Abalawĩ 16:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Asyambala erĩkotĩ ribũyĩrĩre lyʼekĩtanĩ, asyabya nʼakaputula kʼekĩtanĩ oko mubiri, kandi asyakũndĩkwa omukoba wʼekĩtanĩ, kandi asyambalĩbwa akakwa kʼekĩtanĩ; ni ngimba sĩbũyĩrĩre; asyakosa omubiri wuwe omo magetsi neryo iniambalasyo.

Abalawĩ 16:4 Iomraidhean Croise

Erĩlũayo 28:2

Wasyakokoterya Harũnĩ mugala wenyũ, esyongimba sĩbũyĩrĩre, busana nʼolukengerwa na busana nʼerĩyĩsũga.

Erĩlũayo 29:4

Kandi wasyaleta Harũnĩ nʼabagala buwe oko lũkyo lwʼeHema yʼerĩhĩndanamo, iwakosabo omo magetsi.

Erĩlũayo 30:20

Omugulu bakingira omo Hema yʼerĩhĩndanamo, ibanaba magetsi, sibahole; kutse omugulu bakasa hakũhĩ nʼekiherero erikola, erĩlũsya obuhere obukayirawa omo muliro busana nʼOmwami Mukulu.

Erĩlũayo 40:12

Kandi wasyaleta Harũnĩ nʼabagala buwe oko lũkyo lwʼeHema yʼerĩhĩndanamo, wasyakosabo omo magetsi.

Ĩsaya 53:2

Kusangwa mwakulira embere siwe ngʼekiti kyolo-kyolo, kandi ngʼomũlĩhĩ omo kitaka kyũmĩre. Siawite omubiri atendere kutse erĩkangabasanĩa lyʼOmwami erikaleka itwamulolako. Kandi siawite olulangiro olukaleka itwamwanza.

Ezekĩelĩ 44:19

Nʼomugulu bakahuluka omo kibuga kyʼeyĩhya, kye kibuga kyʼeyĩhya oko bandu, basyambula esyongimba syabo esyo bakakoleramo, nʼeribikasyo omo byumba bĩbũyĩrĩre. Ibambala esindi ngimba, sibatwalire abandu ekĩbũyĩrĩre omo syongimba syabo.

Ezekĩelĩ 9:2

Neryo lebaya, abandu ndatu mobasa bakahuluka omo nzira yʼolũkyo lwʼendata, olũlolĩre ebwanga bwʼelutambi lwʼendata, obuli mundu nʼekindu kiwe kyʼerĩĩta omo byala biwe. Omundu muguma omo katĩkatĩ kabo iniambite omusohe wʼekĩtanĩ, iniawite engunza yʼerisaka ebarua hakũhĩ nʼembindi yiwe. Neryo mobingira mobahangana hakũhĩ nʼekiherero kyʼomulinga.

Abalawĩ 16:23

Na Harũnĩ asyingira omo Hema yʼerĩhĩndanamo, asyambula esyongimba syʼekĩtanĩ, esyo ambala omugulu ingira ahabũyĩrĩre, neryo asyasĩga syoho.

Abalawĩ 16:24

Kandi asyakosa omubiri wuwe omo magetsi ahabũyĩrĩre, nʼeriambala esyongimba siwe, nʼerihuluka nʼerihera obuhere buwe bwʼerĩokererya nʼobuhere bwʼerĩokererya obwʼabandu, nʼeriyirihira embanulo, na busana nʼabandu.

Abalawĩ 16:32

Nʼomũhererĩ oyo wahakabĩbawa, nʼoyo wabirihigulwa eribya mũhererĩ omo mwanya wʼĩse wuwe, asyayira eririha embanulo eyo, kandi asyambala esyongimba esyʼekĩtanĩ, sye syongimba sĩbũyĩrĩre.

Abalawĩ 6:10

Nʼomũhererĩ asyambala olukimba luwe lwʼekĩtanĩ, kandi asyambala ehipitula hyʼekĩtanĩ; kandi asyakuka erĩbũ eryo muliro aliahĩsaya omo buhere bwʼerĩokererya oko kiherero, nʼerĩhĩralyo oko mũsĩke wʼekiherero.

Abalawĩ 6:3

kutse akabana ekiryatala akateba mukyo, ĩnĩalahĩrya omo mabehĩ, omo myatsi yosĩ eyo mundu akakola, iniakakola ebibi muyo;

Luka 1:35

Nʼomũlaĩka mwamũsũbĩrya ati, Omũlĩmũ Abũyĩrĩre asyakũhĩkako, nʼobũtokĩ bʼOwendata Kutsibu bwasyakũsũkũlĩrya; busana nʼomwatsi oyo, omwana abũyĩrĩre oyo wasyabuta asyahulwa mo Mugala wa Nyamuhanga.

AbanyaFilipi 2:7

Nĩkwa mwayĩtũtũla olukengerwa luwe, mwayiyira ngʼomugombe, mwabutwa ngʼabandu, mwaminyikala omo kĩsosekanĩo kyʼomundu.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

AbaEbrania 2:14

Neryo kusangwa abana ni bandu bʼomubiri nʼomusasi, Yesu ĩyowene mwĩmya omubiri nʼomusasi ngʼabo. Mwakola atya iniatoka omo luholo luwe erĩherya Satanĩ oyo wabya nʼobũtokĩ bwʼoluholo.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.