Abalawĩ 20:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Kandi, wasyabwira abana ba Ĩsraelĩ uti, Omundu oyuli gʼoko bana ba Ĩsraelĩ, kutse oko bʼehandi abakabungira BwʼAbaĩsraelĩ, oyukaha omwana wuwe uku Molekĩ; kwenene asyĩtwa; abʼomo kihugo basyamwĩta omo mabwe.

Abalawĩ 20:2 Iomraidhean Croise

1 Abami 11:7

Neryo Solomono mwahĩmbĩra Kemosĩ, esyonye sya Moabũ, yʼahendata, oko kitwa ekiri embere wʼeYerũsalema, nʼerĩhĩmbĩra Molekĩ, esyonye syʼabana ba Amonĩ.

2 Abami 17:17

Kandi mobalabya abagala babo nʼabali babo bʼomo muliro, kandi mobalagula mobakola nʼebyʼobũloyĩ, kandi mobayĩgũlya erikola ebyabya bibi omo meso wʼOmwami Mukulu erĩmũhĩtanĩa.

2 Abami 23:10

Kandi mwatsandya eTofetĩ, eyiri omo musya wʼabana ba Hĩnomũ, omundu siatoke erĩlabya mugala wuwe omo muliro kutse mwali wuwe busana na Molekĩ.

2 Emyatsi yʼEmigulu 28:3

Kandi mwahĩsya obukwa omo musya wʼomugala wa Hĩnomũ, kandi mwahĩsya abana buwe omo muliro, ngʼesyonye syʼebihanda ko siri, ebyo Mwami Mukulu ahiga embere syʼabana ba Ĩsraelĩ.

2 Emyatsi yʼEmigulu 33:6

Nibya mwalabya abana buwe omo muliro omo musya wa Benĩ-hĩnomũ; kandi mwabya akalagula omo myatsi yʼekyanya, kandi mwakola omo syongĩsa, nʼerilagula, mwagenda oko bʼesyombĩnga, nʼeriya oko bakũmũ; mwakola ebibi bingi omo meso wʼOmwami Mukulu, erĩmũhĩtanĩa.

Esyonyimbo 106:38

Mobĩta abandu abate ko musango, Abana babo bʼobulume nʼabʼobũkalĩ, Ngʼamahere oko syosanamu syʼeKanana; Nʼekihugo mokyatsanda busana nʼomusasi wʼerĩĩta erĩ.

Yeremĩa 32:35

Kandi mobahĩmba ahendata busana na Baalĩ, ahali omusya wʼomugala wa Hĩnomũ, erĩlabya abagala babo nʼabali babo omo muliro busana na Molekĩ, ebyo ndahanabo, kutse mokitingira omo malengekanĩa wage, bati bakakola esyonye esĩ, erĩhalĩsya Yũda.

Yeremĩa 7:31

Kandi babĩrĩhĩmba ahayĩsũmbĩre hʼeTofetĩ, ebiri omo musya wʼomugala wa Hĩnomũ, erĩhĩsya abagala nʼabali omo muliro, ekyo ndahamula, kutse mokĩtahĩka omo bũlengekanĩa bwage.

Ezekĩelĩ 20:26

Kandi monahulabo mo bandu batũnda-tũndĩre busana nʼesyonzũnzo syabo, kusangwa balabaya ehimbere hyabo hyosĩ omo muliro, inatoka eriyirabo mo kĩma, ibatoka eriminya ko ndi Mwami Mukulu.

Ezekĩelĩ 20:31

Nʼomugulu mukaha esyonzũnzo syenyũ, omugulu mũkalabaya abagala benyũ omo muliro, mũkĩnayĩtsandaya nʼesyosanamu syenyũ syosĩ erĩhĩka na mũnabwĩre kwehĩ? Nenyũ ĩnywe kihanda kya Ĩsraelĩ, mwasyanyĩbũlya kwehĩ? Omukama Iye Omwami Mukulu ati, Ngoko nyiriho, sindiendĩsyabũlĩbwa nenyũ.

Ezekĩelĩ 23:37

Kusangwa babiriteta, nʼomusasi ali omo byala byabo. Litya babiriteta esyosanamu syabo, kandi babĩrĩlabya abana babo omo muliro ngʼakalyo kʼesyosanamu, abo banyibutira.

Ezekĩelĩ 23:39

Kusangwa omugulu bĩta abana babo busana nʼesyosanamu syabo, oko kiro ekyo mobahĩka ahabũyĩrĩre hage erĩhalyaho, neryo lebaya, babirikola batya omo nyũmba yage.

Abalawĩ 17:13

Nʼomundu wahi gʼoko bana ba Ĩsraelĩ, kutse oyũtasĩbwe omo katĩkatĩ kenyũ oyukahiga enyama akahamba enyama eyo kutse enyonyũ eyangalibwa, asyũta omusasi wayo, nʼerĩkũnĩngĩrago omo lũtũtũ.

Abalawĩ 17:15

Nʼomundu wahi oyukalya ekĩnda ekikayiholera, kutse ekikatulangawa nʼesyonyama, kutse amabya embutirwa yʼeka, kutse omubunga, asyerya esyongimba siwe nʼeriyikosa omo magetsi, iniabya mũtsandĩrya erĩhĩka omwʼĩgolo-golo; neryo asyabya oyo werĩre.

Abalawĩ 17:8

Kandi wasyabwirabo uti, Omundu wahi oyuli wʼekĩtũnga kya Ĩsraelĩ, kutse abatasĩbwe abakabungira omo katĩkatĩ kabo, oyukahera obuhere bwʼerĩokererya kutse ehongo,

Abalawĩ 18:21

Susyeha abana bawe uku Molekĩ erĩlabyabo omo muliro; kutse Susyetsuma erĩna lya Nyamuhanga wawe. Ĩngye indi Mwami Mukulu.

Abalawĩ 20:1

Kandi Omwami Mukulu mwabũga na Musa ati,

Abalawĩ 20:27

Nĩkwa omulume kutse omũkalĩ, hamabya oyuli kwʼembĩnga, kutse omũkũmũ omo katĩkatĩ kabo, kwenene basyĩtwa; basyaguswa kwʼamabwe; omusasi wʼolubanza lwabo asyabya kubo.

Abalawĩ 24:14

Ũhũlũkaye oyukatsuma eyĩhya wʼekilaliriro; nʼabosĩ abamowa bahĩre ebyala byabo oko mutwe wuwe, nʼendeko yosĩ bamuguse kwʼamabwe.

Abalawĩ 24:16

Nʼoyukatsuma Erĩna lyʼOmwami Mukulu, kwenene asyĩtwa; endeko yosĩ yasyamwĩta erĩmũswĩrya omo mabwe. Amabya mubunga, kutse oyũbũtĩrwe eka, omugulu akatsuma erĩna lyʼOmwami Mukulu, asyĩtwa.

Abalawĩ 24:23

Neryo Musa mwabwira abandu ba Ĩsraelĩ; nabo mobahũlũkĩrya eyĩhya oko kilaliriro oyo watsuma, mobamwĩta erĩmũswĩrya omo mabwe. Neryo abandu ba Ĩsraelĩ mobakola ngoko Mwami Mukulu ahana Musa.

Emibiri 7:43

Mwabya mukaheka ehema ya nyamuhanga yo Molokĩ. Nʼesyosanamu syʼengũnũnũ ya nyamuhanga wenyũ Refanĩ; Syabya sanamu esyo mwabumba erĩramyasyo. Nage nasyabahũmĩrya eyisirya wʼeBabelĩ.

Eryibuka Ebihano 12:31

Simusyekolera Omwami Mukulu Nyamuhanga wawe yo mutya; kusangwa obuli nye Omwami Mukulu akagalirawa kuyo, ko babirikolera esyonyamuhanga syabo syo batya; kusangwa bakahĩsĩrĩraya omo muliro abagala abo babuta nʼabali babo babuta oko syonyamuhanga syabo.

Eryibuka Ebihano 17:2

Hamabanika omo katĩkatĩ kenyũ, omo mĩyĩ yenyũ yosĩ eyo Mwami Mukulu Nyamuhanga wenyũ akabaha, omulume kutse omũkalĩ, oyukakola ebibi omo meso wʼOmwami Mukulu Nyamuhanga wenyũ, akatwa endagano yiwe,

Eryibuka Ebihano 18:10

Simusyebanika ko mundu oyũkalabaya mugala wuwe kutse mwali wuwe omo muliro, nʼoyukakola obulagu, oyũkalagũlĩraya ebĩtũ, kutse omũkũmũ, kutse omũloyĩ,

Eryibuka Ebihano 21:21

Neryo abalume bosĩ bʼomũyĩ wuwe basyamwĩta omo mabwe; mwasyalũsya ebibi omo katĩkatĩ kenyũ; nʼAbaĩsraelĩ bosĩ basyowa, ibubaha.

Eryibuka Ebihano 22:21

neryo basyahũlũkya omumbesa oyo oko lũkyo lwʼenyũmba yʼĩse wuwe, nʼabalume bʼomũyĩ wuwe basyamwĩta omo mabwe, kusangwa abirikola obũkĩrũ omo Ĩsraelĩ, eribya mũsĩngĩrĩ omo nyũmba yʼĩse wuwe; litya mwasyalũsya ebibi omo katĩkatĩ kenyũ.