Abalawĩ 10:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo muliro mwalũa oko Mwami Mukulu, mwabugabo, nabo mobaholera embere syʼOmwami Mukulu.

Abalawĩ 10:2 Iomraidhean Croise

2 Samwelĩ 6:7

Nʼerihitana lyʼOmwami Mukulu molyagulumira uku Ũza; na Nyamuhanga mwamũswĩrĩryaho busana nʼeritindakenga liwe; neryo mwaholeraho oko mũsĩke wʼerĩsandũko lya Nyamuhanga.

1 Abami 13:28

Naye mwayeya ekĩnda ĩkĩnagũsĩre omo nzira, nʼepunda nʼendale isinimene hakũhĩ nʼekĩnda; endale isiritalya ekĩnda, kutse erĩĩta epunda.

1 Abami 18:38

Neryo omuliro wʼOmwami Mukulu mwatoga mwahĩsĩrĩrya obuhere bwʼerĩokererya, nʼesyongwĩ nʼamabwe, nʼolũtũtũ, kandi mwalyatsirira amagetsi awabya omo mugende.

2 Abami 1:10

Na Elĩya mwasũbĩrya mwabwira omukulu wʼamakũmĩ atanu ati, Namabya indi mundu wa Nyamuhanga, omuliro akwandagalireko erĩlũa elubula, akũhĩsangaye nʼamakũmĩ atanu wawe. Neryo omuliro mwandagala erĩlũa elubula mwamugulumirirako nʼamakũmĩ atanu wuwe.

2 Abami 1:12

Na Elĩya mwasũbĩrya mwabũga naye ati, Namabya indi mundu wa Nyamuhanga, omuliro akwandagalireko alũe elubula, akũhĩsangaye nʼamakũmĩ atanu wawe. Neryo omuliro wa Nyamuhanga mwakĩma akalũa elubula mwamũhĩsya nʼamakũmĩ atanu wuwe.

1 Emyatsi yʼEmigulu 13:10

Nʼerihitana lyʼOmwami Mukulu molyaka uku Ũza, neryo mwamwĩta, kusangwa ahĩra ebyala biwe okwʼĩsandũko; neryo mwaholera aho embere sya Nyamuhanga.

1 Emyatsi yʼEmigulu 15:13

Kusangwa momutahekalyo erĩmbere, Omwami Mukulu mwatupumukira, kusangwa motutamusondasonda omo kilayiro.

1 Emyatsi yʼEmigulu 24:2

Nĩkwa Nadabũ na Abĩhũ mobahola tata wabo iniakineho, isibawite bana. Neryo Eleazarĩ na Ĩtamarĩ mobakola ngʼabahererĩ.

Yobũ 1:16

Omugulu akĩnabũga, ogundi mwahuluka mwabũga, ati, Omuliro wa Nyamuhanga abiriwa erĩlũa omo kyanya nʼerĩhĩsya esyombũlĩ nʼabalwana, nʼeribugabyo; nĩna ngye ĩngyowene namabala erisyakubwira.

Esyonyimbo 50:3

Nyamuhanga wetu akasa, sialibya bũkũtũ; Omuliro akahĩsaya embere siwe, Erihunga lĩkalĩre lĩkamũtĩmbako.

Erĩlũayo 24:1

Neryo Omwami Mukulu mwabũga na Musa ati, Wase endata ahali Omwami Mukulu, uwe, na Harũnĩ, na Nadabũ, na Abĩhũ, nʼabakulu ba Ĩsraelĩ makũmĩ alinda, erĩramya imune hali.

Ĩsaya 30:33

Kusangwa Erĩokeryo lyʼeTofetĩ lyabĩrĩkokotĩbwa kera. Ega, lyabĩrĩkokotĩbwa busana nʼomwami. Abiritakulaho hali nʼahanene omwisi, ekitabiro kyaho ni muliro nʼesyongwĩ nene. Omuka wʼOmwami Mukulu, ngʼolũsĩ lwʼomuliro wʼekĩbĩrĩtĩ asyakyalyo.

Abalawĩ 10:5

Neryo mobasegera hakũhĩ, mobahekerabo ekyaswa kyʼekilaliriro omo makotĩ wabo ngoko Musa abũga.

Abalawĩ 16:1

Kandi Omwami Mukulu mwabũga na Musa enyũma wʼerihola lyʼabagala babiri ba Harũnĩ, omugulu basegera embere syʼOmwami Mukulu, nʼerihola.

Abalawĩ 9:24

Nʼomuliro mwahuluka embere syʼOmwami Mukulu, mwakĩrĩrya obuhere bwʼerĩokererya nʼebitswe byʼebĩsabũ oko kiherero; nʼomugulu abandu bosĩ balangirago, mobasumba emirenge mobawira oko mũsũ wabo.

Emiganzo 14:37

abandu abo abaleta engulu nyibi yʼekihugo, mobahola omo ndwala yʼakasũsũ embere syʼOmwami Mukulu.

Emiganzo 16:35

Nʼomuliro mwalũa oko Mwami Mukulu, mwahĩsya abandu abo amagana abiri nʼamakũmĩ atanu ababya bakahonga obukwa.

Emiganzo 16:49

Neryo abahola omo ndwala yʼakasũsũ babya elfu ĩkũmĩ nʼĩnĩ nʼamagana alinda (14,700), abate oko bandu abahola omo mwatsi wa Kora.

Emiganzo 26:61

Na Nadabũ na Abĩhũ mobahola, omugulu baherera embere syʼOmwami Mukulu omuliro wʼehandi.

Emibiri 5:10

Neryo-neryo mwawa ahisi oko bisando biwe, mwalekula. Neryo abalwana babere bakingira mobeya iniabirihola, mobamutwala, eyĩhya, mobamuta hakũhĩ nʼĩba wuwe.

Emibiri 5:5

Anania abere owa ebĩnywa ebĩ, mwawa ahisi, mwalekula, neryo abosĩ abowakyo mobubaha kutsibu.

1 AbanyaKorinto 10:11

Neryo emyatsi eyĩ moyahĩka kubo ngʼekĩmĩnyĩsyo busana nʼabandi bandu, kandi moyasakwa busana nʼeritukunga. Kusangwa twĩkere hakũhĩ nʼendũlĩ yʼomugulu ono.

1 Samwelĩ 6:19

Kandi mwĩta abandu bʼeBetĩsemesĩ, kusangwa mobakengemerera omwʼĩsandũko lyʼOmwami Mukulu, mwĩta bandu makũmĩ alinda (70), nʼabandu mobalira, kusangwa Omwami Mukulu ĩnĩabĩrĩta abandu bangi.