Abalawĩ 18:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo mwasyabika emigambo yage, nʼerihamula lyage; omundu amakolabyo, asyabyaho busana nabyo; Ĩngye indi Mwami Mukulu.

Abalawĩ 18:5 Iomraidhean Croise

Nehemĩa 9:29

Kandi mowahanabo, iwatoka erĩsũbyabo kandi oko migambo yawe. Nĩkwa mobakola omwʼĩyĩhamya, mobatahulikirira erihana lyawe, nĩkwa mobakola nabi oko nzwere syawe esyo mundu amakolasyo iniabyaho musyo, mobasumba ebitigo, nʼerĩkalya ebĩkya byabo, mobatanza erĩowa.

Erĩlũayo 6:2

Neryo Nyamuhanga mwabũga na Musa, mwamubwira ati, ĩngye, indi Mwami Mukulu;

Erĩlũayo 6:29

Omwami Mukulu mwabũga na Musa, ati, Ĩngye indi Mwami Mukulu: Ubwire Farao Omwami wʼeMĩsĩrĩ ebyosĩ ngakubwira.

Erĩlũayo 6:6

Neryo Ubwire abana ba Ĩsraelĩ uti, ĩngye indi Mwami Mukulu, nasyabalũsya omo miheke yʼAbanya Mĩsĩrĩ, nasyabalũsya omo bukobe bwabo, kandi nasyabatongolya omo kuboko kũyĩsũmbĩre, nʼeritswera lĩnene.

Ĩsaya 55:3

Mutege amatwĩ wenyũ, mwase kwĩngye. Muhulikirire, mutoke eribyaho. Nage nasyayira endagano ya kera na kera haguma nenyũ, ngʼeriganyira literegula eryalagawa uku Dawĩdĩ.

Ezekĩelĩ 18:9

amakwama ebihano byage, nʼerĩteya eritswera lyage, eritendiregula. Iye atunganene, asyabyaho kũndũ, Omukama Iye Omwami Mukulu atya.

Ezekĩelĩ 20:11

Kandi monahabo ebihano byage, nʼerĩkangyabo eritswera lyage, eryo mundu amakolalyo, iniabyaho.

Ezekĩelĩ 20:13

Nĩkwa ekihanda kya Ĩsraelĩ mokyanyihonako omo mbwarara. Mobatalendera omo bihano byage, kandi mobagana eritswera lyage, ebyo mundu amakolabyo iniabyaho busana nabyo, nʼesyo Sabato syage mobatsumasyo kutsibu. Neryo monabũga nyiti ngandĩũtũlĩra kubo kwʼerihitana lyage omo mbwarara, eribugabo.

Ezekĩelĩ 20:21

Nĩkwa abana mobanyihonako. Mobatalendera omo bihano byage, kutse mobatabika eritswera lyage, erikolabyo, omundu amakolabyo iniabyaho. Mobatsuma esyo Sabato syage. Neryo monabũga nyiti ngandĩũtũlĩra kubo erihitana lyage, erĩberererya erihitana lyage lyo kubo omo mbwarara.

Abalawĩ 18:6

Sihabye ũmwʼĩnywe oyũkĩmaya owʼekĩtũnga kiwe, eriswikula endũmbũ yiwe; Ĩngye indi Mwami Mukulu.

Malakĩ 3:6

Kusangwa, Ĩngye Mwami Mukulu, sindibinduka; kikaleka ĩnywe bagala ba Yakobo ĩmũtaherĩbwa.

Matayo 19:17

Nĩkwa Yesu mwamubwira ati, Busana nakĩ ukanyĩbũlaya busana nʼebibuya kwehĩ? Hali Muguma musa yona mubuya; nĩkwa wamanza eriingira omo ngebe, ũtegaye ebihano.

Luka 10:28

Yesu mwamũsũbĩrya ati, Wabĩrĩsũbĩrya ndeke; Ukole utya, wasyabyaho.

AbanyaRoma 10:5

Kusangwa Musa mwasaka omwatsi wʼerĩtũngananĩbwa busana nʼerikwama Emigambo ati omundu oyukakolayo asyabyaho omwʼitunganana lyayo.

AbanyaRoma 7:10

Nʼekihano ekyahĩrawa busana nʼerireta engebe, mokyanyiretera oluholo.

AbanyaGalatia 3:12

Nĩkwa Emigambo siyirihangana okwʼĩkĩrĩrya, nĩkwa kĩsakĩre kiti, Oyukakola Emigambo asyabyaho busana nayo.

Eryibuka Ebihano 30:20

erianza Omwami Mukulu Nyamuhanga wenyũ, erĩowa omulenge wuwe, nʼerimumakirira; kusangwa eyĩ ni ngebe yenyũ, nʼobungi bwʼebiro byenyũ; imwatoka erĩĩkala omo kihugo ekyo Mwami Mukulu alahĩrĩraya abotata-kulu wenyũ, uku Abrahamũ, nʼuku Ĩsaka, nʼuku Yakobo, eriha kyobo.

Eryibuka Ebihano 30:6

Kandi Omwami Mukulu Nyamuhanga wenyũ asyabanĩa emitima yenyũ, nʼemitima yʼabana benyũ erianza Omwami Mukulu Nyamuhanga wenyũ nʼomutima wenyũ gosĩ, nʼekĩrĩmũ kyenyũ kyosĩ, imwatoka eribyaho.

Eryibuka Ebihano 4:1

Na lino, uwe Ĩsraelĩ, uhulikirire emigambo, nʼebilayiro, ebyo ngabakangĩrĩraya erikolabyo; imwabyaho, nʼeriingira nʼerĩsĩgalya ekihugo ekyo Mwami Mukulu Nyamuhanga wʼabotata-kulu wenyũ, akabaha.