AbaEbrania 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nĩkwa Omũhererĩ Mukulu oko bahererĩ bosĩ ĩyowene mwabya akingira omo Hema yʼAhabũyĩrĩre Kutsibu engendo nguma nyisa oko buli mwaka. Abya akaheka omusasi haguma naye, owakaha Nyamuhanga busana naye, nʼakandi busana nʼebibi byʼabandu, ebyo bakola omo butaminya bwabo.

Nouveau Testament et Psaumes en Ndandi Version 1962

⁷ nikwa omuhereri mukulu akaya omo hema yakabiri iyowene nibya engendo nguma nyisa oko mututa isiariingira mo atahekire omusasi owakaherera busana naye na busana nebibi byabandu.

AbaEbrania 9:7 Iomraidhean Croise

2 Samwelĩ 6:7

Nʼerihitana lyʼOmwami Mukulu molyagulumira uku Ũza; na Nyamuhanga mwamũswĩrĩryaho busana nʼeritindakenga liwe; neryo mwaholeraho oko mũsĩke wʼerĩsandũko lya Nyamuhanga.

2 Emyatsi yʼEmigulu 33:9

Neryo Manase mwateba Yũda nʼesyondũlanĩ syʼeYerũsalema kyaleka ibakola ebibi kwilaba ebihanda ebyo Mwami Mukulu aheraya embere syʼabana ba Ĩsraelĩ.

Esyonyimbo 19:12

Nindi akatoka eriminya erĩhabya liwe kwehĩ? Ũnyĩlamaye oko bibi ebĩbĩsamĩre.

Esyonyimbo 95:10

Omo myaka makũmĩ ani monakwa abandu abo bo nye, Monabũga nyiti, Ni bandu bakatala ebiro byosĩ omo mitima yabo sibetaminya esyonzira syage!

Erĩlũayo 30:10

Na Harũnĩ asyayira omusangano oko mahembe engendo nguma oko buli mwaka; omo musasi wʼobuhere bwʼerĩlũsya amalolo bwʼeririha engendo nguma oko mwaka, engendo nguma asyayira omusangano busana nabo omo katĩkatĩ kʼesyondengo syenyũ syosĩ. Kĩbũyĩrĩre kutsibu busana nʼOmwami Mukulu.

Ĩsaya 28:7

Aba nabo bakayiwako nʼebĩnyũ, bakakũta-kũta omo bwabũ bũhĩre. Omũhererĩ nʼomũmĩnyererĩ bakayiwako busana nʼobwabũ bũkalĩre, babirimerwa nʼebĩnyũ, bakakũta-kũta nʼobwabũ bũkalĩre. Bakayiwako omo nzolĩ, bakatitimbira omwʼitswera.

Ĩsaya 29:14

neryo, lebaya, ngandisyaswakola omũbĩrĩ wʼeriswekera omo katĩkatĩ kʼabandu aba, omũbĩrĩ wʼeriswekera ndeke. Amenge wʼabʼamenge ba banyima asyahera, nʼeriminya lyʼabanyima-nyima abakalangira lyasyabĩswa.

Ĩsaya 3:12

Ĩnywe bandu bage! Abana bo bakanũbayabo, nʼabakalĩ bakatabalirabo. Ĩnywe bandu bage! abakabasondola bakaleka imwatala, nʼerĩrĩba-lĩbanĩa enzira mukalabamo.

Ĩsaya 9:16

Kusangwa abakasondola abandu aba bakaleka ibatala. Nʼabakasondolawa nabo babĩrĩlĩbanĩbwa.

Hosea 4:12

Abandu bage bakabũlaya esanamu yabo yʼomuti, nʼomũtso wabo wʼobũkũmũ akabwirabo; kusangwa omutima wʼeriteta abĩrĩtalyabo, babirikola obũmalaya, erĩlũa uku Nyamuhanga wabo.

Abalawĩ 16:34

Nʼekĩ kyasyabya mugambo busana nenyũ ebiro byosĩ, eririha embanulo busana nʼabana ba Ĩsraelĩ ngendo nguma oko mwaka busana nʼebibi byabo byosĩ. Neryo omũhererĩ mwakola atya ngoko Mwami Mukulu ahana Musa.

Abalawĩ 5:18

Naye asyaletera omũhererĩ yʼembangale eyite ko bulema, ĩkalũa omo kĩhyo, ngʼeriganza eryo asyamusohera, busana nʼobuhere bwʼolubanza. Neryo omũhererĩ asyamũsanganĩa busana nʼomwatsi ogo abĩrĩhalyamo butsira eriyiririra isyabya asĩgo, naye asyabuyirwa.

Amosĩ 2:14

Esyondibito syasyabula oko mũtĩbĩtĩ; nʼowʼamaka siendisyatomeka oko maka wuwe; kutse owʼobũtokĩ sĩendĩsyalamya engebe yiwe.

Emiganzo 15:25

Nʼomũhererĩ asyakola embanulo busana nʼendeko yosĩ yʼabana ba Ĩsraelĩ, nabo basyabuyirwa; kusangwa lyabya ĩlolo, nabo babirireta ehongo yabo, obuhere obukayirawa omo muliro oko Mwami Mukulu, nʼobuhere bwabo bwʼebibi embere syʼOmwami Mukulu, busana nʼerĩlolo lyabo.

AbanyaEfeso 4:18

Kandi amenge wabo nĩ mwĩrĩmya. Babirigabana nʼengebe ya Nyamuhanga, sĩbasĩkĩ kandi babĩrĩkalya emitima yabo.

AbaEbrania 10:3

Nĩkwa amahere aya, abya akĩbũkya abandu ebibi byabo obuli mwaka.

AbaEbrania 6:19

Tuwite amaha aya awakasĩkaya emitima yetu. Amaha aya ni wʼekwenene, asĩkĩre, kandi akingira enyũma wʼekĩsũkũlĩryo kyʼeHekalũ,

AbaEbrania 7:27

Yesu siali ngʼabandi bahererĩ bakulu oko bahererĩ bosĩ. Ibo bakahera amahere ebiro byosĩ busana nʼebibi byabo, nʼakandi busana nʼebibi byʼabandu. Kusangwa Kristo mwahera obuhere bo ngendo nguma nyisa omugulu ayiha.

AbaEbrania 9:3

Neryo enyũma wʼekĩsũkũlĩryo kyʼakabiri, mohabya eHema eyikahulawa mo Ahabũyĩrĩre Kutsibu.