Abalawĩ 1:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Nʼobuhere buwe oko Mwami Mukulu bwamabya ini buhere bwʼerĩokererya bwʼesyonyonyũ, neryo asyahera obuhere bwʼehitungula, kutse bwʼehyana hyʼehĩrĩkũkũ.

Abalawĩ 1:14 Iomraidhean Croise

Enzũko 15:9

Neryo mwabũga naye ati, Ĩmaya enyana yʼemyaka ĩsatu, nʼesũhene yʼemyaka ĩsatu, nʼembangale yʼemyaka ĩsatu, nʼakatungula, nʼekyana kyʼakalĩkũkũ.

Abalawĩ 12:8

Amalindatoka eribana ekyana kyʼembũlĩ, neryo ĩnĩmya ehitungula hibiri, kutse ehĩrĩkũkũ hibiri hirere, akaguma kʼobuhere bwʼerĩokererya, nʼakandi busana nʼobuhere bwʼebibi; nʼomũhererĩ asyamũsanganĩa omo mbanulo, naye asyera.

Abalawĩ 5:10

Neryo asyahera akʼakabiri busana nʼobuhere bwʼerĩokererya, ngʼebilayiro; nʼomũhererĩ asyamũsanganĩa omo mbanulo busana nʼebibi biwe ebyo abirikola, naye asyabuyirwa.

Abalawĩ 5:11

Kandi amatindatoka eribana ehitungula hibiri, kutse ehyana hyʼehĩrĩkũkũ hibiri, neryo asyaleta obuhere buwe busana nʼekyo abĩrĩhalyamo, ekiguma kyʼomwʼĩkũmĩ ekitiri kyʼeyĩsyano yʼenzelele busana nʼobuhere bwʼebibi; syasyehĩra kubo kwʼamagũta, kutse syasyehĩra kubo kʼoũbanĩ; kusangwa ni buhere bwʼebibi.

Abalawĩ 5:7

Neryo amatindatoka eribana ekyana kyʼembũlĩ, asyaletera Omwami Mukulu obuhere buwe bwʼolubanza busana nʼekyo abĩrĩhalyamo, ehitungula hibiri, kutse ehyana hibiri hyʼehĩrĩkũkũ; akaguma busana nʼobuhere bwʼebibi, nʼakandi busana nʼobuhere bwʼerĩokererya.

Matayo 11:29

Mwĩmaye engomo yage, muhekeyo, mwigire ũkwʼĩngye, kusangwa indi molo-molo nʼowʼomutima ahehere; nenyũ mwasyabana eriluhuka omo mitima yenyũ.

Matayo 21:12

Neryo Yesu mwaya omo Hekalũ mwahigirabo eyĩhya abosĩ abagula, nʼabagũlĩraya omo Hekalũ, kandi mwakubula ehimesa hyʼabahĩnganaya esyofranka nʼebĩtũmbĩ byʼabagũlaya ehĩrĩkũkũ.

Luka 2:24

Kandi mobayayo busana nʼerihera obuhere ngoko Migambo yʼomukama ĩkabũga iti, Ehitungula hibiri, kutse ehyana hyʼehĩrĩkũkũ hibiri.

2 AbanyaKorinto 8:12

Nĩkwa mwamabya nʼomũhwa wʼerĩhĩtya, Nyamuhanga akalĩga ebyo mundu awite, butsira ebyo atawite.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.