AbaEbrania 8:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Eyĩ siyendisyasosa endagane eyo nayira nʼabotata wabo. Oko kiro ekyo nawatabo oko byala nʼerisondolabo omo kihugo kyʼeMĩsĩrĩ. Nĩkwa mobatakwama endagane eyo nahĩra kubo, Neryo Omwami Mukulu ati, Nage namaponabo.

Nouveau Testament et Psaumes en Ndandi Version 1962

⁹ Eritaringene nerilagana nalagana na bise wabo Oko kiro nahambabo oko byala Erisondolabo erilwa omo kihugo kyeMisiri; Kusangwa mobatakwamirira omwilagana ryage, Kyaleka inaponabo, oMukama atya.

AbaEbrania 8:9 Iomraidhean Croise

Enzũko 19:16

Nĩkwa Lotĩ mwayĩtĩmba-tĩmbya, neryo abamalaĩka abo mobahamba ebyala biwe nʼebyala byʼomũkalĩ wuwe, nʼebyala byʼabali buwe babiri, Omwami Mukulu iniakamuganyira. Neryo mobamũhũlũkĩrya eyĩhya, mobamũhĩra eyĩhya wʼomũyĩ.

Yobũ 8:20

Lebaya Nyamuhanga siangagana mundu oyũhĩkene, Kutse siangimira abakola-nabi.

Esyonyimbo 105:43

Neryo mwasondola akahũlũkya abandu buwe omwʼimba esyonyimbo, Mwasondola abayisogawa buwe nʼemirenge yʼobutseme.

Esyonyimbo 77:20

Mowasondola abandu bawe ngʼomũlĩsya wʼekihangulo, Omo byala bya Musa na Harũnĩ. Nyamuhanga nʼabandu buwe Olwimbo lwa Asafũ lwʼamenge.

Esyonyimbo 78:57

Nĩkwa mobahona nʼeriteba ngʼaboso-kulu wabo, Mwayihengeka nʼobuta oyũhengemĩre.

Erĩlũayo 32:8

babiribinduka lũba erĩlũa omo nzira eyo nahanabo; babiriyikolera ekyana kyʼende ekikahesawa, babĩrĩramyakyo, kandi babirihererakyo, bati, Uwe Ĩsraelĩ, oyũ ni nyamuhanga wawe, oyo wakũlũsaya omo kihugo kyʼeMĩsĩrĩ.

Erĩlũayo 34:10

Neryo Nyamuhanga mwabũga ati, Lebaya; ngandĩhĩra erilagana. Nasyayira ebitiko-tiko embere syʼabandu bawe bosĩ, ebite byatakolwa omo kihugo kyosĩ, kutse omo kihanda nʼekiguma; nʼabandu bosĩ aho bĩkere basyalangira omũbĩrĩ wʼOmwami Mukulu; kusangwa ni kindu kyʼerĩũbahya ekyo ngandikola nawe.

Olwimbo lwʼEsyonyimbo 8:5

Nindi oyukasira omo mbwarara, Iniakegemera oko mwanze wuwe kwehĩ? Monakũbũkya oko ndĩna yʼomuti wʼetofala, Aho koyo wawe abya akakundira busana nawe, Aho akundira nʼerikubuta.

Ĩsaya 40:11

Asyalĩsya ekihangulo kiwe ngʼomũlĩsya, Asyabagalira ebyana byʼesyombũlĩ omo byala biwe, Nʼerihekabyo oko kĩkũba kiwe, Nʼerisondola esyosũhene nʼesĩkongaya syo bolo-bolo.

Ĩsaya 41:13

Kusangwa ĩngye indi Mwami Mukulu, Nyamuhanga wenyũ, oyukakuwatirira omo byala byawe byʼamali, oyukakubwira ati, Sigubahe, ngandĩkũwatĩkya.

Ĩsaya 51:18

Sihali owʼerimusondola, Omo katĩkatĩ kʼabagala bosĩ abo abuta, Kutse sihali oyo wangamuwata oko byala, Omo katĩkatĩ kʼabagala bosĩ akũlaya.

Ĩsaya 63:9

Omo malĩge wabo gosĩ naye mwagalwa, nʼomũlaĩka wʼembere siwe mwalamyabo. Mwatongolyabo omo lwanzo luwe nʼerisasira liwe. Kandi mwatelulabo, mwahekabo ebiro byosĩ bya kera.

Yeremĩa 31:32

Omwami Mukulu ati, Eyĩ siyendisyasosa endagano eyo nayira nʼabotata wabo ekiro nahambabo omo byala erĩlũsyabo omo kihugo kyʼeMĩsĩrĩ, endagano yage eyo batũa, nomo nanabya ĩba wabo.

Ekiriro 4:16

Obũsũ bwʼomwami Mukulu bwabiri-panzabo Siendisyaswalola kubo. Mobatakenga abahererĩ, Mobatasĩkya abakulu.

Ezekĩelĩ 16:59

Kusangwa Omukama Iye Omwami Mukulu ati, Nasyakukolera ngoko wabirikola nibya, uwe wabiripona erĩlahĩrya mũkatwa endagano.

Ezekĩelĩ 16:8

Neryo monalabaho monakulolako, lebaya, omugulu wawe abya omugulu wʼolwanzo. Monasesa omukuyiro wʼolukimba lwage ukʼuwe, monaswika endũmbũ yawe. Kandi monakũlahĩryako monalagana nawe, neryo mowabya wage, Omukama Iye Omwami Mukulu atya.

Amosĩ 5:22

Nomo mwanganyiherera amahere wenyũ wʼerĩokererya, nʼamahere wenyũ wʼengano, sĩndĩendĩsyalĩgago; kandi sĩndĩendĩsyalebya amahere wʼobuholo wʼesyonyama syenyũ sĩnenehĩre.

Malakĩ 2:13

Kandi ekĩ ni kindi ekyo mukakola: mukaswika ekiherero kyʼOmwami Mukulu omo mĩsonĩa, nʼeririra, nʼerihumulikana, kusangwa siakilangira obuhere, kutse erĩrĩgabo ndeke omo byala byenyũ.

Mariko 8:23

Neryo Yesu mwawata oko byala byʼendĩmatĩme, mwamutwala ekyaswa kyʼomũyĩ. Abere abĩtwĩra amatande gʼoko meso wuwe, Yesu mwamũhĩra kwʼebyala neryo mwa­mũbũlya ati, Wanamalangira kindu kwehĩ?

Emibiri 13:11

Na lino lebaya! ebyala byʼomukama bikalwa nawe, Ukandibya ndĩmatĩme isiwendisyalangira ekyakakala oko katambĩ. Neryoneryo ekihohe nʼomwĩrĩmya mobyamubyako, neryo Elema mwalendera akamatamata oyo wangamuwatako oko byala erimusondola.

Emibiri 7:36

Omundu oyo mwasondola Abaĩsraelĩ erĩlũsyabo eMĩsĩrĩ, iniakakola ebyʼeriswekera, nʼebitiko-tiko omo myaka makũmĩ ani, omo kihugo kyʼeMĩsĩrĩ, nʼomo Ngetsi yʼeNgula, nʼomo mbwarara.

Emibiri 9:8

Neryo Saũlo mwahangana oko kitaka, nĩkwa nomo meso wuwe abya alĩbũkere, mwatatoka erilangira kindu, mobamuwatako oko byala, mobamutwala eDamasĩkĩ.

AbanyaGalatia 4:24

Nʼeyĩ nĩ mĩsyo. Abakalĩ aba bakakangaya ndagano ĩbĩrĩ. Omuguma akalũa oko kitwa kyʼeSĩnaĩ, naye akabuta abana bʼobukobe.

Eryibuka Ebihano 29:1

Ebĩ bye bĩnywa byʼendagano eyo Mwami Mukulu ahana Musa omo kihugo kyʼeMoabũ eyite ngʼendagano eyo ayira nabo eHorebũ.

Eryibuka Ebihano 29:12

imwatoka eriingira omo ndagano yʼOmwami Mukulu Nyamuhanga wenyũ, nʼomo kisemo kiwe, ekyo Mwami Mukulu Nyamuhanga wenyũ akayira nenyũ mũnabwĩre;

Eryibuka Ebihano 29:25

Neryo abandu basyabũga bati, Kusangwa balekĩre endagano yʼOmwami Mukulu, Nyamuhanga wʼabotata-kulu wabo, eyo alagana nabo omugulu alũsayabo omo kihugo kyʼeMĩsĩrĩ.