Abalawĩ 19:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Simubindukire esisumba, kutse erĩyĩkokoterya esyonyamuhanga esĩnũnĩrye; Ĩngye indi Mwami Mukulu Nyamuhanga wenyũ.

Abalawĩ 19:4 Iomraidhean Croise

1 Abami 14:9

Nĩkwa wabirikola ebibi kwilaba abosĩ ababya embere syawe, wabiriyayĩkokoterya esindi nyamuhanga nʼesyosanamu syʼerĩnũnĩa, erĩnyĩhĩtanĩa, kandi wabirinyigusa enyũma syawe.

1 Emyatsi yʼEmigulu 16:26

Kusangwa esyonyamuhanga syosĩ syʼabandu ni sanamu. Nĩkwa Omwami Mukulu mwahangika amatũkũ.

2 Emyatsi yʼEmigulu 28:2

Nĩkwa mwagendera omo syonzira syʼabami ba Ĩsraelĩ, nibya mwahesa esyosanamu syʼerĩnũnĩa busana na Baalĩ.

Esyonyimbo 96:5

Esyonyamuhanga syʼebindi bihanda ni sanamu buyira, Nĩkwa Omwami Mukulu mwahangika olubula.

Erĩlũayo 20:23

Simusyeyikolera esindi nyamuhanga erĩramyasyo haguma nage; esyonyamuhanga syʼekĩtsĩpa, kutse esyonyamuhanga syʼesyamagetsi, simuyikoleresyo.

Erĩlũayo 32:4

Naye mwĩmyasyo omo byala byabo, mwakokotyasyo omo ngarwe, mwayirasyo ngʼekyana kyʼende akahesayo; neryo mobabũga bati, Esĩ ni nyamuhanga syawe, uwe Ĩsraelĩ, esyabalũsaya omo kihugo kyʼeMĩsĩrĩ.

Erĩlũayo 34:17

Susyeyiyirira esyonyamuhanga syʼerĩnũnĩa.

Abalawĩ 11:44

Kusangwa ĩngye indi Mwami Mukulu Nyamuhanga wenyũ. Neryo muyihigule, mubye babũyĩrĩre; kusangwa indi mũbũyĩrĩre. Kandi sĩmũsyeyĩtsandaya omo muhandakĩ wʼekindu ekikakululuka oko kitaka.

Abalawĩ 19:25

Nʼoko mwaka wʼakatanu mwasyalya oko bĩgũma byayo, iyatoka eribahetera erikanya lyayo. Ĩngye indi Mwami Mukulu Nyamuhanga wenyũ.

Abalawĩ 19:5

Kandi omugulu mukahera ehongo yʼamahere wʼobuholo oko Mwami Mukulu, mwasyaherayo imwatoka erĩrĩgwa.

Abalawĩ 26:1

Simuyikolere esyosanamu, kutse sĩmũyĩhanganĩraye omuhimba owabatsĩrwe, kutse endũyĩ, kutse sĩmũsyehĩra erĩbwe erĩtĩka-tĩkĩrye omo kihugo kyenyũ, erĩũnamiralyo; kusangwa indi Mwami Mukulu Nyamuhanga wenyũ.

Hagaĩ 2:18

Ngabalemba-lemba, mũganĩraye, erĩtsũka mũnabwĩre nʼebiro byabirilaba, erĩtsũka ekiro kyʼamakũmĩ abiri nʼebini kyʼomukera wʼomwenda, erĩtsũka ekiro ekibanza kyʼeHekalũ yʼOmwami Mukulu kyahandawa, mũganĩrayekyo.

1 AbanyaKorinto 10:14

Neryo abanze betu, musage erisaba esyosanamu.

Eryibuka Ebihano 27:15

Omundu oyũkakokotaya esanamu yʼeribatsa kutse eyʼerĩnũnĩa, atakirawe, ni nye oko Mwami Mukulu, omũbĩrĩ wʼebyala byʼomũgotolĩ, kandi akasingikayo omo bũbĩso-bĩso. Nʼabandu bosĩ basyasũbĩrya bati, Amina.

Eryibuka Ebihano 4:16

mũkasyayĩtsandya nʼeriyiyirira esyosanamu esĩbatsĩre ngʼomubiri wʼekindu kyahi, ekĩsosekanĩo kyʼobulume kutse kyʼobũkalĩ,

Eryibuka Ebihano 7:25

Mwasyahĩsya esyosanamu esĩbatsĩrwe syʼesyonyamuhanga syabo omo muliro; sĩmũsyeyĩtsũtsa ebĩtsĩpa kutse esyamagetsi ebiri kusyo, kutse erĩyĩmĩryabyo, mukasyategwa mubyo; kusangwa ni byʼesyonye oko Mwami Mukulu Nyamuhanga wenyũ.

1 Yoane 5:21

Ĩnywe bana bage, mũyĩtegaye oko syonyamuhanga syʼamabehĩ.