AbaEbrania 8:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Obuli mũhererĩ mukulu oko bahererĩ bosĩ, akahamulawa erihera olũsũnzo nʼamahere uku Nyamuhanga. Neryo kitolere omũhererĩ mukulu oko bahererĩ bosĩ oyũ iniabya nʼekindu kyʼeriha uku Nyamuhanga.

Nouveau Testament et Psaumes en Ndandi Version 1962

³ Kusangwa oburi muhereri mukulu akahirawaho eriherera erihitya nobu here; neryo ritolere omuhereri oyu iniabya nekindu kyeriherera.

AbaEbrania 8:3 Iomraidhean Croise

Yoane 6:51

Ĩngye indi bundu bwʼengebe obwandagala bũkalũa elubula. Omundu amalya oko bundu obo, asyabyaho kera na kera; nʼobundu obo nasyaha ni mubiri wage, ogo ngaha, ekihugo kitoke eribyaho.

AbanyaRoma 4:25

Yesu mwatwalwa oko luholo busana nʼamalolo wetu, neryo mwalũbũkĩbwa erituyira mo batunganene.

AbanyaRoma 5:6

Kusangwa omugulu twabya butsira maka, Kristo mwaholera abakola-nabi, oko mugulu Nyamuhanga ayisoga.

AbanyaRoma 5:8

Nĩkwa Nyamuhanga akakangaya olwanzo luwe busana netu, kusangwa omugulu twabya tukine bakola-nabi, Kristo mwatuholera.

AbanyaGalatia 2:20

Nabiribambwa oko musalaba haguma na Kristo. Nĩkwa lino nyineho; nĩkwa butsira ngye, Kristo aneho omwisi wage. Nʼengebe eyo nyiri nayo lino omo mubiri, nyiri nalyo busana nʼerĩkĩrĩrya Omugala wa Nyamuhanga, oyo wanyanza, nʼeriyiha busana nage.

AbanyaEfeso 5:2

Mukole ebyosĩ omo lwanzo, ngoko Kristo atwanza, kandi mwaha engebe yiwe busana netu ngʼobuhere obukakumba ndeke, ehongo eyĩkatsemesaya Nyamuhanga.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

AbaEbrania 2:17

Kyaleka Yesu iniayirwa ngʼabalĩkyabo omo myatsi yosĩ, kandi iniatoka eribya omũhererĩ mukulu oko bahererĩ bosĩ oyukaganyira, nʼoyuteregula omo mũbĩrĩ wa Nyamuhanga, ebibi byʼabandu bibuyirawe.

AbaEbrania 3:1

Neryo balĩkyetu, bana ba Nyamuhanga, abo Nyamuhanga abirikira nibya, mũganĩraye ndeke Yesu, omukwenda nʼomũhererĩ mukulu oko bahererĩ bosĩ, owʼemyatsi eyo tũkĩkĩrĩraya.

AbaEbrania 5:1

Obuli mũhererĩ mukulu oko bahererĩ bosĩ akayisogawa omo katĩkatĩ kʼabandu, akahĩrawa erikolera Nyamuhanga busana nʼabandu. Naye akaha olũsũnzo nʼamahere busana nʼebibi.

AbaEbrania 7:27

Yesu siali ngʼabandi bahererĩ bakulu oko bahererĩ bosĩ. Ibo bakahera amahere ebiro byosĩ busana nʼebibi byabo, nʼakandi busana nʼebibi byʼabandu. Kusangwa Kristo mwahera obuhere bo ngendo nguma nyisa omugulu ayiha.

AbaEbrania 8:4

Kumbe alibya muna-kihugo, kumbe siangabere mũhererĩ nʼahake. Kusangwa hali abahererĩ abakaha olũsũnzo uku Nyamuhanga ngʼEmigambo ko yikategeka.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.