Abalawĩ 22:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Nĩkwa omwali wʼomũhererĩ amabya mũkwakalĩ kutse amahigwa isiawite mwana, amasũbĩbwa omo nyũmba yʼĩse wuwe, ngʼomugulu gʼobumbesa buwe, naye asyalya oko kalyo ka tata wuwe; nĩkwa isihabya owʼehandi oyo wasyalya kuko.

Abalawĩ 22:13 Iomraidhean Croise

Enzũko 38:11

Neryo Yũda mwabwira Tamarĩ, mwalĩana wuwe ati, Ubye mũkwakalĩ omo nyũmba ya tata wawe erĩhĩka aho mugala wage Sela asyakulira; kusangwa abũga ati, Akasyahola ngʼabagala babo. Neryo Tamarĩ mwagenda mwĩkala omo nyũmba ya tata wuwe.

Ezera 2:63

Nʼomũtabalĩ mwabwirabo ati sibalye oko bindu ebĩbũyĩrĩre kutsibu, erĩhĩkĩra aho mũhererĩ asyahangana oyuli na Ũrĩmũ na Tũmĩmũ.

Erĩlũayo 12:43

Neryo Omwami Mukulu mwabũga na Musa na Harũnĩ ati, Ekĩ ni kilayiro kyʼErikiruka; omũlũa-hali isyalya kulyo;

Erĩlũayo 29:33

Neryo basyalya ebindu basanganĩbawamo oko kiro bahanganĩbawa nʼerisololwa lyabo; nĩkwa owʼehandi isialya kubyo, kusangwa bĩbũyĩrĩre.

Ezekĩelĩ 44:8

Kandi sĩmwetateya ebindu byage bĩbũyĩrĩre, nĩkwa mwabĩrĩĩhĩra abʼehandi erĩteya ahabũyĩrĩre hage.

Abalawĩ 10:14

Nĩkwa ekĩkũba kyʼerĩhũnga-hũngya nʼekihinga kyʼerisumba wasyalirabyo omo mwanya owerĩre, uwe nʼabagala bawe, nʼabali bawe; kusangwa byabirihabwa ngʼerĩgabo lyawe, nʼerĩgabo lyʼabagala bawe, mo hongo syʼamahere wʼobuholo wʼabana ba Ĩsraelĩ.

Abalawĩ 22:10

Owʼehandi siasyerya oko lũsũnzo lũbũyĩrĩre; omubunga wʼomũhererĩ kutse omũhĩngĩ isibalya oko kindu kĩbũyĩrĩre.

Abalawĩ 22:12

Nʼomwali wʼomũhererĩ amahĩkĩbwa nʼowʼehandĩ, siasyerya oko buhere bwʼerisumba obwʼesyonzũnzo sĩbũyĩrĩre.

Eryibuka Ebihano 24:2

Kandi omugulu amabĩlũa omo nyũmba yiwe, anganaherukira oko gundi mulume.

1 Samwelĩ 21:7

Oko kiro ekyo habya mundu muguma wʼomo bagombe ba Saũlo, oyo wakakĩrĩbawa embere syʼOmwami Mukulu; iniakahulawa mo Doegĩ Munya Edomũ, omukulu wʼabalĩsya ba Saũlo.