhe esyongubi oko mugenda agoma, oko kiro kyetu kikulu.

Erĩlũayo 32:5

Nʼomugulu Harũnĩ alangirayo, mwahĩmba ekiherero embere syayo; kandi Harũnĩ mwalayira, ati, Omo ngakya kyasyabya kiro kikulu busana nʼOmwami Mukulu.

Ĩsaya 33:20

Musamalire eSĩonĩ, omũyĩ wʼebiro bikulu byetu ebyabirihamulwa. Ameso wawe asyalangira eYerũsalema ahʼerĩĩkala ahayĩbombekĩre, erĩhema eritendisyasengwa, nʼesyongyingyi syalyo sisyendisyakulwa na kera, kutse emĩrĩkĩ yalyo sĩyendĩsyatwĩbwako nʼomuguma.

Ekiriro 1:4

Esyonzira syʼeSĩonĩ sikalira, Kusangwa sihali oyukasa oko kyũsĩ kĩbũyĩrĩre. Esyongyo siwe syosĩ syabiribya bĩhũma, Abahererĩ buwe bakasĩmba. Abambesa buwe bali nʼobũlĩge, Naye ali nʼengitsi.

Ezekĩelĩ 44:24

Kandi omo buhaka basyahangana nʼeritswera. Basyatswerago ngʼebihano byage. Kandi basyabika emigambo yage nʼebihano byage omo biro bikulu byage byosĩ ebyalagawa, kandi basyakenga esyo Sabato syage.

Hosea 2:11

Kandi ngandĩsyatsĩrĩsya obutseme buwe, nʼebiro bikulu biwe, nʼemikera mihya-mihya yiwe, nʼesyo Sabato siwe, nʼamahĩndano wuwe wʼeritsemera.

Yoelĩ 1:14

Muhigule eritsira akalyo, mubirikire erĩhĩndana lĩbũyĩrĩre, mũhĩndanaye abakulu nʼesyondũlanĩ syosĩ syʼekihugo omo nyũmba yʼOmwami Mukulu Nyamuhanga wenyũ, mulakire Omwami Mukulu.

Yoelĩ 2:15

Mubuhe engubi eSĩonĩ, muyisolole nʼeritsira kalyo, mubirikire erĩhĩndana lĩbũyĩrĩre;

Abalawĩ 23:1

NʼOmwami Mukulu mwabũga na Musa, ati,

Abalawĩ 23:21

Nenyũ mwasyatũlaganĩa engulu eyo ekiro ekyo kisa-kisa; hasyabya erĩhĩndana lyʼendeko lĩbũyĩrĩre busana nenyũ. Simusyekola mũbĩrĩ akalĩre nʼomuke. Ni kihano kya kera na kera aho mwĩkere ehosĩ omo syondengo syenyũ syosĩ.

Abalawĩ 23:37

Ebĩ ni biro bikulu ebĩhĩrĩrwe byʼOmwami Mukulu, ebyo mwasyatũlagnĩa eribya mahĩndano abũyĩrĩre, eriherera Omwami Mukulu obuhere obũkokĩbawa oko muliro, obuhere bwʼerĩokererya, obuhere bwʼengano, obwʼamatolere, nʼamahere wʼerĩpũlya, obuli mwatsi oko musibo wʼekiro ekyo.

Abalawĩ 23:4

Ebĩ ni biro bikulu byʼOmwami Mukulu ebyahwĩrwe, wa nʼamahĩndano abũyĩrĩre, ago mwasyatũlaganĩa omo mugulu wago awahamulawa.

Abalawĩ 23:44

Neryo Musa mwatũlĩra abana ba Ĩsraelĩ emigulu eyo Mwami Mukulu ahĩra.

Nahũmũ 1:15

Lebaya, oko bitwa ebisando byʼoyukaleta engulu yowene, oyũkakũmayĩraya Obuholo! Uwe Yũda, ulye ũtegaye ebiro bikulu byawe; Ũberereraye amalahĩryo wawe. Kusangwa omundu mubi oyo siendisyaswalaba ukʼuwe; abĩrĩtũbwa kutsibu.

Emiganzo 10:10

Nĩkwa oko kiro kyʼobutseme bwenyũ, nʼoko biro bikulu byenyũ ebyo mwahamulirawa, nʼoko nzũko syʼemikera yenyũ mwasyabuha esyongubi oko mahere wenyũ wʼerĩokererya, nʼendata oko mahere wenyũ wʼobuholo; nasyo syasyabya busana nenyũ eryibukwa embere sya Nyamuhanga wenyũ. Ĩngye indi Mwami Mukulu Nyamuhanga wenyũ.

Emiganzo 29:39

Esĩ syo mwasyaletera Omwami Mukulu omo biro bikulu byenyũ haguma nʼerĩlahĩrya lyenyũ, nʼolũsũnzo lwenyũ lwʼerianza lyʼomutima, busana nʼamahere wenyũ wʼerĩokererya, na busana nʼamahere wenyũ wʼeyĩsyano yʼengano, nʼamahere wenyũ wʼerĩpũlya wʼerĩũtũlĩra ahisi, na busana nʼamahere wenyũ wʼobuholo.

Yoane 5:1

Enyũma wʼemyatsi eyĩ, habya ebiro bikulu byʼAbayũda, neryo Yesu mwahetukira eYerũsalema.

AbanyaKolosai 2:1

Nyanzĩre imwaminya ngoko nabiriyitsinga kutsibu busana nenyũ, na busana nʼabandu bʼeLaodĩkĩa, kandi busana nʼabandu bosĩ abatebanyilolako nʼerinyiminya.

AbanyaKolosai 2:16

Neryo simuleke omundu eribatswera omo myatsi yʼakalyo, kutse erĩpũlya, kutse busana nʼekiro kikulu, kutse ekiro kyʼomukera muhya-muhya, kutse ekiro kyʼeSabato.