Abalawĩ 21:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Kandi Omwami Mukulu mwabũga na Musa ati, Ubwire abahererĩ, abana ba Harũnĩ, uti, Sihabye oyũkayĩtsandaya busana nʼekĩnda omo katĩkatĩ kʼabandu buwe;

Abalawĩ 21:1 Iomraidhean Croise

Ezekĩelĩ 44:25

Kandi sĩbasyehĩka hakũhĩ nʼekĩnda erĩyĩtsandya. Nĩkwa, banganayĩtsandya busana nʼĩse kutse nyĩnya, kutse busana nʼomugala, kutse busana nʼomwali, busana nʼomugala wabo, kutse busana nʼomwali wabo oyũtahĩkĩbwe.

Hosea 5:1

Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ.

Abalawĩ 19:28

Simusyesakanga oko mibiri yenyũ busana nʼabaholĩ, kutse eriyisaka esyonzole nʼoluguma; ĩngye indi Mwami Mukulu.

Abalawĩ 21:11

kutse siendisyasegera ahali ekĩnda, kutse erĩyĩtsandya busana nʼĩse wuwe, kutse busana na nyĩnya wuwe;

Malakĩ 2:1

Na lino ĩnywe bahererĩ, erihana erĩ ni busana nenyũ.

Malakĩ 2:4

Nenyũ mwasyaminya ko nabiribatumira erĩhano erĩ, endagano yage iyatoka eribya na Lawĩ, Omwami Mukulu Wʼemilondo atya.

Emiganzo 19:11

Nʼoyũkatũla oko kĩnda kyʼomundundi asyabya mũtsandĩrya ebiro birinda.

Emiganzo 19:14

Ekĩ kye kihano kyʼomugulu omundu akaholera omo Hema; obuli mundu oyũkahĩka omo Hema eyo, nʼobuli mundu oyuli omo Hema, basyabya batsandĩrya ebiro birinda.

Emiganzo 19:16

Nʼomundundi oyuli okolĩ amatũla oko yo wĩtawa omo mũyalĩ, kutse ekĩnda, kutse erĩkuha lyʼomundu, kutse eyisinda, asyabya mũtsandĩrya ebiro birinda.

Emiganzo 5:2

Uhane abana ba Ĩsraelĩ, bahĩre obuli muhaga eyĩhya oko kilaliriro, nʼobuli mundu oyũkwĩre ekinyaro, nʼomundundi oyuli mũtsandĩrya busana nʼabaholĩ.

Emiganzo 6:6

Ebiro byosĩ ebyo akayisolola oko Mwami Mukulu ĩsyahĩka hakũhĩ nʼekĩnda.