Abalawĩ 12:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo ebiro byʼeriera liwe byasyabya byabĩhĩkana, busana nʼomugala, kutse busana na mwali, asyaletera omũhererĩ ekyana kyʼembũlĩ kyʼomwaka muguma busana nʼobuhere bwʼerĩokererya, nʼakalĩkũkũ kalere, kutse akatungula, busana nʼobuhere bwʼebibi oko lũkyo lwʼeHema yʼerĩhĩndanamo.

Abalawĩ 12:6 Iomraidhean Croise

Enzũko 15:9

Neryo mwabũga naye ati, Ĩmaya enyana yʼemyaka ĩsatu, nʼesũhene yʼemyaka ĩsatu, nʼembangale yʼemyaka ĩsatu, nʼakatungula, nʼekyana kyʼakalĩkũkũ.

Abalawĩ 12:2

Ubwire abana ba Ĩsraelĩ, uti, Omũkalĩ amaheka obukule, akabuta omwana wʼobulume, asyabya mũtsandĩrya ebiro birinda; ngʼomo biro byʼemĩtĩndũ yʼeribya oko mugesera.

Abalawĩ 12:5

Nĩkwa amabuta omwana wʼobũkalĩ, neryo asyabya mũtsandĩrya oko yenga ĩbĩrĩ, ngʼomwʼitsanda lyʼeribya oko mugesera; kandi asyabya omo musasi wʼeriera liwe ebiro makũmĩ ndatu nʼendatu.

Abalawĩ 12:7

Naye asyaherabo embere syʼOmwami Mukulu, nʼerĩmũsanganĩa omo mbanulo, naye asyerĩbwa okwʼĩtsũrũrũka lyʼomusasi wuwe. Ekĩ ni kihano busana nʼoyukabuta omwana wʼobulume kutse owʼobũkalĩ.

Abalawĩ 14:22

nʼehitungula hibiri, kutse ehĩrĩkũkũ hirere, ngoko angatoka eribanahyo; nʼakaguma kasyabya buhere bwʼebibi, nʼakandi, obuhere bwʼerĩokererya.

Abalawĩ 15:14

Nʼoko kiro kyʼomunani asyayĩmĩrya ehitungula hibiri, kutse ehyana hibiri hyʼakalĩkũkũ, ĩnĩahĩka embere syʼOmwami Mukulu oko lũkyo lwʼeHema yʼerĩhĩndanamo, nʼerihahyo oko mũhererĩ;

Abalawĩ 15:29

Nʼoko kiro kyʼomunani asyayĩmĩrya ehitungula hibiri, kutse ehĩrĩkũkũ hirere-hirere hibiri, nʼerireterahyo omũhererĩ, oko lũkyo lwʼeHema yʼerĩhĩndanamo.

Emiganzo 6:10

Nʼoko kiro kyʼomunani asyaletera omũhererĩ yʼehitungula hibiri, kutse ehĩrĩkũkũ hibiri hirere-hirere, oko lũkyo lwʼeHema yʼerĩhĩndanamo.

Luka 2:22

Neryo omugulu mwahĩka owʼerikola ebyo Migambo ya Musa yahana busana nʼemitsye yʼeriera. Neryo Yosefũ na Marĩa mobatwala Yesu eYerũsalema busana nʼerimuha oko Mukama.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

2 AbanyaKorinto 5:21

Kristo mwabya butsira ebibi, nĩkwa Nyamuhanga mwamuyira ngʼowʼebibi busana netu, itwatoka eriyirwa mo batunganene ba Nyamuhanga busana nʼerimatikana na Kristo.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.