AbaEbrania 9:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kandi ho habya ekiherero kyʼesyamagetsi ekyʼerĩhĩsya kwʼobukwa, kandi erĩsandũko eryʼendagano eryabiribambwako ehosĩ esyamagetsi. Kandi omo rĩsandũko eryo mwabya akalega kʼesyamagetsi akali mwʼamana, kandi omũtso wa Harũnĩ owalasaya amasasa, nʼehisayi hibiri hyʼamabwe ehyasakawako esyondagane.

Nouveau Testament et Psaumes en Ndandi Version 1962

⁴ ihawite aheriherera ryazahabu busana nerihisya uvumba nerisanduku eryerilagana eryabiribambiribwa oko mbande syosi na zahabu, nekisya kyezahabu ekiri mwa mana, nomutso wa Arona owalasaya amasasa, nehisayi hyamabwe hyerilagana;

AbaEbrania 9:4 Iomraidhean Croise

1 Abami 7:50

nʼesyondehĩ, nʼemĩrĩmĩryo, nʼebibindi, nʼemyũko, nʼebindu byʼomuliro, byʼesyamagetsi nyibuya, nʼebikahamba Olũyĩ byʼesyamagetsi busana nʼesyonyũyĩ syʼomwisi wʼenyũmba, ahabũyĩrĩre kutsibu, na busana nʼesyonyũyĩ syʼenyũmba eyo ye Hekalũ.

1 Abami 8:21

Nʼomo nabĩrĩhĩra omwanya wʼerĩsandũko, omuli endagano yʼOmwami Mukulu, eyo alagana nʼabotata wetu, omugulu alũsayabo omo kihugo kyʼeMĩsĩrĩ.

1 Abami 8:9

Simwabya kindu, bye nʼebisayi bibiri byʼamabwe ebyo Musa ahĩramo eHorebũ, omugulu Omwami Mukulu ayira endagano haguma nʼabana ba Ĩsraelĩ, omugulu balũa omo kihugo kyʼeMĩsĩrĩ.

2 Emyatsi yʼEmigulu 5:10

Omwisi wʼerĩsandũko sihabya kindu bye nʼebisayi bibiri ebyo Musa ahĩraho eHorebũ omugulu Omwami Mukulu alagana endagano nʼabana ba Ĩsraelĩ, omugulu balũa eMĩsĩrĩ.

Erĩlũayo 26:33

Kandi wasyahanika olukimba olũkasũkũlĩraya olo eyĩkwa oko bĩbohĩ, kandi wasyaleta erĩsandũko lyʼerĩtũlago aho omwisi oko lukimba olũkasũkũlĩraya olo; nʼolukimba olũkasũkũlĩraya lwasyabagabira ahabũyĩrĩre oko habũyĩrĩre kutsibu.

Erĩlũayo 31:18

Neryo abere abibuga erĩkanĩa naye oko kitwa kyʼeSĩnaĩ, Nyamuhanga mwaha Musa ebisayi bibiri byʼerĩtũlago, ebisayi byʼamabwe, ebĩsakĩre omo munwe wa Nyamuhanga.

Erĩlũayo 32:15

Neryo Musa mwabinduka, mwakĩma oko kitwa, ĩnĩahekĩre ebisayi bibiri byʼerĩtũlago omo byala biwe; ebisayi ebyo byabya bĩsakĩre oko mbande syosĩ ĩbĩrĩ; ĩbĩsakĩre oko lundi luhande nʼoko lundi.

Erĩlũayo 34:29

Neryo, omugulu Musa andagala oko kitwa kyʼeSĩnaĩ, kandi ebisayi, bibiri byʼerĩtũlago ibine omo byala biwe, omugulu akĩma erĩlũa oko kitwa, Musa mwataminya esyongoba syʼobũsũ buwe ko syakangabasenĩe busana nʼerĩkanĩa na Nyamuhanga.

Erĩlũayo 37:25

Kandi mwakokotya ekiherero kyʼobukwa omo muti wʼomũshĩta; obuli bwakyo bwabya sentĩmetere makũmĩ ani na ndatu (46), nʼobugali bwakyo bwabya sentĩmetere makũmĩ ani na ndatu (46), habya halingirirene; nʼobuli bwakyo endata bwabya sentĩmetere makũmĩ mwenda nʼĩbĩrĩ (92 cm); amahembe wakyo abya wʼekitswe kiguma nakyo.

Erĩlũayo 39:35

erĩsandũkũ lyʼerĩtũlago, nʼemigamba yalyo, nʼekĩtũmbĩ kyʼeriganyira;

Erĩlũayo 40:3

Kandi mwasyahĩramo erĩsandũkũ lyʼerĩtũlago, kandi wasyasũkũlĩrya erĩsandũkũ eryo omo lukimba lwʼerĩbĩsalyo.

Abalawĩ 16:12

Neryo asyĩmya ekibindi ekyoswĩre mwʼamakala wʼomuliro akalũa oko kiherero embere syʼOmwami Mukulu, nʼebyala biwe ĩbyoswĩre mʼobukwa obukakumba ndeke, ĩbwabĩrĩtũndũlwa kutsibu, nʼeriretabo omo kisenge enyũma wʼekĩsũkũlĩryo kyʼehekalũ.

Emiganzo 17:10

Nĩkwa Omwami Mukulu mwabũga na Musa ati, Sũbaya omũtso wa Harũnĩ aho embere wʼerĩtũlago, ibikawe eribya kiminyikalo oko bana bʼepono; iwatoka erikunga emiyitongo yabo ũkwʼĩngye, bakasyahola.

Emiganzo 17:5

Neryo kyasyabya, omũtso wʼomundu oyo nasyayisoga asyalasya erĩsasa. Nasyayĩtsĩrĩsĩrya emiyitongo yʼabana ba Ĩsraelĩ, eyo bakabatonga

Emiganzo 17:8

Neryo engyakya, Musa mwingira omo Hema yʼerĩtũlago; neryo, omũtso wa Harũnĩ owabya busana nʼekihanda kya Lawĩ mwahũlũkya erĩsasa, kandi mwalasya erĩsasa, mwayira omusanga, kandi mwahetya ebĩgũma byʼamalozĩ ebyerĩre.

Eryibuka Ebihano 9:11

Neryo oko ndũlĩ yʼemisibo makũmĩ ani nʼebiro makũmĩ ani, Omwami Mukulu mwamba ebisayi bibiri byʼamabwe, bye bisayi byʼendagano.

Eryibuka Ebihano 9:9

Omugulu nahetukira oko kitwa eriyahabwa ebisayi byʼamabwe, bye bisayi byʼendagano eyo Mwami Mukulu alagana nenyũ, oko mugulu oyo, monasiba oko kitwa emisibo makũmĩ ani nʼebiro makũmĩ ani; mondalya kalyo kutse erĩpũlya amagetsi.

Eribisurirwa 11:19

Kandi eHekalũ ya Nyamuhanga omo lubula moyakingulwa, nʼerĩsandũko lyʼendagano yiwe molyabutuka omo Hekalũ yiwe. Neryo mohabya erĩpalya, nʼemirenge, nʼemĩlũmo, nʼomũsĩkĩ, nʼamatwa manene-manene.

Eribisurirwa 8:3

Neryo ogundi mũlaĩka mwasa mwahangana hakũhĩ nʼekiherero ĩnĩahambĩre ekibindi kyʼesyamagetsi. Naye mwahabwa obukwa bunene atomekebo okwʼisaba lyʼabandu bosĩ ba Nyamuhanga oko kiherero kyʼesyamagetsi, ekyabya embere wʼekĩtũmbĩ kyʼobwami.