Abalawĩ 10:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Abalawĩ 10:3 Iomraidhean Croise

Enzũko 18:25

Ekyo kibye hali ukʼuwe erikola omuhanda oyũ, erĩĩta abatunganene haguma nʼababi, litya abatunganene ibabya ngʼababi, ekyo kibye hali ukʼuwe. Ko Mũtswerĩ wʼekihugo kyosĩ siendisyatswera omo litunganene kwehĩ?

Yobũ 2:10

Nĩkwa Yobũ mwamubwira ati, Ũkabũga ngʼomuguma gʼoko bakalĩ bakĩrũ. Nĩkĩ kwehĩ? Twasyangirira ebibuya omo byala bya Nyamuhanga, isitwendisyabana nʼobũlĩge kwehĩ? Omo byosĩ ebĩ Yobũ mwatabũga bibi omo mĩnywa yiwe.

Esyonyimbo 119:120

Ngubaha busana nawe; Ngubaha kutsibu busana nʼeritswera lyawe.

Esyonyimbo 148:14

Mwayira ekihanda kiwe kyʼamaka, Kyalekĩre abandu buwe bosĩ ibamupipa, Ba bandu ba Ĩsraelĩ, abo anzĩre kutsibu! Mupipe Omwami Mukulu!

Esyonyimbo 39:10

Sunyisuyire kandi! Ngahola busana nʼerĩswĩrya lyawe!

Esyonyimbo 39:9

Ngandibya bũkũtũ, sindiendĩbũga kĩnywa, Kusangwa ni we walekĩre.

Esyonyimbo 46:10

Akabũga ati, Mũmbaye oko malwa, muminye ko ndi Nyamuhanga, Nasyahamĩbwa omo bihanda, nasyahamĩbwa omo kihugo!

Esyonyimbo 89:7

Nyamuhanga ni wʼolubahwa omwʼĩbũgĩro lyʼababũyĩrĩre, Abosĩ abakamũtĩmbako bakamubaha.

Esyonyimbo 93:5

Emigambo yawe ni yʼerikota, uwe Mwami Mukulu, Nʼehekalũ yawe ĩbũyĩrĩre kwenene, Kera na kera.

Erĩlũayo 14:17

Nĩkwa ĩngye, ngandĩkalya emitima yʼAbanya Mĩsĩrĩ, nabo basyingira enyũma syabo; nage nasyabana erĩsĩkĩbwa busana na Farao, na busana nʼomulondo wuwe gosĩ, na busana nʼesyogalĩ siwe, na busana nʼabandu abali oko syosabayĩrĩ siwe.

Erĩlũayo 14:4

Nage nasyakalya omutima wa Farao, naye asyakwamirirabo, nage nasyabana erĩsĩkĩbwa busana na Farao na busana nʼomulondo wuwe gosĩ; nʼAbanya Mĩsĩrĩ basyaminya ko ndi Mwami Mukulu. Nabo mobakola batya.

Erĩlũayo 19:22

Nʼabahererĩ nibya, abakasegera hakũhĩ nʼOmwami Mukulu, bayihigule, Omwami Mukulu akasyapumukirabo.

Erĩlũayo 19:24

Neryo Omwami Mukulu mwamũsũbĩrya ati, Genda ũkĩme; kandi wasyahetuka, uwe haguma na Harũnĩ; nĩkwa abahererĩ nʼabandu sibapumuke nʼerihetukira ahali Omwami Mukulu, akasyapumukira kubo.

Erĩlũayo 30:30

Kandi wasyahakabya. Harũnĩ nʼabagala buwe, nʼerihigulabo, ibanyikolera omo mũbĩrĩ wʼobũhererĩ.

Ĩsaya 39:8

Neryo Hezekĩa mwabwira Ĩsaya ati, Ekĩnywa kyʼOmwami Mukulu ekyo ũlĩabũga ni kibuya. Kusangwa mwanganĩrya ati, Hasyabya Obuholo nʼekwenene omo biro byage.

Ĩsaya 49:3

Kandi mwabũga nage ati, Uli mugombe wage Ĩsraelĩ, nasyakangya olukengerwa lwage umʼuwe.

Ĩsaya 52:11

Mũlũeho, mũlũeho, mugende mũlũeho, sĩmũtũle oko kindu kĩtĩsĩrĩre. Mũlũe omo katĩkatĩ kago, mũyeraye, ĩnywe mukaheka ebindu byʼOmwami Mukulu.

Ezekĩelĩ 20:41

Nasyabalĩga ngʼerikumba lĩsĩhĩre ndeke, omugulu nasyabalũsya omo bihanda, nʼeribakuma-kuma omo bihugo ebyo mwapanzirawamo. Nage nasyakangya ko ndi mũbũyĩrĩre omo katĩkatĩ kenyũ omo meso wʼebihanda.

Ezekĩelĩ 28:22

ũbũge uti, Omukama Iye Omwami Mukulu ati, Lebaya, ngalwa nawe, uwe Sĩdonĩ, kandi nasyapipwa omo katĩkatĩ kawe. Neryo basyaminya ko ndi Mwami Mukulu, omugulu namabĩhĩra eritswera lyo mugo, kandi nasyakangya erĩbũyĩrĩre ryage mugo.

Ezekĩelĩ 38:16

nawe wasyahetukira abandu bage erilwa na Ĩsraelĩ ngʼekĩtũ kyʼeriswika ekihugo. Kyasyahĩka oko biro byʼenyũma, nasyakuleta erilwa nʼekihugo kyage, ebihanda ibyatoka erinyiminya omugulu nasyahigulwa busana nawe uwe Gogĩ, embere syʼameso wabo.

Ezekĩelĩ 40:46

Nĩkwa ekyumba ekĩkalolaya elutambi lwʼendata kiri busana nʼabahererĩ abakategaya ekiherero. Abo ni bagala ba Zadokĩ, oyuli oko bagala ba Lawĩ abakasegera hakũhĩ nʼOmwami Mukulu erimukolera.

Ezekĩelĩ 42:13

Neryo mwambwira ati, Ebyumba byʼoluhande lwʼelutambi lwʼendata nʼebyumba byʼolundi lutambi lwʼeyĩkwa, ebiri eyisirya oko mwanya buyira, ebyo ni byumba bĩbũyĩrĩre, aho abahererĩ abali hakũhĩ nʼOmwami Mukulu basyalira ebindu bĩbũyĩrĩre kutsibu. Omo, basyahĩra ebindu bĩbũyĩrĩre kutsibu, nʼobuhere bwʼeyĩsyano yʼengano, nʼobuhere bwʼebibi, nʼobuhere bwʼolubanza, kusangwa habũyĩrĩre.

Abalawĩ 21:15

Ĩsĩatsandaya abana buwe omo kĩtũnga kiwe; kusangwa ĩngye indi Mwami Mukulu oyukamusolola.

Abalawĩ 21:17

Ubwire Harũnĩ, uti, Sihabye omundu wʼoko bana bawe omo syondengo syabo syosĩ oyuli kʼobulema, kandi sĩahĩke hakũhĩ eriherera akalyo ka Nyamuhanga wuwe.

Abalawĩ 21:21

Sihabye omundu wʼabana ba Harũnĩ omũhererĩ, oyuwite obulema oyũkahĩka hakũhĩ nʼeriherera amahere awakokĩbawa oko muliro wʼOmwami Mukulu; kusangwa awite obulema, ĩsĩahĩka hakũhĩ eriherera akalyo ka Nyamuhanga wuwe.

Abalawĩ 21:6

Basyabya babũyĩrĩre uku Nyamuhanga wabo, nʼerĩtĩndatsandya erĩna lya Nyamuhanga wabo; kusangwa bakahera amahere oko Mwami Mukulu awakokĩbawa oko muliro, obundu bwa Nyamuhanga wabo; busana nʼekyo basyabya babũyĩrĩre.

Abalawĩ 21:8

Busana nʼekyo wasyamuhigula, kusangwa akaherera akalyo ka Nyamuhanga wawe; asyabya mũbũyĩrĩre ukʼuwe; kusangwa ĩngye Mwami Mukulu, oyukabahigula, nyĩbũyĩrĩre.

Abalawĩ 22:9

Neryo basyateya erihana lyage, bakasyaheka ebibi busana nabyo, ibahola mubyo kusangwa bamanyĩhalyako. Ĩngye indi Mwami Mukulu oyukahigulabo.

Abalawĩ 8:35

Kandi oko lũkyo lwʼeHema yʼerĩhĩndanamo mwasyasiba omo musibo nʼomo kiro ebiro birinda, nʼerĩteya erihana lyʼOmwami Mukulu, mukasyahola, kusangwa nabirihanwa nyitya.

Emiganzo 16:5

neryo mwabũga na Kora nʼendeko yiwe yosĩ, ati, Omo ngyakya-ngyakya Omwami Mukulu asyakanganĩa abuwe nga ni bahi, nʼoyũbũyĩrĩre nga nindi, kandi asyamuleta hakũhĩ naye; yo nʼoyo asyayisoga asyamuleta hakũhĩ naye.

Emiganzo 20:12

Neryo Omwami Mukulu mwabũga na Musa na Harũnĩ ati, Kusangwa simwetanyĩkĩrĩrya nʼerinyihigula ngoko nyĩbũyĩrĩre omo meso wʼabana ba Ĩsraelĩ, neryo simwendĩsyalyatya endeko eyĩ omo kihugo ekyo nahabo.

Matayo 10:37

Oyo wanzĩre ĩse kutse nyĩnya kwilaba ngye sianyitolere; nʼoyo wanzĩre mugala kutse mwali kwilaba ngye, sianyitolere.

Yoane 12:28

Uwe Tata, ulete olukengerwa oko lĩna lyawe! Neryo omulenge mwalũa elubula ati, Nabĩrĩhamyalyo, kandi nasyaswahamyalyo.

Yoane 14:13

Kandi nasyakola obuli mwatsi ogo mwasyabũlya omo lĩna lyage, Tata apipawe umu Mugala.

Eryibuka Ebihano 32:51

Kusangwa mwanyĩhalayako omo katĩkatĩ kʼabana ba Ĩsraelĩ oko magetsi wʼeMerĩba wʼeKadesĩ, omo mbwarara yʼeZĩnĩ; kusangwa momutanyiyira mo mũbũyĩrĩre omo katĩkatĩ kʼabana ba Ĩsraelĩ.

2 AbanyaTesalonika 1:10

ekiro ekyo asyasa nʼeripipwa nʼabandu buwe bosĩ, nʼerĩsĩkĩbwa nʼabosĩ abakĩkĩrĩraya. Nenyũ mwasyabya haguma nabo kusangwa mwĩkĩrĩraya omwatsi twabatũlĩra.

1 Petero 4:17

Kusangwa omugulu wʼeritswera abandu ba Nyamuhanga abĩrĩhĩka. Neryo eritswera eryo lyamatsũka ũkwʼĩtwe, endũlĩ yʼabandu abatetsomana Engulu Yowene ya Nyamuhanga yasyabya yiti kwehĩ?

1 Samwelĩ 2:30

Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.

1 Samwelĩ 3:18

Neryo Samwelĩ mwamubwira ebyosĩ-ĩbyosĩ, mwatamũbĩsako nʼekiguma. Neryo Elĩ mwabũga, ati, Yo nʼOmwami Mukulu. Akole ekyowene omo meso wuwe.

1 Samwelĩ 6:20

Kandi abandu bʼeBetĩ-semesĩ mobabũga, bati, Nindi wangatoka erihangana embere syʼOmwami Mukulu, Nyamuhanga oyũbũyĩrĩre kwehĩ? Kandi asyahetukira ukundi akalũa kwĩtwe kwehĩ?