Abalawĩ 17:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kyangaleka abana ba Ĩsraelĩ ibatoka erireta esyohongo syabo esyo babya bakakerera omolĩ, kandi ibatoka eriretabyo oko Mwami Mukulu, oko lũkyo lwʼeHema yʼerĩhĩndanamo, oko mũhererĩ, nʼerikerabyo busana nʼesyohongo syʼamahere wʼobuholo oko Mwami Mukulu.

Abalawĩ 17:5 Iomraidhean Croise

Enzũko 21:33

Neryo Abrahamũ mwahera omuti wʼomũeserĩ eBerĩseba, nʼaho mwabirikiriraho erĩna lyʼOmwami Mukulu, Nyamuhanga Wʼerikota.

Enzũko 22:13

Neryo Abrahamũ mwasumba ameso wuwe, mwalebya, neryo habya, enyũma siwe embangale ĩnĩnagobenĩe amahembe wayo gʼomo kisaka. Neryo Abrahamũ mwayĩmya embangale, mwaherayo oko buhere bwʼerĩhĩsĩrĩrya moyabya hongo ya mugala wuwe.

Enzũko 22:2

Neryo mwabũga ati, Lino wĩmaye mugala wawe, ekyusa kyawe, oyo wanzĩre, ye Ĩsaka, uyigendere omo kihugo kyʼeMorĩa, umuherereho oko buhere bwʼerĩhĩsĩrĩrya oko kitwa kiguma ekyo nasyakubwira.

Enzũko 31:54

Na Yakobo mwahera obuhere oko kitwa, mwabirikira bagala babo erirya akalyo, neryo mobalya, mobasibayo nʼerigotserayo omo kitwa.

1 Abami 14:23

Kusangwa mobayĩhĩmbĩra ahendata, nʼesyondũyĩ sĩbũyĩrĩre, na Aserĩmũ, endata oko buli kitwa kiri, nʼoko ndĩna yʼobuli muti mubisi;

1 Abami 3:2

Nĩkwa abandu ibakinahongera ahendata, kusangwa ĩsĩhahĩmbĩre enyũmba busana nʼerĩna lyʼOmwami Mukulu erĩhĩka oko biro ebyo.

1 Abami 3:3

Na Solomono mwanza Omwami Mukulu, iniakalendera omo migambo ya tata wuwe Dawĩdĩ; nĩkwa mwahonga nʼerĩhĩsĩrya obukwa bwʼahʼendata.

2 Abami 16:4

Kandi mwahonga obuhere nʼerĩhĩsĩrya obukwa oko hendata, nʼoko bitwa, nʼoko ndĩna yʼobuli muti mubisi.

2 Abami 17:10

kandi mobayisingikira esyondũyĩ nʼesyosanamu sya Asera oko buli kitwa kiri, nʼomo ndĩna yʼobuli muti mubisi;

2 Emyatsi yʼEmigulu 28:4

Mwahonga obuhere, nʼerĩhĩsya obukwa oko hendata, nʼoko bitwa, nʼoko ndĩna yʼobuli muti mubisi.

Erĩlũayo 24:5

Neryo mwatuma abalwana ba Ĩsraelĩ, abahera amahere wʼerĩokererya, nʼerihera amahere wʼobuholo awʼesyonde oko Mwami Mukulu.

Ezekĩelĩ 20:28

Omugulu namabiretabo omo kihugo ekyo nalahĩraya eriha kyobo, neryo mobasamalira obuli kitwa kiri, nʼobuli muti wʼebikoma, nʼaho mobahonga esyohongo syabo, nʼeyo mobahererya ehongo yabo yʼerĩagalĩranĩa. Nʼaho mobakola ekikakumba ndeke, nʼaho mobũta amahere wabo wʼerĩpũlya.

Ezekĩelĩ 22:9

Abakalega abandu bo nabi babiribya omwisi wawe busana nʼerĩũta omusasi. Nʼomwisi wawe babiririra oko hendata hʼebitwa. Babirikola emĩbĩrĩ yʼoluteto.

Ezekĩelĩ 43:27

Neryo omugulu bamabĩberererya ebiro, kyasyabya oko kiro kyʼomunani nʼenyũma wʼaho, abahererĩ basyahera amahere wenyũ wʼerĩokererya oko kiherero, nʼamahere wenyũ wʼobuholo. Nage nasyabalĩga, Omukama Iye Omwami Mukulu atya.

Ezekĩelĩ 44:15

Nĩkwa abahererĩ Abalawĩ, abagala ba Zadokĩ, abategaya ahabũyĩrĩre hage omugulu abana ba Ĩsraelĩ banyitswako, basyanyisegerako erinyikolera. Basyahangana embere syage erinyiherera ebĩsabũ nʼomusasi, Omukama Iye Omwami Mukulu atya.

Abalawĩ 17:4

isialitaletayo oko lũkyo lwʼeHema yʼerĩhĩndanamo erihererayo ngʼobuhere oko Mwami Mukulu embere syʼeHema yʼOmwami Mukulu; olubanza lwʼomusasi lwasyaganzirwa oko mundu oyo; abĩrĩũta omusasi; omundu oyo asyahigwa oko bandu buwe.

Abalawĩ 17:6

Nʼomũhererĩ asyatsatsangira omusasi oko kiherero kyʼOmwami Mukulu oko lũkyo lwʼeHema yʼerĩhĩndanamo, nʼerĩokererya ebĩsabũ busana nʼekikumbo kĩsĩhĩre busana nʼOmwami Mukulu.

Eryibuka Ebihano 12:2

Kwenene mwasyaherya ehosĩ aho ebihanda ebyo mwasyasingula bakolera esyonyamuhanga syabo, oko bitwa biri-biri, nʼoko hitwa, nʼomo ndĩna yʼobuli muti mubisi.