Abalawĩ 16:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo Omwami Mukulu nwabũga na Musa ati, Ubwire Harũnĩ mugala wenyũ, uti syingire emigulu yosĩ omo mwanya wʼahabũyĩrĩre enyũma wʼolukimba olũkasũkũlĩraya embere wʼekĩtũmbĩ kyʼeriganyira ekiri endata wʼerĩsandũkũ; akasyahola; kusangwa nasyahuluka omo kĩtũ oko kĩtũmbĩ kyʼeriganyira.

Abalawĩ 16:2 Iomraidhean Croise

1 Abami 6:16

Kandi mwahĩmba ekisenge kyʼemetere (9) oko luhande lwʼenyũma lwʼenyũmba omo bisayi byʼemĩerezĩ erĩtsũka ahisi erĩhĩka oko syombĩmbo syʼekitanda; mwahĩmbasyo busana nʼaho mwisi, eribya ahʼerisabira, busana nʼahabũyĩrĩre kutsibu.

1 Abami 8:6

Nʼabahererĩ mobĩngĩrya erĩsandũko lyʼerilagana lyʼOmwami Mukulu, omo mwanya walyo, omo kyumba ahabũyĩrĩre kutsibu hʼenyũmba, ahabũyĩrĩre kutsibu, eyĩkwa oko bĩpũpa byʼamakerũbĩ.

2 Emyatsi yʼEmigulu 5:14

Busana nʼekyo abahererĩ mobatatoka erihangana erikola omũbĩrĩ busana nʼekĩtũ ekyo; kusangwa olukengerwa lwʼOmwami Mukulu molũsũlya enyũmba ya Nyamuhanga.

Erĩlũayo 30:10

Na Harũnĩ asyayira omusangano oko mahembe engendo nguma oko buli mwaka; omo musasi wʼobuhere bwʼerĩlũsya amalolo bwʼeririha engendo nguma oko mwaka, engendo nguma asyayira omusangano busana nabo omo katĩkatĩ kʼesyondengo syenyũ syosĩ. Kĩbũyĩrĩre kutsibu busana nʼOmwami Mukulu.

Abalawĩ 16:13

Neryo asyahĩra obukwa obo oko muliro embere syʼOmwami Mukulu, ekĩtũ kyʼomũkĩ wʼobukwa ikyatoka eriswika ekĩtũmbĩ kyʼeriganyira, ekiri endata wʼerĩtũlago, akasyahola.

Abalawĩ 16:34

Nʼekĩ kyasyabya mugambo busana nenyũ ebiro byosĩ, eririha embanulo busana nʼabana ba Ĩsraelĩ ngendo nguma oko mwaka busana nʼebibi byabo byosĩ. Neryo omũhererĩ mwakola atya ngoko Mwami Mukulu ahana Musa.

Abalawĩ 23:27

Nĩkwa oko kiro kyʼerĩkũmĩ kyʼomukera oyo wʼakalinda ni kiro kyʼerihanula; kyasyabya erĩhĩndana lĩbũyĩrĩre busana nenyũ, mwasyakehya emitima yenyũ; kandi mwasyaherera Omwami Mukulu obuhere obũkokĩbwa oko muliro.

Abalawĩ 8:35

Kandi oko lũkyo lwʼeHema yʼerĩhĩndanamo mwasyasiba omo musibo nʼomo kiro ebiro birinda, nʼerĩteya erihana lyʼOmwami Mukulu, mukasyahola, kusangwa nabirihanwa nyitya.

Emiganzo 17:10

Nĩkwa Omwami Mukulu mwabũga na Musa ati, Sũbaya omũtso wa Harũnĩ aho embere wʼerĩtũlago, ibikawe eribya kiminyikalo oko bana bʼepono; iwatoka erikunga emiyitongo yabo ũkwʼĩngye, bakasyahola.

Emiganzo 18:7

Uwe nʼabagala bawe mwasyakola obũhererĩ bwenyũ busana nʼobuli kindu kyʼekiherero, na busana nʼekiri enyũma wʼolukimba olũkasũkũlĩraya; nenyũ mwasyakola omũbĩrĩ. Ngabaha obũhererĩ eribya ngʼomũbĩrĩ wʼolũsũnzo; nʼowʼehandi oyũkahĩka hakũhĩ asyĩtwa.

Emiganzo 4:19

Nĩkwa mukolerebo mutya, batoke eribyaho nʼeritindahola, omugulu bakasegera hakũhĩ nʼebindu bĩbũyĩrĩre kutsibu; Harũnĩ nʼabagala buwe basyingira omo Hema; nʼerikangirirabo obuli muguma oko mũbĩrĩ wuwe nʼoko muheke wuwe;

Emiganzo 4:5

Omugulu abʼomo kilaliriro bakahongoka, Harũnĩ nʼabagala buwe basyingira omo Hema, basyakĩmya olukimba olũkasũkũlĩraya nʼeriswika erĩsandũkũ lyʼerĩtũlago mulo,

Matayo 27:51

Neryo lebaya, olukimba olũkasũkũlĩraya olʼomo Hekalũ molwasatika mo bihande bibiri, erĩtsũka endata nʼerĩhĩka ahisi. Nʼekitaka mokyatitimana, nʼamabwe mwasatangika.

AbaEbrania 6:19

Tuwite amaha aya awakasĩkaya emitima yetu. Amaha aya ni wʼekwenene, asĩkĩre, kandi akingira enyũma wʼekĩsũkũlĩryo kyʼeHekalũ,

AbaEbrania 9:25

Nĩkwa Kristo mwatayiha esyongendo nyingi. Ngʼomũhererĩ Mukulu oko bahererĩ bosĩ abya akingira Ahabũyĩrĩre obuli mwaka haguma nʼomusasi owate wuwe.

AbaEbrania 9:3

Neryo enyũma wʼekĩsũkũlĩryo kyʼakabiri, mohabya eHema eyikahulawa mo Ahabũyĩrĩre Kutsibu.

AbaEbrania 9:5

Nʼendata oko lĩsandũko habya amakerũbĩ wʼolukengerwa, awakasũkũlĩraya Aheriganyira. Nĩkwa hano sitwangahula lino ebyosĩ mo kiguma kiguma.

Eribisurirwa 15:8

NʼeHekalũ moyũsũla mwʼomũkĩ akalũa omo lukengerwa nʼobũtokĩ bya Nyamuhanga. Kandi sihabya mundu oyukatoka eriingira omo Hekalũ, amalĩge alinda ate ahwa, awaletawa nʼabamalaĩka balinda.