Abalawĩ 17:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Kusangwa engebe yʼomubiri iri omo musasi; nage nabiribahago oko kiherero eririha embanulo yʼemitima yenyũ; kusangwa ni musasi owakaliha embanulo busana nʼengebe eyo.

Abalawĩ 17:11 Iomraidhean Croise

Enzũko 9:4

Nĩkwa Simusyerya enyama ĩtalwĩre mʼomusasi, kusangwa go ngebe yayo

Abalawĩ 1:5

Naye asyĩta enume eyo embere syʼOmwami Mukulu; nʼabagala ba Harũnĩ, abahererĩ basyaleta omusasi hakũhĩ, nʼeritsatsangago oko kiherero erĩtĩmbyago ehosĩ aho oko lũkyo lwʼeHema yʼerĩhĩndanamo.

Abalawĩ 16:11

Neryo Harũnĩ asyaleta enume yʼende yʼobuhere bwʼebibi busana naye, kandi asyayirihira embanulo busana nʼekĩtũnga kiwe, neryo asyakera enume eyo yʼobuhere bwʼebibi, busana naye.

Abalawĩ 17:12

Kyaleka inabwira abana ba Ĩsraelĩ nyiti, Sihabye mundu ũkwʼĩnywe oyo wasyalya omusasi, kutse Sihabye oyũtasĩbwe oyukabungira omo katĩkatĩ kenyũ oyo wasyalya omusasi.

Abalawĩ 17:14

Kusangwa engebe yʼomubiri gosĩ go musasi wago, kyaleka inabwira abana bosĩ ba Ĩsraelĩ, nyiti, Simusyerya omusasi wʼomũsĩndokĩ wʼenyama kusangwa engebe yʼomubiri gosĩ go musasi, nʼoyukalyago asyahigwa.

Abalawĩ 4:25

Nʼomũhererĩ asyĩmya oko musasi wʼobuhere obo bwʼebibi omo munwe wuwe, nʼerĩhĩrago oko mahembe wʼekiherero kyʼobuhere bwʼerĩokererya; kandi asyũta omusasi wayo gʼomo ndĩna yʼekiherero kyʼobuhere bwʼerĩokererya.

Abalawĩ 4:26

Kandi asyahĩsĩrya ebĩsabũ byayo byosĩ oko kiherero, ngʼebĩsabũ byʼehongo yʼamabere wʼobuholo; nʼomũhererĩ asyamũsanganĩa omo mbanulo busana nʼebibi biwe, naye iniabuyirwa.

Abalawĩ 8:15

Neryo Musa mwĩtayo; kandi Musa mwĩmya omusasi, mwahĩrago oko mahembe wʼekiherero nʼerĩtĩmbyago ehosĩ omo munwe wuwe, mwahotsya ekiherero. Neryo mũta omusasi gʼomo ndĩna yʼekiherero, nʼerĩhotsyakyo, nʼeririha embanulo busana nakyo.

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Matayo 26:28

Kusangwa oyũ ni musasi wage, omusasi wʼendagane, omusasi wage owakũtawa busana nʼabangi, busana nʼeribuyira ebibi.

Mariko 14:24

Neryo Yesu mwabwirabo ati, Oyũ ni musasi wage wʼendagane owakũtawa busana nʼabandu bangi.

AbanyaRoma 3:25

Kusangwa Nyamuhanga mwatuma Yesu Kristo erĩũta omusasi wuwe eribya mbanulo busana nʼabandu abakĩkĩrĩraya. Nyamuhanga mwamutuma busana nʼerĩkangya ngoko akatũngananaya abandu. Kusangwa Nyamuhanga mwalindirira, mwakĩrũkya ameso oko bibi ebyakolawa kera;

AbanyaRoma 5:9

Neryo twamabya twabiriyirwa mo batunganene busana nʼomusasi wuwe, neryo kwilaba aho, Kristo asyatũlamya okwʼihitana lya Nyamuhanga.

AbanyaEfeso 1:7

Kusangwa twabĩrĩtongolĩbwa omo musasi wa Kristo, kandi abiritubuyira amalolo wetu. Kwenene olukogo lwa Nyamuhanga ni lunene,

Eryibuka Ebihano 12:23

Ekiguma muminye Simusyerya omusasi; kusangwa omusasi ni ngebe; kandi Simusyerya engebe haguma nʼomubiri.

AbanyaKolosai 1:14

Kristo abĩrĩtũtongolya nʼeritubuyira ebibi byetu.

AbanyaKolosai 1:20

Neryo Nyamuhanga mwayisoha ati Kristo asanganaye emyatsi yosĩ ukwʼiye, emyatsi yosĩ omo lubula, nʼeyiri oko kihugo. Kristo mũta omusasi wuwe oko musalaba erituletera Obuholo.

AbaEbrania 13:12

Neryo Yesu nibya mwagalwa eyĩhya oko lũkyo lwʼomũyĩ, iniatoka erihigula abandu omo musasi wuwe ĩgowene.

AbaEbrania 9:22

Kandi omo myatsi yʼEmigambo, hakũhĩ nʼebindu byosĩ, bĩkerĩbawa omo musasi, kandi ebibi sibyebuyirawa ahate erĩũtĩka lyʼomusasi.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,