Abalawĩ 2:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ nʼebikasaka byʼobuhere bwʼeyĩsyano byasyabya bya Harũnĩ nʼabagala buwe; ni kindu kĩbũyĩrĩre kutsibu omo mahere wʼOmwami Mukulu, awakokĩbawa oko muliro.

Abalawĩ 2:3 Iomraidhean Croise

Ezera 2:63

Nʼomũtabalĩ mwabwirabo ati sibalye oko bindu ebĩbũyĩrĩre kutsibu, erĩhĩkĩra aho mũhererĩ asyahangana oyuli na Ũrĩmũ na Tũmĩmũ.

Erĩlũayo 29:37

Ebiro birinda wasyaliha embanulo busana nʼekiherero, nʼerihigulakyo; nʼekiherero kyasyabya ahabũyĩrĩre kutsibu; ekindu kyahi ekĩkasyatũla oko kiherero kyasyabya kĩbũyĩrĩre.

Ezekĩelĩ 44:29

Basyalya obuhere bwʼeyĩsyano yʼengano nʼobuhere bwʼebibi, nʼobuhere bwʼolubanza, kandi obuli kindu ekyahigulawa omo Ĩsraelĩ kyasyabya kyabo.

Ezekĩelĩ 46:20

Neryo mwambwira ati, Hano hʼabahereri basyahũka obuhere bwʼolubanza nʼobuhere bwʼebibi, nʼaho basyokya obuhere bwʼeyĩsyano yʼengano, isibaletago eyĩhya omo kibuga kyʼeyĩhya erĩlabya obũbũyĩrĩre oko bandu.

Abalawĩ 10:15

Basyaleta ekihinga kyʼerisumba nʼekĩkũba kyʼerĩhũnga-hũngya haguma nʼamahere awakokĩbawa omo muliro oko magabo wʼebĩsabũ, eriretabyo busana nʼobuhere bwʼerĩhũnga-hũngya embere syʼOmwami Mukulu; kandi lyasyabya ĩgabo lyawe, nʼabagala bawe haguma, ebiro byosĩ; ngoko Mwami Mukulu abirihana.

Abalawĩ 14:13

Neryo asyakera akabangale aho bakakerera obuhere bwʼebibi nʼobuhere bwʼerĩokererya, ahabũyĩrĩre; kusangwa ngoko buhere bwʼebibi ni bʼomũhererĩ, obuhere bwʼolubanza ko bune butya, bũbũyĩrĩre kutsibu.

Abalawĩ 2:10

Nʼobukasaka oko buhere bwʼeyĩsyano nʼengano, bwasyabya bwa Harũnĩ nʼabagala buwe; ni kindu kĩbũyĩrĩre kutsibu ekyʼomo mahere wʼOmwami Mukulu awakokĩbawa oko muliro.

Abalawĩ 21:22

Anganalya akalyo ka Nyamuhanga wuwe, oko kabũyĩrĩre kutsibu, nʼoko kabũyĩrĩre.

Abalawĩ 5:13

Nʼomũhererĩ asyamũsanganĩa busana nʼekibi kiwe ekyo abirikola omo myatsi yosĩ eyĩ, naye asyabuyirwa; nʼebiryasaka byasyabya byʼomũhererĩ, ngʼobuhere bwʼeyĩsyano yʼengano.

Abalawĩ 6:26

Omũhererĩ oyukaherererabo busana nʼebibi asyalyabo; bwasyalibwa omo mwanya wʼahabũyĩrĩre, omo kibuga kyʼeHema yʼerĩhĩndanamo.

Abalawĩ 6:9

Uhane Harũnĩ nʼabagala buwe, uti, Erĩ niʼhana lyʼobuhere bwʼerĩokererya; obuhere bwʼerĩokererya bwasyabya endata oko lĩko oko kiherero omo kiro kyosĩ erĩhĩka omo ngyakya; nʼomuliro wʼekiherero asyasĩnganĩbwa ĩsĩalĩma.

Abalawĩ 7:7

Ngoko buhere bwʼebibi buli, nʼobuhere bwʼolubanza ko bune butya; ekihano kyago ni kiguma; omũhererĩ oyukaliha embanulo mubo yo wasyĩmyabo.

Abalawĩ 7:9

Nʼobuli buhere bwʼerĩokererya obũkotsĩrye oko luyo, nʼebyosĩ bĩkakotsĩbawa oko luyo lwʼekisanzali, nʼoko luyo lwʼerĩgũmbĩka, byasyabya byʼomũhererĩ ulyaherabyo.

Emiganzo 18:9

Ebĩ byasyabya byawe oko syonzũnzo sĩbũyĩrĩre kutsibu, esikabikawa oko syʼomuliro; obuli hongo yabo, obuli buhere bwʼeyĩsyano bwabo bwʼengano, nʼobuli buhere bwʼebibi, nʼobuli buhere bwʼolubanza, ago basyamba, asyabya abũyĩrĩre kutsibu busana nawe na busana nʼabagala bawe.

1 Samwelĩ 2:28

Kandi mondayisoga ye omo bihanda byosĩ bya Ĩsraelĩ eribya mũhererĩ wage, erihetuka oko kiherero kyage, nʼerĩhĩsya obukwa, nʼeriambala eefodĩ embere syage kwehĩ? Kandi mondaha ekĩtũnga kya tata wawe kyʼamahere gosĩ wʼabana ba Ĩsraelĩ awakayirawa omo muliro kwehĩ?