Abalawĩ 22:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ omundu oyũkatũla oko kindu ngʼekyo, asyabya mũtsandĩrya erĩhĩka omwʼĩgolo-golo, isiangalya oko bindu bĩbũyĩrĩre, ate akosa omubiri wuwe omo magetsi.

Abalawĩ 22:6 Iomraidhean Croise

Abalawĩ 11:27

Nʼekĩndũkĩ ekikagendera oko binono byakyo, omo katĩkatĩ kʼesyonyama syosĩ esikagenda omo magulu ani, byasyabya bĩtsandĩrya kwĩnywe; nʼoyũkatũla oko kĩnda kyasyo asyabya mũtsandĩrya erĩhĩka okwʼĩgolo-golo.

Abalawĩ 11:28

Nʼoyukaheka ekĩnda kyasyo asyerya esyongimba siwe, kandi iniabya mũtsandĩrya erĩhĩka omwʼĩgolo-golo; ebyo nĩ bĩtsandĩrya busana nenyũ.

Abalawĩ 11:31

Esĩ syo nyĩtsandĩrya busana nenyũ omo katĩkatĩ kʼebyosĩ ebikakululuka; oyo wasyatũla kubyo, omugulu bĩholĩre, asyabya mũtsandĩrya erĩhĩka okwʼĩgolo-golo.

Abalawĩ 11:32

Nʼoko kĩndũkĩ ekyasyatogerwako ekiguma kyʼebĩholĩre, kyasyabya kĩtsandĩrya; kutse kyamabya ekibindi kyʼomuti, kutse omwenda, kutse engobĩ, kutse engunza, nomo kyangabya kĩndũkĩ, ekikakolerawamo omũbĩrĩ kitolere ĩkyahĩrwa omo magetsi, neryo kyasyabya kĩtsandĩrya erĩhĩka omwʼĩgologolo; neryo kyasyowana.

Abalawĩ 11:39

Nʼenyama, yʼoko syo mukalya, yamahola, oyũkatũla oko kĩnda kyayo asyabya mũtsandĩrya erĩhĩka omwʼĩgolo-golo.

Abalawĩ 11:40

Nʼoyukalya oko kĩnda kyayo asyerya esyongimba siwe, iniabya mũtsandĩrya erĩhĩka omwʼĩgolo-golo; nʼoyukaheka ekĩnda kyayo asyerya esyongimba siwe, iniabya mũtsandĩrya erĩhĩka omwʼĩgologolo.

Abalawĩ 15:5

Nʼoyũkatũla oko ngyingo yiwe asyerya esyongimba siwe, nʼeriyikosa omo magetsi, iniabya mũtsandĩrya erĩhĩka omwʼĩgolo-golo.

Abalawĩ 22:5

kutse mundu wahi oyũkatũla oko kindu ekikakululuka, ekikamuyira mo mũtsandĩrya, kutse oyũkasĩgalirako obũtsandĩrya bwʼomundu, nʼomo bwangabya bũtsandĩrya bwahi ali nabo;

Abalawĩ 22:7

Nʼomugulu eryuba lyamabirenga asyera; nʼenyũma wʼaho asyalya oko bindu bĩbũyĩrĩre; kusangwa ni kalyo kuwe.

Hagaĩ 2:13

Neryo Hagaĩ mwabũga ati, Omundu amabya ahalĩre busana nʼekĩnda, amatũla oko kiguma kyʼũkwʼebĩ, byasyabya ebĩtĩsĩrĩre kwehĩ? Nʼabahererĩ mobasũbĩrya bati, Kyasyabya kĩtĩsĩrĩre.

Emiganzo 19:22

Nʼekĩndũkĩ omundu oyũtsandĩre akatũlako kyasyabya kĩtsandĩrya; nʼomundu wasyatũla kukyo asyabya mũtsandĩrya erĩhĩka omwʼĩgologolo.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.