Abalawĩ 20:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nage nasyahĩnĩrya omundu oyo yʼobũsũ bwage, nage nasyamũlũsya omo bandu buwe; kusangwa abiriha abana buwe uku Molekĩ, erĩtsandya ahʼerĩĩkala hage, nʼerĩtsandya erĩna lyage lĩbũyĩrĩre.

Abalawĩ 20:3 Iomraidhean Croise

Erĩlũayo 30:33

Oyukasyenga awasosene nago, kutse oyũkahĩra nʼakake oko wʼehandi, asyahigwa oko bandu buwe.

Ezekĩelĩ 20:39

Omukama Iye Omwami Mukulu ati, Nĩkwa ĩnywe ekihanda kya Ĩsraelĩ, mugende, mukolere obuli mundu esyosanamu siwe, nĩkwa enyũma, mwasyanyihulikirira kwenene, nʼerĩna lyage lĩbũyĩrĩre simwendisyaswatsumalyo omo syonzũnzo syenyũ nʼomo syosanamu syenyũ.

Ezekĩelĩ 5:11

Omukama Iye Omwami Mukulu ati, Ngoko nyiriho, kwenene, kusangwa wabĩrĩhalya ahabũyĩrĩre hage omo syosanamu syawe esyo ngagalirawako, nʼomo syonye syawe syosĩ, neryo nasyakũlũako, kutse erĩso lyage siryendĩsyakũbalya, kandi Sindiendisyaganyira.

Abalawĩ 15:31

Ko mwasyagaba mutya abana ba Ĩsraelĩ oko bũtsandĩrya bwabo, bakasyahola omo bũtsandĩrya bwabo, omugulu bakatsandaya eHema yage eyiri omo katĩkatĩ kabo.

Abalawĩ 17:10

Kandi omundu wahi oyuli wʼekĩtũnga kya Ĩsraelĩ, kutse oko batasĩbwe abakabungira omo katĩkatĩ kabo oyukalya omũsĩndokĩ wʼomusasi, ngandĩsyahĩnĩa obũsũ bwage oko mundu oyukalya omusasi, nʼerimugaba oko bandu buwe.

Abalawĩ 18:21

Susyeha abana bawe uku Molekĩ erĩlabyabo omo muliro; kutse Susyetsuma erĩna lya Nyamuhanga wawe. Ĩngye indi Mwami Mukulu.

Abalawĩ 19:12

Sĩmũsyelahĩraya omo lĩna lyage nʼamabehĩ, nʼerisunata erĩna lya Nyamuhanga wawe; Ĩngye indi Mwami Mukulu.

Abalawĩ 20:4

Nʼabandu bʼekihugo ekyo bamaleka omundu oyo, omugulu akaha omwana wuwe uku Molekĩ, bati, sĩbendĩmwĩta;

Abalawĩ 21:6

Basyabya babũyĩrĩre uku Nyamuhanga wabo, nʼerĩtĩndatsandya erĩna lya Nyamuhanga wabo; kusangwa bakahera amahere oko Mwami Mukulu awakokĩbawa oko muliro, obundu bwa Nyamuhanga wabo; busana nʼekyo basyabya babũyĩrĩre.

Abalawĩ 7:20

Nĩkwa omundu oyukalya okwʼĩswĩ yʼehongo yʼamahere wʼobuholo wʼOmwami Mukulu, oyũtĩsĩrĩre, omundu oyo asyahigwa oko bandu buwe.

Abalawĩ 7:21

Nʼomugulu Omundundi akatũla oko kindu kĩtĩsĩrĩre, ekĩtowene kyʼomundu, kutse enyama ĩtowene, kutse ebyʼesyonye ebĩtĩsĩrĩre, neryo akalya oko sĩswĩ syʼehongo yʼamahere wʼobuholo, ago Mwami Mukulu, omundu oyo asyahigwa oko bandu buwe.

Emiganzo 19:13

Omundundi oyũkatũla oko kĩnda kyʼomundu ũholĩre, amatindayerya, akatasandaya ahʼerĩĩkala hʼOmwami Mukulu; nʼomundu oyo asyatahulwa oko Baĩsraelĩ; kusangwa amagetsi wʼobũtsandĩrya mwatatsatsangwa kwiye, asyabya mũtsandĩrya; obũtsandĩrya buwe bukinamuliko.

Emiganzo 19:20

Nĩkwa omundu oyũtsandĩre, ĩsĩendĩyerya oko bũtsandĩrya, omundu oyo asyagabulirwa hali oko ndeko, kusangwa abĩrĩtsandya ahabũyĩrĩre hʼOmwami Mukulu; amagetsi wʼobũtsandĩrya sialitatsatsangwa kwiye; iye nĩ mũtsandĩrya.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

1 Petero 3:12

Kusangwa ameso wʼOmwami Mukulu akatungerera abatunganene, Kandi amatwĩ wuwe akowa erisaba lyabo. Nĩkwa Omwami Mukulu akalola abakola-nabi bʼebitsule.