Abalawĩ 19:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Obuli mundu asyakenga nyĩnya wuwe nʼĩse wuwe; mwasyateya esyo Sabato syage; Ĩngye indi Mwami Mukulu Nyamuhanga wenyũ.

Abalawĩ 19:3 Iomraidhean Croise

Enzũko 48:12

Neryo Yosefũ mwalũsyabo omo katĩkatĩ kʼamarwĩ wuwe. Mũnamĩrya obũsũ buwe bʼoko kitaka.

Nehemĩa 9:14

Mowamĩnyĩsyabo eSabato yawe ĩbũyĩrĩre, nʼeritegekerabo, ebihano, nʼamahamulo nʼemigambo, omo byala bya Musa omugombe wawe.

Erĩlũayo 16:29

Mũlebaye ko Mwami Mukulu abiribaha eSabato, busana nʼekyo akabaha oko kiro kyʼendatu obundu bwʼebiro bibiri; mwĩkale obuli mundu aho wuwe, Sihabye mundu oyũkalũa aho wuwe ekiro kyʼebirinda.

Erĩlũayo 20:12

Ukenge tata wawe na koyo wawe, ebiro byawe bitoke eribya bingi omo kihugo ekyo Mwami Mukulu Nyamuhanga wawe akakuha.

Erĩlũayo 20:8

Wibuke ekiro kyʼeSabato, erihigulakyo mo kĩbũyĩrĩre.

Erĩlũayo 21:15

Nʼoyũkaswĩraya tata wuwe, kutse koyo wuwe, kwenene asyĩtwa.

Erĩlũayo 21:17

Nʼoyukatsuma tata wuwe kutse koyo wuwe, kwenene asyĩtwa.

Emĩsyo 1:8

Mugala wage, uhulikirire erĩkangĩrĩrya lya tata wawe, Sũsĩganaye erihana lya koyo wawe.

Emĩsyo 23:22

Uhulikirire tata wawe oyo wakubuta, Kandi supone koyo wawe omugulu ali mukekulu.

Emĩsyo 30:11

Hali olulengo olukatsuma abĩse wabo. Nʼabatetsumula abonyĩnya wabo.

Emĩsyo 30:17

Erĩso erikaseka ĩse, Nʼeripona erĩowa nyĩnya, Ebikororo byʼomusya byasyakulalyo, Nʼebyana byʼamasamba byasyalyalyo.

Ĩsaya 58:13

Wamakĩtya ekisando kyawe busana nʼeSabato, eritindakola ebĩkakũtsemesaya oko kiro kyage kĩbũyĩrĩre, igukahula eSabato mo butseme, nʼekĩbũyĩrĩre kyʼOmwami Mukulu mo kyʼerikengwa. Inũkasĩkayakyo, butsira erikola emitsye yawe, kutse erisonda-sonda ebĩkakũtsemesaya, kutse erĩbũga ebĩnywa byawe bisa.

Ezekĩelĩ 20:12

Kandi monahabo esyo Sabato syage nibya eribya kiminyikalo omo katĩkatĩ kabo nage, ibatoka eriminya ko ndi Mwami Mukulu oyukahigulabo.

Abalawĩ 11:44

Kusangwa ĩngye indi Mwami Mukulu Nyamuhanga wenyũ. Neryo muyihigule, mubye babũyĩrĩre; kusangwa indi mũbũyĩrĩre. Kandi sĩmũsyeyĩtsandaya omo muhandakĩ wʼekindu ekikakululuka oko kitaka.

Abalawĩ 19:25

Nʼoko mwaka wʼakatanu mwasyalya oko bĩgũma byayo, iyatoka eribahetera erikanya lyayo. Ĩngye indi Mwami Mukulu Nyamuhanga wenyũ.

Abalawĩ 19:30

Mwasyateya esyo Sabato syage, nʼerikenga eHema yage; Ĩngye indi Mwami Mukulu.

Abalawĩ 19:31

Simubindukire abʼesyombĩnga, kutse abakũmũ; simusonda-sondayebo, mũkasyatsandĩbwa nabo. Ĩngye indi Mwami Mukulu Nyamuhanga wenyũ.

Abalawĩ 19:34

Owʼehandi oyukakubungira omo katĩkatĩ kenyũ abye kwĩnywe ngʼoyũbũtĩrwe eka omo katĩkatĩ kenyũ, wasyamwanza nga we; kusangwa nenyũ mwabya babunga omo kihugo kyʼeMĩsĩrĩ. Ĩngye indi Mwami Mukulu Nyamuhanga wenyũ.

Abalawĩ 23:3

Omũbĩrĩ asyakolwa ebiro ndatu; nĩkwa oko kiro kyʼakalinda ni Sabato yʼeriluhuka ndeke; nĩ ʼhĩndana lĩbũyĩrĩre. Susyekola omũbĩrĩ nʼomuke; ni Sabato oko Mwami Mukulu aho mwĩkere ehosĩ.

Abalawĩ 26:2

Mwasyateya esyo Sabato syage, nʼerikenga ahʼerĩĩkala habũyĩrĩre hage; ĩngye indi Mwami Mukulu.

Malakĩ 1:6

Omugala akasĩkaya tata wuwe, nʼomugombe akasĩkaya omukama wuwe. Neryo namabya indi tata, erĩsĩkĩbwa lyage liri hahi kwehĩ? Kandi namabya indi mukama, erinyikenga liri hahi kwe­hĩ? Omwami Mukulu Wʼemilondo akabũga nʼĩnywe bahererĩ abakapona erĩna lyage, Nenyũ muti, Tukapona erĩna lyawe umu kyahi kwehĩ?

Eryibuka Ebihano 27:16

Oyukapona ĩse wuwe kutse nyĩnya wuwe atakirawe. Nʼabandu bosĩ basyabũga bati, Amina.

Eryibuka Ebihano 5:16

Ũsĩkaye tata wawe na koyo wawe, ngoko Mwami Mukulu Nyamuhanga wawe abahana, ebiro byawe bibane erikanya, emyatsi yawe itoke erĩowana omo kihugo ekyo Mwami Mukulu Nyamuhanga akabaha.

AbaEbrania 12:9

Kandi twabya nʼabotata wetu bʼekihugo ibakatukunga, netu motwakengabo. Sĩtwangowa kwilaba aho Tata wʼebĩrĩmũ byetu, itwabyaho kwehĩ?