Abalawĩ 14:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo asyatsatsangago oko yũkerĩbawa kwʼebihaga engendo sirinda, neryo asyamwahula mʼoyo werĩre, neryo asyalwĩkĩra enyonyũ eyiriho omo kisuki.

Abalawĩ 14:7 Iomraidhean Croise

2 Abami 5:10

Neryo Elĩsa mwamutumako omukwenda, ati, Ugende, uyikosere omo Yorodanĩ ngendo sirinda, nʼomubiri wawe asyakusubako, kandi wasyera.

2 Abami 5:14

Neryo omwami mwandagala mwayĩtoberya omo Yorodanĩ mo ngendo sirinda, ngoko mundu wa Nyamuhanga abũga; nʼomubiri wuwe mwasuba, mwabya ngʼomubiri wʼomwana mulere, neryo mwera.

Esyonyimbo 51:2

Ũnyeraye ndeke kwʼebibi byage, Ũnyĩnabaye kwʼamalolo wage!

Esyonyimbo 51:7

Ũlũsaye ebibi byage, nage nasyera; Ũnyĩnabaye, nasyabya mweru kwilaba enzururu.

Ĩsaya 52:15

neryo asyasĩsĩrya ebihanda bingi. Abami basyamũkũmbĩra amuno wabo. Kusangwa ebyo bate babwirwa basyalangirabyo, nʼebyo bate bowa basyaminyabyo.

Ezekĩelĩ 36:25

Neryo nasyabatsatsanga kwʼamagetsi owene, nenyũ mwasyera. Nasyaberya oko mĩtĩndũ yenyũ yosĩ, nʼoko syosanamu syenyũ syosĩ.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Abalawĩ 13:13

neryo omũhererĩ asyayĩtegererya; neryo kwesĩ ebihaga ibyabiritsungana omubiri wuwe gosĩ, asyamwahula mʼoyo werĩre, oyo wabya nʼobũkonĩ; bwabirihinduka mo bweru-bweru ehosĩ, erĩre.

Abalawĩ 13:17

nʼomũhererĩ asyayĩtegereryaye; neryo, obũkonĩ bwamabya ibwabirihinduka mo bweru, omũhererĩ asyahula oyo wabya nʼobũkonĩ mo mundu werĩre, abirilama.

Abalawĩ 14:51

Neryo asyĩmya omuti wʼomũerezĩ nʼomukambi, nʼengohe yʼengula, nʼenyonyũ eyiriho, nʼerĩlũbĩkabyo omo musasi wʼenyonyũ eyiryakerawa, nʼomo magetsi awakasenda nʼeritsatsanga oko nyũmba ngendo sirinda.

Abalawĩ 16:14

Neryo asyĩmya oko musasi wʼenume yʼende, nʼeritsatsangago oko kĩtũmbĩ kyʼeriganyira omo munwe wuwe oko luhande olukasira kwʼeryuba; nʼembere syʼekĩtũmbĩ kyʼeriganyira asyatsatsanga kʼomusasi oyo omo munwe wuwe ngendo sirinda.

Abalawĩ 16:19

Kandi asyatsatsangaho omusasi omo munwe wuwe ngendo sirinda, nʼerĩeryakyo, nʼerihigulakyo oko mĩtĩndũ yʼabana ba Ĩsraelĩ.

Abalawĩ 16:22

Nʼembene yasyaheka ebibi byabo byosĩ omo kihugo ekite mo bandu; naye asyalekerayo omo mbwarara.

Abalawĩ 4:17

nʼomũherererĩ asyakolya omunwe wuwe gʼomo musasi, nʼeritsatsangago engendo sirinda embere syʼOmwami Mukulu, embere syʼolukimba olũkasũkũlĩraya.

Abalawĩ 4:6

nʼomũhererĩ asyakolya omunwe wuwe omo musasi, nʼeritsatsanga omusasi engendo sirinda embere syʼOmwami Mukulu, embere wʼolukimba olũkasũkũlĩraya ahabũyĩrĩre.

Abalawĩ 8:11

Kandi mwatsatsanga amagũta gʼoko kiherero ngendo sirinda, kandi mwahakabya ekiherero nʼebindu byakyo byosĩ kwʼamagũta, nʼekinabiro, nʼendĩna yakyo, erihigulabyo.

Mĩka 7:19

Akandisyaswatuganyira; asyalyatangirira ebibi byetu omwisi wʼebisando; ega, wasyagusa ebibi byabo byosĩ omo mitobero yʼengetsi.

Emiganzo 19:12

Asyayerya omo magetsi ayo oko kiro kyʼebisatu, nʼoko kiro kyʼebirinda, neryo asyera; nĩkwa amatindayerya ekiro kyʼebisatu, nʼoko kiro kyʼebirinda, isiendisyera.

Yoane 19:34

Nĩkwa omuguma gʼoko basĩrĩkanĩ mwatsimita omo lukanga luwe mwʼerĩtũmo, neryo-neryo omusasi nʼamagetsi mobyalũamo.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

AbaEbrania 12:24

Kandi mwabĩrĩhĩka uku Yesu omũsanganĩa wʼerilagana lihya-lihya, nʼoko musasi owʼerĩlagalĩrya, owakakanganaya omwatsi owene kwilaba erĩtũlago lyʼomwatsi gʼomusasi wa Abele.

AbaEbrania 9:13

Kusangwa kumbe omusasi wʼesyombene, nʼesyonume, haguma nʼerĩbũ lyʼenyana bĩkalagalĩrĩbawa oko bandu ababĩrĩhalya, bikahigulabo nʼerĩerya emibiri yabo,

AbaEbrania 9:19

Kusangwa Musa, abere abĩkanganĩa oko bandu bosĩ obuli kihano kyʼEmigambo, mwĩmya omusasi wʼesyonyana haguma nʼamagetsi, nʼobweya bwʼesyombũlĩ bwʼengula nʼehĩsopo, neryo mwalagalĩryago oko kitabu kyʼEmigambo nʼoko bandu bosĩ.

AbaEbrania 9:21

Kandi mwalagalĩrya omusasi gʼoko Hema nʼebindu byosĩ byʼekisomo.

AbaEbrania 9:26

Kumbe Kristo ngʼabiriagalwa ngendo nyingi erĩtsũka ekiro ekihugo kyahangikawa nʼerĩhĩka lino. Nĩkwa lino oko ndũlĩ yʼemigulu, abiriminyikala ngendo nguma eriyiha busana nʼerĩlũsya ebibi.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Yoane 5:6

Yesu Kristo yoyo wasa: nĩkwa mwasa omo magetsi nʼomusasi. Mwatasa nʼamagetsi masa, nĩkwa omo magetsi nʼomusasi.