Abalawĩ 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Obuhere buwe bwamabya ini buhere bwʼerĩokererya bwʼende, asyahera enume eyite ko bulema; asyaherayo oko lũkyo lwʼeHema yʼerĩhĩndanamo, iniatoka erĩrĩgwa embere syʼOmwami Mukulu.

Abalawĩ 1:3 Iomraidhean Croise

Enzũko 22:13

Neryo Abrahamũ mwasumba ameso wuwe, mwalebya, neryo habya, enyũma siwe embangale ĩnĩnagobenĩe amahembe wayo gʼomo kisaka. Neryo Abrahamũ mwayĩmya embangale, mwaherayo oko buhere bwʼerĩhĩsĩrĩrya moyabya hongo ya mugala wuwe.

Enzũko 22:2

Neryo mwabũga ati, Lino wĩmaye mugala wawe, ekyusa kyawe, oyo wanzĩre, ye Ĩsaka, uyigendere omo kihugo kyʼeMorĩa, umuherereho oko buhere bwʼerĩhĩsĩrĩrya oko kitwa kiguma ekyo nasyakubwira.

Enzũko 22:8

Abrahamũ mwamũsũbĩrya ati, Nyamuhanga akandiyibanira ekyana kyʼembũlĩ mo buhere bwʼerĩhĩsĩrĩrĩbwa. Neryo ababiri ko bagenda batya haguma.

Enzũko 8:20

Neryo Noa mwahĩmba ekiherero busana nʼOmwami Mukulu, neryo mwĩmya oko buli nyama yowene, nʼobuli nyonyũ yowene, neryo mwayirabyo mo mahere wʼerĩokererya oko kiherero.

2 Emyatsi yʼEmigulu 29:32

Nʼemiganzo yʼamahere wʼerĩokererya ago endeko yaleta yabya esyonume syʼesyonde makũmĩ alinda, nʼesyombangale erĩgana, nʼebyana byʼesyombũlĩ magana abiri. Esyosĩ esĩ syabya busana nʼobuhere bwʼerĩokererya busana nʼOmwami Mukulu.

2 Emyatsi yʼEmigulu 35:12

Neryo mobalũsya amahere wʼerĩokererya, ibatoka erihago ngʼeritondeka lyʼebĩtũnga byʼabotata-kulu byʼabana bʼabandu, eriherera Omwami Mukulu, ngoko kĩsakĩre omo kitabu kya Musa. Kandi mobakola batya oko syonume syʼesyonde.

Esyonyimbo 110:3

Abandu bawe basyayiha ukʼuwe ekiro wasyalwa nʼesyonzĩgũ syawe. Oko bitwa bĩbũyĩrĩre, ngʼekimi kyʼengyakya-ngyakya, Abalwana bawe basyakũhĩkako.

Esyonyimbo 40:8

Nyanzĩre erikola erisonda lyawe, uwe Nyamuhanga wage! Ega, Emigambo yawe iri omo mutima wage.

Erĩlũayo 12:5

Ekyana kyenyũ kyʼembũlĩ kyasyabya butsira bulema, embangale eyʼomwaka muguma; mwasyĩmyayo omo mbũlĩ kutse omo syombenehene;

Erĩlũayo 24:5

Neryo mwatuma abalwana ba Ĩsraelĩ, abahera amahere wʼerĩokererya, nʼerihera amahere wʼobuholo awʼesyonde oko Mwami Mukulu.

Erĩlũayo 29:18

Kandi wasyokererya embangale yosĩ oko kiherero; ni buhere bwʼerĩokererya busana nʼOmwami Mukulu; ni bumba bowene, obuhere obukayirawa omo muliro busana nʼOmwami Mukulu.

Erĩlũayo 29:4

Kandi wasyaleta Harũnĩ nʼabagala buwe oko lũkyo lwʼeHema yʼerĩhĩndanamo, iwakosabo omo magetsi.

Erĩlũayo 29:42

Bwasyabya buhere bwʼerĩokererya ebiro byosĩ omo syondengo syenyũ syosĩ oko lũkyo lwʼeHema yʼerĩhĩndanamo embere syʼOmwami Mukulu, aho ho nasyahĩndana nenyũ, erĩbũgĩra nawe aho.

Erĩlũayo 32:6

Neryo mobabuka omo ngyakya-ngyakya, mobahera amahere wʼerĩokererya, mobaleta amahere wʼobuholo; nʼabandu mobĩkala ahisi busana nʼerirya nʼerĩpũlya, kandi mobahangana nʼerisata.

Erĩlũayo 35:21

Neryo mobasa obuli mundu oyo wakwa omũhwa omo mutima wuwe, nʼobuli mundu oyo wanza, erireta olũsũnzo lwʼOmwami Mukulu, busana nʼomũbĩrĩ wʼeHema yʼerĩhĩndanamo, na busana nʼomũbĩrĩ gosĩ wayo, na busana nʼesyongimba sĩbũyĩrĩre.

Erĩlũayo 35:29

Nʼabandu ba Ĩsraelĩ mobaleta olũsũnzo lwʼerianza oko Mwami Mukulu; obuli mulume nʼomũkalĩ, oyo wanza eriretakĩ, busana nʼomũbĩrĩ gosĩ, ogo Mwami Mukulu ahana Musa erikolwa.

Erĩlũayo 35:5

Mwĩmaye omo katĩkatĩ kenyũ olũsũnzo busana nʼOmwami Mukulu; oyuwite omutima wʼerianza, aletelo, olũsũnzo lʼOmwami Mukulu: esyamagetsi nʼekĩtsĩpa, nʼomulinga,

Erĩlũayo 36:3

Neryo mobangirira uku Musa olũsũnzo losĩ olo bandu ba Ĩsraelĩ baleta busana nʼomũbĩrĩ wʼerĩhĩmba ahabũyĩrĩre. Mobamuletera kandi olũsũnzo ngoko balĩayĩtsũtsa obuli ngyakya.

Erĩlũayo 38:1

Kandi mwakokotya ekiherero kyʼobuhere bwʼerĩokererya omo muti wʼomũshĩta; obuli bwakyo bwabya metere ĩbĩrĩ na sentĩmetere makũmĩ asatu (2.30 m), nʼobugali bwakyo bwabya metere ĩbĩrĩ na sentĩmetere makũmĩ asatu (2.30 cm) ihalingirirene; nʼobuli bwakyo bwʼendata metere nguma na sentĩmetere makũmĩ asatu nʼomunani (1.38 m).

Ĩsaya 1:11

Omwami Mukulu ati, Erikanyirira ryʼamahere wenyũ nĩkĩ ũkwʼĩngye kwehĩ? Bibye bingaho, amahere wʼerĩokererya wʼesyombangale busana nage, nʼebĩsabũ byʼesyonyama sĩnenehĩre. Sinditsemera omusasi wʼesyonume syʼesyonde, kutse owʼehyana hyʼesyombũlĩ, kutse owʼesyombaya.

Ezekĩelĩ 20:40

Kusangwa Omukama Iye Omwami Mukulu ati, Omo kitwa kyage kĩbũyĩrĩre, nʼomo kitwa kyʼendata kya Ĩsraelĩ, aho ekihanda kyosĩ kya Ĩsraelĩ, abosĩ ba kubo, basyanyikolera omo kihugo. Nʼeyo nasyalĩgabo; nʼeyo nasyasonda erĩhĩtya lyenyũ, nʼesyonzũnzo syenyũ syʼeriyisogwa, haguma nʼebindu byosĩ byenyũ bĩbũyĩrĩre.

Ezekĩelĩ 40:39

Nʼomo bũsekũ bʼolũkyo habya esyomesa ĩbĩrĩ oko luhande olũ, nʼesyomesa ĩbĩrĩ oko luhande lulya esyʼerikererako obuhere bwʼerĩokererya nʼobuhere bwʼebibi, nʼobuhere bwʼolubanza.

Abalawĩ 1:10

Kandi obuhere buwe bwamabya ini bʼomo kihangulo, omo mbũlĩ, kutse omo mbene-hene, busana nʼobuhere bwʼerĩokererya iniahera embangale eyite ko bulema.

Abalawĩ 14:10

Nʼoko kiro kyʼomunani asyĩmya ehibangale hibiri hyʼembũlĩ ehite ko bulema, nʼekitsugutsi kyʼembũlĩ ekyʼomwaka muguma ekite ko bulema, nʼebitswe bisatu byʼomwʼĩkũmĩ byʼekitiri kyʼeyĩsyano yʼenzelele busana nʼobuhere bwʼeyĩsyano, obũtũlũngene nʼamagũta, nʼekibindi kiguma kyʼamagũta.

Abalawĩ 16:7

Kandi asyĩmya esyombene ĩbĩrĩ nʼerĩsĩhĩra embere syʼOmwami Mukulu oko lũkyo lwʼeHema yʼerĩhĩndanamo.

Abalawĩ 17:4

isialitaletayo oko lũkyo lwʼeHema yʼerĩhĩndanamo erihererayo ngʼobuhere oko Mwami Mukulu embere syʼeHema yʼOmwami Mukulu; olubanza lwʼomusasi lwasyaganzirwa oko mundu oyo; abĩrĩũta omusasi; omundu oyo asyahigwa oko bandu buwe.

Abalawĩ 17:8

Kandi wasyabwirabo uti, Omundu wahi oyuli wʼekĩtũnga kya Ĩsraelĩ, kutse abatasĩbwe abakabungira omo katĩkatĩ kabo, oyukahera obuhere bwʼerĩokererya kutse ehongo,

Abalawĩ 17:9

isialiretabo oko lũkyo lwʼeHema yʼerĩhĩndanamo, erikererabo Omwami Mukulu; omundu oyo asyahigwa oko bandu buwe.

Abalawĩ 23:12

Nʼoko kiro ekyo mwasyahũnga-hũngya omuganda oyo, mwasyaherera akabangale kʼomwaka muguma akate ko bulema busana nʼobuhere bwʼerĩokererya oko Mwami Mukulu.

Abalawĩ 23:18

Neryo haguma nʼamandu ayo, mwasyaleta ebyana byʼembũlĩ birinda ebyʼomwaka muguma ebite ko bulema, nʼenume yʼende, nʼesyombangale ĩbĩrĩ; byasyabya obuhere bwʼerĩokererya oko Mwami Mukulu, haguma nʼobuhere bwasyo bwʼeyĩsyano yʼengano, nʼamahere wasyo wʼerĩpũlya, bo nʼobuhere obũkokĩbawa oko muliro, obwʼerikumba lĩsĩhĩre oko Mwami Mukulu.

Abalawĩ 3:1

Neryo obuhere obo bwamabya ini buhere bʼobuholo; bwamabya ini bwʼende, enume kutse eyʼobũkalĩ, asyahera eyite ko bulema embere syʼOmwami Mukulu.

Abalawĩ 4:15

Neryo abakulu bʼendeko basyahĩra ebyala byabo oko mutwe wʼenume eyo embere syʼOmwami Mukulu; nʼenume eyo yasyakererwa embere syʼOmwami Mukulu.

Abalawĩ 4:23

ekibi kiwe, ekyo abirikola amamĩnyĩsĩbwakyo asyaleta embene busana nʼobuhere buwe, embaya eyite ko bulema.

Abalawĩ 4:3

omũhererĩ oyo wabĩrĩhakabĩbwa amagũta amahalya okwʼiletera bandu olubanza, neryo aherere Omwami Mukulu busana nʼebibi biwe ebyo abirikola, enume yʼende eyite ko bulema busana nʼobuhere bwʼebibi.

Abalawĩ 4:32

Nʼakandi amaleta ekyana kyʼembũlĩ ngʼobuhere buwe busana nʼobuhere bwʼebibi, asyaleta etsugutsi eyite ko bulema.

Abalawĩ 5:15

Omundu nomo angabyandi akahalya, butsira eriyiririra, omo myatsi ĩbũyĩrĩre yʼOmwami Mukulu; neryo asyaletera Omwami Mukulu yʼobuhere bwʼolubanza, embangale eyite ko bulema ĩkalũa omo kĩhyo, ngʼeriganza lyawe omo bĩtsĩpa byʼesekelĩ, omo lulengero lwʼesekelĩ yʼahabũyĩrĩre, busana nʼobuhere bwʼolubanza.

Abalawĩ 5:18

Naye asyaletera omũhererĩ yʼembangale eyite ko bulema, ĩkalũa omo kĩhyo, ngʼeriganza eryo asyamusohera, busana nʼobuhere bwʼolubanza. Neryo omũhererĩ asyamũsanganĩa busana nʼomwatsi ogo abĩrĩhalyamo butsira eriyiririra isyabya asĩgo, naye asyabuyirwa.

Abalawĩ 6:2

Kandi omugulu omundu akakola ekibi, nʼerĩhalya oko Mwami Mukulu, akateba mũlĩkyabo omo mwatsi wʼeribika, kutse omwʼilagana, kutse omwʼĩba, kutse erinyega mũlĩkyabo,

Abalawĩ 6:8

Kandi Omwami Mukulu mwabũga na Musa ati,

Abalawĩ 7:16

Nĩkwa ehongo yʼobuhere buwe yamabya yʼerĩlahĩrya, kutse obuhere bwʼeriyitswa bwasyalibwa oko kiro ekyo alyahera obuhere bwʼehongo yiwe; nʼengyakya ebikasaka kubo byanganalibwa;

Abalawĩ 8:18

Neryo mwaleta embangale yʼobuhere bwʼerĩokererya; na Harũnĩ nʼabagala buwe mobahĩra ebyala byabo oko mutwe wʼembangale.

Abalawĩ 8:21

Neryo mwerya ebila byʼomo nda nʼeminono omo magetsi; neryo Musa mwahĩsĩrĩrya embangale yosĩ eyo yʼoko kiherero: yabya buhere bwʼerĩokererya busana nʼekikumbo kyʼerisiha; yabya buhere obũkokĩbawa oko muliro oko Mwami Mukulu; ngoko Mwami Mukulu ahana Musa.

Abalawĩ 9:2

neryo mwabũga na Harũnĩ, ati, Ĩmaya enume yʼekyana kyʼende busana nʼobuhere bwʼebibi, nʼembangale busana nʼobuhere bwʼerĩokererya, eyite ko bulema, muhereresyo embere syʼOmwami Mukulu.

Zekarĩa 13:7

Uwe mũyalĩ, ũsĩsĩmũke, ulwe nʼomũlĩsya wage, ulwe nʼomundu oyuli mukulu nga ngye, Omwami Mukulu Wʼemilondo akabũga atya; mũswĩraye omũlĩsya, esyombũlĩ sipanza-panzawe; nage nasyabindula ebyala byage nʼerĩhĩrabyo oko balere.

Malakĩ 1:14

Nĩkwa omũtebya atakirawe, oyuwite enume omo kihangulo kiwe, ĩnĩakalahĩrayayo, nĩkwa akahongera Omukama enyama eyiri kʼobulema; kusangwa indi Mwami Mukulu. Omwami Mukulu Wʼemilondo atya, nʼerĩna lyage ni ryʼerĩũbahya omo bihanda.

Emiganzo 15:3

neryo muyire ehongo oko muliro busana nʼOmwami Mukulu, obuhere bwʼerĩokererya, kutse obuhere bwʼerikera erĩberererya erĩlahĩrya, kutse ehongo yʼeriyitswa kutse omo biro bikulu byenyũ ebyahamulawa, eriyirira Omwami Mukulu yʼekikumbo kĩsĩhĩre, omo syonde, kutse oko mbũlĩ.

Emiganzo 15:8

Nʼomugulu ũkakokotaya enume yʼende mo buhere bwʼerĩokererya, kutse obuhere bwʼerikera erĩberererya erĩlahĩrya, kutse busana nʼamahere wʼobuholo oko Mwami Mukulu,

Emiganzo 19:2

Ekĩ kyo kihano kyʼemigambo ekyo Mwami Mukulu abirihana ati, Ubwire abana ba Ĩsraelĩ, uti, bakuletere enyana yʼende yʼomula eyite ko kĩtĩngũ, eyite ko bulema, eyite yaya kwʼengomo.

Emiganzo 23:19

Nyamuhanga si mundu, uti angabiha, Kutse mugala wʼomundu, uti angayibindukako; Amabũga, isiendisyakolakyo kwehĩ? Kutse amabĩgũga, ĩsĩendĩsyaberereryakyo kwehĩ?

Emiganzo 23:27

Na Balaka mwabũga na Balama ati, Kĩsĩ-kĩsĩ Wase, ngandikutwala ehandi; kwamũhwa kyasyatsemesya Nyamuhanga iwanyitsumira abandu aba erĩlũa eyo.

Emiganzo 23:3

Na Balama mwabũga na Balaka, ati, Hangana hakũhĩ nʼobuhere bwawe bwʼerĩokererya, nage ngandigenda; kwamũhwa Omwami Mukulu akandĩmbĩkako, nʼekĩndũkĩ akandĩnyĩkangya, ngandikubwira. Neryo mwaya oko kitwa kite ko kindu.

Emiganzo 23:30

Neryo Balaka mwakola ngoko Balama abũga, mwahonga enume yʼende nguma nʼembangale nguma oko buli kiherero.

Emiganzo 28:11

Kandi oko nzũko yʼemikera yenyũ mwasyahongera Omwami Mukulu yʼobuhere bwʼerĩokererya; esyonume ĩbĩrĩ, nʼembangale nguma, ehibangale hirinda ehyʼomwaka muguma ehite ko bulema.

Emiganzo 28:19

Nĩkwa mwasyaleta obuhere bʼoko muliro, obuhere bwʼerĩokererya busana nʼOmwami Mukulu; esyonume ĩbĩrĩ syʼesyonde nʼembangale nguma, nʼehibangale hirinda hyʼomwaka muguma; ehite ko bulema.

Emiganzo 28:31

Eritomekera kubo obuhere bwʼerĩokererya bwʼemigulu yosĩ, nʼobuhere bwabo bwʼeyĩsyano yʼengano, mwasyaletabyo haguma nʼamahere wabyo wʼerĩũtũlĩra ahisi. Syasyabya butsira bulema.

Emiganzo 29:13

Kandi mwasyaleta obuhere bwʼerĩokererya, obuhere obũkokĩbawa oko muliro, obumba obũsĩhĩre busana nʼOmwami Mukulu; esyonume syʼesyonde erĩkũmĩ nʼesĩsatu, nʼesyombangale ĩbĩrĩ, nʼehibangale ĩkũmĩ nʼehini hyʼomwaka muguma; hyasyabya butsira bulema;

Emiganzo 29:2

Mwasyahonga obuhere bwʼerĩokererya eribya erikumba lĩsĩhĩre oko Mwami Mukulu; enume nguma yʼende, embangale nguma, ehibangale hirinda hyʼomwaka muguma ehite ko bulema;

Luka 1:35

Nʼomũlaĩka mwamũsũbĩrya ati, Omũlĩmũ Abũyĩrĩre asyakũhĩkako, nʼobũtokĩ bʼOwendata Kutsibu bwasyakũsũkũlĩrya; busana nʼomwatsi oyo, omwana abũyĩrĩre oyo wasyabuta asyahulwa mo Mugala wa Nyamuhanga.

Yoane 1:36

Neryo mwalangira Yesu akalaba, neryo mwabũga ati, Lebaya, Ekyana kyʼEmbũlĩ kya Nyamuhanga!

Yoane 10:7

Neryo Yesu mwabũga nabo kandi, ati, Kwenene, kwenene ngabũga nenyũ, Ingye indi lũkyo lwʼesyombũlĩ.

Yoane 10:9

Ĩngye indi lũkyo, omundu amingirira ũkwʼĩngye asyalamĩbwa; kandi asyingira nʼerihuluka, nʼeribana ebyʼerirya.

2 AbanyaKorinto 8:12

Nĩkwa mwamabya nʼomũhwa wʼerĩhĩtya, Nyamuhanga akalĩga ebyo mundu awite, butsira ebyo atawite.

2 AbanyaKorinto 9:7

Obuli mundu ahĩre omo kĩbo ngoko abiriyisoga omo mutima wuwe; siahe nʼobuhemu, kutse erĩkũnwa; kusangwa Nyamuhanga anzĩre omundu oyukaha nʼerĩyĩsyandira.

AbanyaEfeso 2:18

Kusangwa busana na Kristo ĩtwe bosĩ, Abayũda nʼEbihanda, tukabana enzira yʼerĩhĩka uku Tata Nyamuhanga busana nʼOmũlĩmũ Abũyĩrĩre muguma.

AbanyaEfeso 5:27

Ati, iniatoka eriyiretera ekanĩsa omo bubuya bwayo, isiyiwite ekĩtĩngũ kutse omũkũnyo kutse ekindi kiri ngʼekyo; nĩkwa ati, ibye ĩbũyĩrĩre butsira bulema.

Eryibuka Ebihano 12:27

Kandi mwasyahonga amahere wenyũ wʼerĩokererya, esĩswĩ nʼomusasi, oko ki­herero kyʼOmwami Mukulu Nyamuha­nga wenyũ; nʼomusasi wʼamahere wenyũ asyũtũlĩrwa oko kiherero kyʼOmwami Mukulu Nyamuhanga wenyũ; nenyũ mwasyalya esĩswĩ esyo.

Eryibuka Ebihano 15:21

Kandi kamabya ini kalema kʼerĩsũmbayira kutse akʼerĩsongo, kutse bulema bwahi simusyehongerako oko Mwami Mukulu Nyamuhanga wenyũ.

Eryibuka Ebihano 17:1

Simusyehongera Omwami Mukulu Nyamuhanga wenyũ yʼende kutse embũlĩ eyiri kʼobulema, kutse ekindu kibi; kusangwa ekyo ni nye oko Mwami Mukulu Nyamuhanga wenyũ.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.