Abalawĩ 21:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nʼomwali wʼomũhererĩ wahi amayĩtsandya omo luteto, akahemula tata wuwe; asyahĩsĩbwa omo muliro.

Abalawĩ 21:9 Iomraidhean Croise

Enzũko 38:24

Enyũma wʼemikera ngʼĩsatu, Yũda mwabwirwa ambu, Tamarĩ mwalĩana wawe abiribya mũmalaya, nʼakandi, ni mukule omo luteto. Neryo Yũda mwabũga ati, Mũmũhũlũkaye ahĩsĩbawe.

Erĩlũayo 31:14

Neryo mwasyateya eSabato; kusangwa ĩbũyĩrĩre ũkwʼĩnywe; obuli mundu oyũkatsandayayo, kwenene asyĩtwa; kandi obuli mundu oyukakola mũbĩrĩ wahi muyo, omundu oyo asyahigwa erĩlũa omo katĩkatĩ kʼabandu buwe.

Ĩsaya 33:14

Abakola-nabi eSĩonĩ bakubaha. Nʼerititimana lyabirihamba abatekenga Nyamuhanga. Nindi ũkwʼĩtwe angatoka erĩĩkala omo muliro owakahĩsaya kwehĩ? Nindi ũkwʼĩtwe angatoka erĩĩkala haguma nʼerĩhĩsĩrĩrya lya kera na kera kwehĩ?

Ezekĩelĩ 9:6

Mwĩte ndeke abasyakulu nʼabalwana, nʼabambesa, nʼabana balere nʼabakalĩ, nĩkwa sĩmũtũle oko mundu oyuwite ekiminyikalo. Kandi mwasyatsũka ahabũyĩrĩre hage. Neryo mobatsũka oko bakulu ababya embere syʼeHekalũ.

Abalawĩ 19:29

Sũtsandaye mwalĩ wawe, erimuyira mo mũmalaya; ekihugo kikasyawa omo luteto, nʼekihugo ĩkyũsũla nʼobubi.

Abalawĩ 20:14

Omundu amahĩkya omũkalĩ na nyĩnyĩ-byala haguma, ni kibi; basyahĩsĩbwa omo muliro iye nabo; Sihabye kibi omo katĩkatĩ kenyũ.

Malakĩ 2:3

Lebaya, nasyabayira abana benyũ, kandi nasyahakabya ebise omo mũsũ wenyũ, bye biro byʼobuhere bwenyũ, nenyũ mwasyalũsĩbwaho haguma nabyo.

Eryibuka Ebihano 22:21

neryo basyahũlũkya omumbesa oyo oko lũkyo lwʼenyũmba yʼĩse wuwe, nʼabalume bʼomũyĩ wuwe basyamwĩta omo mabwe, kusangwa abirikola obũkĩrũ omo Ĩsraelĩ, eribya mũsĩngĩrĩ omo nyũmba yʼĩse wuwe; litya mwasyalũsya ebibi omo katĩkatĩ kenyũ.

Tito 1:6

Omukulu atolere iniabya butsira kahinira, abye na mũkalĩ muguma musa, nʼabana buwe babye ababĩrĩkĩrĩrya Omukama, Sibabye bʼomwaga kutse abatekenga.

Yosũa 7:15

Neryo oyo wasyabanika nʼekindu ekyo kitakĩrwe asyahĩsĩbwa omo muliro, iye nʼebyosĩ awite; kusangwa abĩrĩhalya oko ndagano yʼOmwami Mukulu, kandi kusangwa abirikola obũkĩrũ omo Ĩsraelĩ.

Yosũa 7:25

Neryo Yosũa mwabũga, ati, Ko busana nakĩ wabirituletera obũlĩge kwehĩ? Omwami Mukulu akandikuletera obũlĩge mũnabwĩre. NʼAbaĩsraelĩ bosĩ mobamwĩta omo mabwe; kandi mobamũhĩsya omo muliro, babĩmwĩta omo mabwe.

1 Samwelĩ 2:17

Nʼekibi kyʼabalwana kyabya kinene kutsibu embere syʼOmwami Mukulu kusangwa abandu mobapona obuhere bʼOmwami Mukulu.

1 Samwelĩ 2:34

Nʼekĩ kyasyabya kiminyikalo ukʼuwe, ekyasyahĩka oko bagala bawe babiri, ye Hofũnĩ na Fĩnehasĩ; ababiri bosĩ basyaholera kiro kiguma.