Abalawĩ 16:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo asyĩmya ekibindi ekyoswĩre mwʼamakala wʼomuliro akalũa oko kiherero embere syʼOmwami Mukulu, nʼebyala biwe ĩbyoswĩre mʼobukwa obukakumba ndeke, ĩbwabĩrĩtũndũlwa kutsibu, nʼeriretabo omo kisenge enyũma wʼekĩsũkũlĩryo kyʼehekalũ.

Abalawĩ 16:12 Iomraidhean Croise

Erĩlũayo 31:11

Nʼamagũta wʼerĩhakabya, nʼobukwa bwʼamanũkato agowene busana nʼahabũyĩrĩre; ngʼebyosĩ nabirikuhana ko basyakola batya.

Erĩlũayo 37:29

Kandi mwakokotya amagũta abũyĩrĩre wʼerĩhakabya, nʼobukwa obowene bwʼamanũkato awakakumba ndeke, omo menge wʼomwengĩ wʼamanũkato.

Abalawĩ 10:1

Neryo Nadabũ na Abĩhũ, abagala ba Harũnĩ, mobĩmya obuli mundu oruho luwe, mobahĩramo omuliro, neryo mobahĩra kugo kwʼobukwa, mobahara omuliro wʼogundi mũsĩndo embere syʼOmwami Mukulu, ngoko atahanabo.

Emiganzo 16:18

Neryo mobĩmya obuli mundu oruho luwe, mobahĩra omuliro kusyo, kandi mobahĩra obukwa bo kusyo, mobahangana oko lũkyo lwʼeHema yʼerĩhĩndanamo haguma na Musa na Harũnĩ.

Emiganzo 16:46

Neryo Musa mwabũga na Harũnĩ ati, Ĩmaya oruho lwawe, ũhĩre omuliro go mulo erĩlũa oko kiherero, ũhĩre obukwa bo kulo, uhekelo lũba oko ndeko, ulihirebo embanulo kusangwa erihitana lyabirihuluka lĩkalũa oko Mwami Mukulu, endwala yʼakasũsũ yamatsũka!

Eryibuka Ebihano 33:10

Basyakangĩrĩrya Yakobo yʼebilayiro byawe, Basyakangĩrĩrya Ĩsraelĩ yʼemigambo yawe. Basyakũkũmbĩrya obukwa, Nʼobuhere bwʼerĩokererya bosĩ oko kiherero kyawe.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

AbaEbrania 9:7

Nĩkwa Omũhererĩ Mukulu oko bahererĩ bosĩ ĩyowene mwabya akingira omo Hema yʼAhabũyĩrĩre Kutsibu engendo nguma nyisa oko buli mwaka. Abya akaheka omusasi haguma naye, owakaha Nyamuhanga busana naye, nʼakandi busana nʼebibi byʼabandu, ebyo bakola omo butaminya bwabo.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

Eribisurirwa 8:5

Neryo omũlaĩka mwahamba ekibindi, kandi mũsũlyakyo omo muliro wʼekiherero, neryo mwagusakyo omo kihugo. Neryo emĩlũmo, nʼemirenge, nʼerĩpalya, nʼomũsĩkĩ mobyakwamana.